مارکوس مارکُوسّی شوقبُوئ سکور۔
مارکُوسّی شوقبُوئ سکور۔
ای شوقبُوئ نانّگا ای شوقبُو ڈیکھانبوے سکورلا چانگ ڈِیستے میدتے اینوگ، اِین نانگ سنگونمے شریعتی لابکھان گون ی ڈیسکھانگون گیُودتے ای شوقبُو ڈیکھان حضرت یُوؔحنّا ٰ مرقُس اینکھانبو گیُوس چھانوگ۔ کھوے سکورلا مسیح رسُول گُونی چھاگلاسّی شوقبُوئ 12 تانگ 25 یانگ 15: 37 نانّگا ڈِیازادتے یودتے اینوگ۔ مرقُس حضرت پطرؔس سی ٹوپا ما نییموجیگ اینپین، یانگ کھوا حضرت پطرؔس سی تیتوسّی مسیحا پا گونلا لابجا مانگپو سالکھانگون گیُودتے مسیح مولکھان تانگ چھاگلاس تشانگمے سکورلا تشور۔ تشورتے ستینگنے، کھوے تے تشانگما تشیر نانگجین ڈِیا زادس، کا بو نگاتانگونلا داگسا مارکُوسّی ڈِیازادکھانّی گاموےناتسُولّی نانّگا تھوبّانوگ۔
شریعتی کھاسپا مانگچھیا ای شوقبُو بو حضرت عیسیٰ سی ڈونگستے سونتیا جانگستے ستینگنے لو 17 تانگ 27 نی نیکھورلا ڈِیا زادکھانبوا کھاچھامستے اینوگ۔ رومی گیالپو نیروے تادپاچانگونلا ناگس ستانچیس گوزُوگی سانگ سنگونلا مارکُوسّی ای چھاگڈیسپو کھونگ رومی گیالسے نانّگا یود زانے، تیرو دُوگکھان یہُودی مانکھان ایمان چانگونّی پھیا ڈِیا زادس۔
ای چھاگڈیس ڈیچیسّی گیونتشانگون نی۔
ٹانگپو، ایمان چوکھان تانگ ماچوکھان نیسکوے سنینگی نانّگا حضرت عیسیٰ سی خُدےبوژا اینکھانبو تانتان چوچوگچیسپو اینوگ۔
نیسپا، مسیحا پا گونلا ردوگنگال جونگچیسّی پھیا ڈالڈیگ چوچیس کازوگ حضرت عیسیٰ سی کھونگ ڈولّا زادکھانّی لامیکا ڈولکھانگونلا ردوگنگال تھونگین مولتے لان مانگپو لابّا زادس۔
سومپا، حضرت عیسیٰ مسیحاخُدےبوژا این اِین نانگ ، ای دُنیائیکا جابستوگ لینچیسلا مانپا، جابستوگ جوالا سکیودس۔
جیپا، حضرت عیسیٰ سی جابستوگی چھاگلاسپو نی، میگون دِیگپے کانے سکیوبچیسپو اینپین۔
ثناپا، حضرت عیسیٰ سی چھاگلاسگونّی کھونگ چیتشانگمے، (یانگنا ای دُنیا، رُوحانی دُنیا، نامزا، زُوموگُون تانگ شیچیس) مسیح تانگ سپونبو اینکھانبو ستانّانوگ ۔
Markert nå:
مارکوس مارکُوسّی شوقبُوئ سکور۔: LBJNT
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Ladakhi Bible by The Love Fellowship is licensed under Creative Commons Attribution-ShareAlike 4.0 License.