Matí Injíl 26
26
XXVI. GÍSTSHASHUMÍ BÁB.
1Hacho bíṯẖa ki Yesuá hawi thewag̱ẖe gálwar khuṯẖag̱ẖá, guḍá waṯẖí shágirdar gwashtai ki, 2Shá záne ki do rosh phaḏẖá íd i fasah bí. Ádam Bachh hawála bíṯẖa ki áṉhiar súlí deant. 3Guḍá sirdar káhin de álam buzurg de much bíṯẖag̱ẖant Kayáfá, sirdar káhin, kacheriá; 4hawoḏẖa de saláh khuṯẖaish ki chacho azẖ dirog̱ẖ bandag̱ẖá, Yesuar girún, kushún. 5Guḍá gwashtaish ki íd waktá na girúní ki fasád ma bí.
6Yesu Baithaniyá neáṉwán nindag̱ẖaṯẖ, Shamáún náme, dánág̱ẖe mard log̱ẖá. 7Guḍá yak zál kímati atr kuppí neáṉwán gipto ártho áḵẖta: waktá ki nag̱ẖan warag̱ẖaṯẖ, áṉhí sag̱ẖr chaka mushtai. 8Shágirdá díṯẖo zahr gipto gwashta ki Hawi befaida kár pachi khuṯẖai? 9Ar hawi atr giráne bháe shawashkṯẖa, zar g̱ẖarív álamar dáṯẖa khuṯẖa. 10Yesuá surphaḏẖ bíṯẖo gwashta ki shá zálar pachi dukhí khanag̱ẖe? 11Mai sángá jawáeṉ kár khuṯẖai ki g̱ẖarív álam harro go shá phajiá nindant, ma go shá phajiá harro na nindán. 12Hawi atr mai jindá mushtai, hacho khuṯẖai mai púrag̱ẖ sángá. 13Har handeá ki hawi whash‐hál bashkhanant, hawán handá hawi kár hál bashkhanant ki zálá khuṯẖa.
14Guḍá azẖ doázdah shágirdá yakeá, Yahudah Iskarioti náme, 15sardar káhin gurá shuḏẖo gwashta, ar ma shai dastá áṉhiar deáṉ chih inám giráṉ? Guḍá si rupíá dáṯẖaish. 16Cheḏẖ‐phaḏẖá áṉhání dastá deg̱ẖá waj pholkhuṯẖai.
17Beḵẖamíre nag̱ẖan ídá, áṉhí pheshi roshá, shágirdá Yesu gurá áḵẖto gwashta ki thai marzí chihê? Thán handá thai sángá fasah sambarainún? 18Gwashtai ki shahrá baroe, fuláne mard log̱ẖá, áṉhiar gushe ki wázẖá hacho hál deág̱ẖe, ki mai welá nazík áḵẖta; ma go waṯẖí shágirdá phajiá thai log̱ẖá íd i fasah khanán. 19Shágirdá hacho khuṯẖa ki Yesuá hukm dáṯẖa; fasah de sambarainthaish. 20Begáh bíṯẖa, go doázdah shágirdá nag̱ẖan warag̱ẖaṯẖ. 21Warag̱ẖaṯẖant, guḍá gwashtai ma shuár ráste gálwar gushag̱ẖáṉ, azẖ shá yak marde dastá ma hawála bán. 22Sakhia armán bíṯẖag̱ẖant, har khas gushag̱ẖá khapta ki wázẖá mani, chih manán? 23Jawáv dáṯẖo gwashtai ki mard ki go má phajiá azẖ híraná nag̱ẖan gipta, hawán mard maná hawála khat. 24Ádam Bachh cho ki áṉhí hál likhṯẖa, hawírge mirí: lekin hawán mard hál armán bí ki áṉhí dastá Ádam Bachh hawála bí, ar hawán mard paidá na bíṯẖa guḍá áṉhí sángá jawán bíṯẖa. 25Guḍá Yahudahá ki áṉhí hawála‐khanoḵẖ bíṯẖa, jawáv dáṯẖo gwashta, ki Wázẖá mani, chih manán? Gwashtai, hau, hacho bí. 26Warag̱ẖaṯẖant, guḍá Yesuá nag̱ẖan gipto duá loṭṯẖo, bahar khuṯẖa: shágirdár de dáṯẖo gwashtai ki gire baware, mai jind haweshê: 27phaḏẖá piyála gipto shukr khuṯẖo gwashtai ki shá thewag̱ẖe baware, ki mai hoṉ haweshê; 28noḵẖe ahd hoṉ haweshê ki báze mardom gunáh sángá dáṯẖa. 29Shuár gushag̱ẖáṉ cheḏẖ‐phaḏẖá ma angúr áf na waráṉ hawáṉ rosh dáín ki go shá phajiá noḵẖe warán mai Phiṯẖ ráj neáṉwán.
30Guḍá shaire jaṯẖo dará Haṯẖání Kohá shuḏẖag̱ẖant.
31Yesuá gwashta ki hawi shafá shá mai phalwá dhábá ware ki likhṯẖa, ma pahnwálar janán, mesh khurdant. 32Ma tharáṉ zindag̱ẖ bán guḍá shai dem̱vá Jalíl neáṉwán rawán. 33Patrúsá jawáv dáṯẖo gwashta ki, ar thewag̱ẖe dhábá warant, ma mundo dhábá na warán. 34Yesuá gwashta ki hawi shafá pheshá ki bángo báng dá, sei baroá thau mai inkár khanai. 35Patrúsá gwashta ki ma go thau phajiá mirán, mundo inkár na khanán. Hawírge de ṯẖewag̱ẖe shágirdá gwashta.
36Guḍá Yesuá áḵẖto handeá, Geṯẖsamene náme, waṯẖí shágirdar gwashta ki eḏẖa ninde, ki ma dem̱vá juzán, duá loṭán. 37Go áṉhí phajiá Patrús de Zabadí do bachh de shuḏẖag̱ẖant. 38Guḍá sakhia armán wa dukhí bíṯẖa. Guḍá gwashtai ki mai dil sakhia armánê ki ma mirán. Shá eḏẖa ninde, go má phajiá hág̱ẖá bíe. 39Guḍá kame dír shuḏẖo, dem̱vá khapto duá loṭṯẖa ki Phiṯẖ mani, ar bioḵẖe hále bí, hawi sore áf azẖ mai phalwá guzi ro; lekin mai marzí na, thai marzí phílav bí. 40Shágird nem̱g̱ẖá áḵẖto díṯẖai ki wafsag̱ẖant. Guḍá Patrusar gwashtai ki, shá jhateá go má phajiá hág̱ẖá bíṯẖa na khane? 41hág̱ẖá bie, duá loṭe ki ázmútá na bí: rúh jawánê, jind lag̱ẖore. 42Thihbare shuḏẖo duá loṭṯẖa ki, Phiṯẖ mani, ar hawi sore áf azẖ mai phalwá gwasta na khat, warag̱ẖá báj, thai marzí phílav bí. 43Thihbare áḵẖto díṯẖai ki wafsag̱ẖant, ki sakhia whávo bíṯẖag̱ẖant. 44Thihbare ishto dáṯẖo shuḏẖo hawán duá loṭṯẖa. 45Guḍá shágird nem̱g̱ẖá áḵẖto gwashtai ki ní bawafse, árám khane, wela nazík áḵẖta, Ádam Bachh gunáhgár dastá dáṯẖa, kharo bie, juzún; 46hawán mard nazíkê ki maná áṉhání dastá dá.
47Hawi gálwar khanag̱ẖaṯẖ guḍá Yahudáh, azẖ doázdah shágirdá yake, áḵẖta: go áṉhí phajiá ummat áḵẖta, ki áṉhání dastá zahm de lath de bíṯẖag̱ẖant. Azẖ sirdar káhin wa buzurg phalwá áḵẖtag̱ẖant. 48Mardá ki áṉhání dastá dáṯẖa nashk sángá gwashta, mard ki áṉhiar ma chukán, hawán bí: áṉhiar gire. 49Yabará Yesu gurá áḵẖto gwashtai, Wázẖá mani, salám; guḍá chukthai. 50Yesuá gwashta ki Dost mani, hawán kár khan, ki áṉhí sángá áḵẖtag̱ẖai. 51Guḍá Yesuar dast laiṯẖo giptaish. Guḍá mardeá, ki Yesu sangati bíṯẖa, dast drázẖ khuṯẖo zahm khashta, sardar káhin ṭhíhar jaṯẖo áṉhí gosh buriṯẖai. 52Yesuá gwashta ki waṯẖí zahm juḵẖtá khan, ki mard ki zahm khashí, hawán azẖ zahmá mirí. 53Thau sahíh na bíṯẖa ki azẖ waṯẖí Phíṯẖá duá loṭṯẖa khanán, guḍá mai sángá azẖ doázdah hazár firishtag̱ẖáná ziáḏẖag̱ẖ dem̱v dá? 54Hacho bí, guḍá gálwar ki likhṯẖa chacho phílav bí, ki hawi kár pakarê? 55Hawán waktá Yesuá ummatar gwashta ki maná duzí wájá pha girag̱ẖá áḵẖtag̱ẖe? Harro Huḏẖá‐log̱ẖá nindag̱ẖaṯẖán pha sikhálag̱ẖá, shá maná na gipta. 56Hawi thewag̱ẖe kár bíṯẖa, ki nabi gálwar phílav bant. Guḍá thewag̱ẖe shágirdá ishto dáṯẖo gur khuṯẖa.
57Hawán mardá ki áṉhání Yesu gipta, Kayáfá sardar káhin log̱ẖá ártha, ki hawoḏẖa shara‐likhoḵẖ de buzurg de much bíṯẖag̱ẖant. 58Patrús dírá bíṯẖo áṉhí phaḏẖá shuḏẖa kacherí dáín. Guḍá andará shuḏẖo go ambráhá nishta, ki gindí chih bí. 59Sardar káhiná de thewag̱ẖe majlisá de Yesu chaka dirog̱ẖe sháhidí pholkhuṯẖa ki áṉhiar kushant: báze dirog̱ẖe sháhid áḵẖtag̱ẖant; 60sháhidí hechi na bíṯẖa. 61Jhateá phaḏẖá do mardá áḵẖto gwashta ki, hawi mardá gwashta ki ma Huḏẖá‐log̱ẖ gár khuṯẖa khanán, sei rosh neáṉwáṉ thíhbare jorenṯẖa khanáṉ. 62Guḍá sardar káhiná kharo bíṯẖo gwashta ki thau jawáv hechi na deai? Hawi sháhidí chihê ki thai sará deg̱ẖant? 63Yesuá chup khuṯẖa. Sardar káhiná gwashta ki Huḏẖá námá jawáv de, Masíh, Huḏẖá Bachh thau ai, ki na? 64Yesuá gwashta Hau, hacho asti. Shuár gushag̱ẖáṉ ki roshe shá Ádam Bachhar ginde, ki áṉ Kádir i Mutlak ráste dastá nindí, ázmán jhurání chaka sahra bí. 65Guḍá sardar káhiná waṯẖí jar dirtho gwashta ki eshiá fukr khuṯẖa, thíh sháhid pachi pakarant? Maktá shá áṉhí fukr ashkhuṯẖa: chih dihán khanag̱ẖe. 66Áṉhání jawáv dáṯẖa gwashta ki kushag̱ẖ laikê. 67Guḍá kharde mardá áṉhí dem̱vá thuk jaṯẖa, áṉhiar kishála dáṯẖa: 68khardeá go dastá chápol jaṯẖo gwashta ki Rúh madadá gálwar gwash, khaíá thará jaṯẖa.
69Patrús dará nindag̱ẖaṯẖ. Warnáe áḵẖto gwashta ki thau de go Yesuá Jalílí sangatí bíṯẖa. 70Thewag̱ẖe mardání dem̱vá inkár khuṯẖai, ki thai gálwar ma na surphaḏẖ biáṉ. 71Dará shuḏẖa, guḍá thíh warnáe díṯẖo gwashta, ki Hawi mard de go Yesuá Násarí sangatí bíṯẖa. 72Guḍá saug̱ẖan zurtho gwashtai, ki hawi mard phaji ni‐árán. 73Jhateá phaḏẖá mardá ki nazík oshtáṯẖag̱ẖant áṉhí nem̱g̱ẖá áḵẖto gwashta, ki beshakk thau hawi mardání sangatí, ki thai zawán thará sahra khat. 74Guḍá lánat de saug̱ẖan de zurtho gwashtai ki phaji ni‐árán. Yabará bángoá báng dáṯẖa. 75Yesu gálwar Patrúsar gír áḵẖta ki hawi shafá pheshá ki bángo báng dá, sei baroá thau mai inkár khanai. Dará shuḏẖo sakhia greṯẖa.
Markert nå:
Matí Injíl 26: BGPRMAT
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Published in 1884 for the Punjab Bible Society.
