مارکوس 1

حضرت یُوؔحنّا ٰ غوتا سالکھانّی میگون ڈالڈیگ چوا زادس۔

1ایبو نی خُدے مِگی اوت حضرت عیسیٰ مسیح سکورلا گاموےناتسُولبو اینوگ۔ ایبوے گوزوگ نی، 2حضرت یسعیاہ پیغمبری شوقبُوئ نانّگا ڈِیا زادکھان نانگجین خُدے مولس،

”ستوس، کھیرانگی سانگ سنگونلا نگے نگارانگی لونکھیرکھانبو کالین ۔

کھوے کھیرانگی پھیا لام ڈالڈیگ چوین۔ #1‏:2 مالاکی شوقبُوئ 3‏۔ 1

3کھوے ریستونگی نانّگا کُوچو تانگین میگونلا زیرین،

مسیح پھیبشیسلا ڈالڈیگ چوس،

یانگ کھونگی پھیبسلامبو ٹانگپو چوس۔“ #1‏:3 حضرت یسعیاہ شوقبُوئ 40‏۔ 3

4غوتا سالکھان حضرت یُوؔحنّا ٰ ریستونگی نانّگا سکیودتے میگونلا، مُعافی تھوبچیسّی پھیا دِیگپا چوکھان گونّیکا گیودپا چوستے غوتا لینچیسلا چھوس شادس۔ 5یروشالیم پا گیالسے میگون تھیستے یہُودی یولمی گانگپو بینگستے حضرت یُوؔحنّا ٰ ستاچیس تانگ نیانّالا سونگ۔ کھونگونی رانگرانگی دِیگپے لاسگون میگونّی لدُونلا شادس پاسانگ حضرت یُوؔحنّا ٰ کھونگونلا یوردان لژانگسپو ے نانّگا غوتا سالّا زادس۔ 6یوحنّانی رنگابونگی بالّا تھاگسکھانّی کوس تانگ، سکیدپا کوے سکیراگ چینّگادپین، یانگ بوتسیگ تانگ ریستونگی رانگسی زادپین۔

7حضرت یُوؔحنّا ٰ کھیابڈاگس چوس، ”نگے ستینگنے سکیودچیسچانبو، نگے سانگ مانّگا وانگچان، یانگ جابشی تسوگسلا نگا گھوستے کھونگی پابھو ٹولچیسّی اوسپا مید۔ 8نگے کھیوجاگونلا چھو نیامپو غوتا تانّگاد، اِین نانگ کھونگی، کھیوجاگونلا ہلژخمہ رُوح نیامپو غوتا سالین۔“

حضرت عیسیٰ سی غوتا سالس۔

9جاگشیگ حضرت عیسیٰ سی گلِیلی یولجونگسّی ناصرة ڈونگکھیرنے سکیودس، یانگ حضرت یُوؔحنّا ٰ کھونّگا یوردانّی لژانگسپو ے نانّگا غوتا سالّا زادس۔ 10حضرت عیسیٰ سی چھوی نانگنے پھینّگاچیگ، کھونگی نامکھا بیتے ہلژخمہ رُوح کھونگی کا پھورگونجیگی تشولّا بابسین زِیگس۔ 11یانگ نامکھانے سونگسکادشیگی مولس، ” کھیرانگ نگے بُوژا چیسپابو این، کھیرانگ نیامپو نگا ماثانٹے تھادپو این۔“

شیطانی حضرت عیسیٰ سی دِیگپے نانّگا گییلچُوگچیسّی سونڈوس۔

12تینّامالّا خُدے رُوح بوے حضرت عیسیٰ مسیح ریستونگی نانّگا کھیرّا زادس۔ 13کارُو شیطانی، جاگ 40 حضرت عیسیٰ سی دِیگپے نانّگا گییلچُوگچیسّی سونڈوس چوس۔ طِطُس کھونگ ریی سیمسچانگونّی ٹوا یود زانے، خُدے فرشتاگونّی کھونّگا ستاستوگ چوا زادس۔

14حضرت یُوؔحنّا ٰ زومستے تسونکھانگی نانّگا کاگستے ستینگنے حضرت عیسیٰ سی گلِیلی یولجونگسّی نانّگا سکیودّا زادتے خُدے گاموےناتسُولبو شادّا زادس۔ 15حضرت عیسیٰ سی مولس، ”وعدہ زادکھانّی توسپو لیبستے اینوگ۔ خُدے گیالثید نیمو اینوگ۔ تیبویپھیا سیمبا گیورتے رانگرانگی دِیگپاگون پھانگستے گاموےناتسُولّی نانّگا ایمان چوس۔“

گومے لوبٹوگسگون۔

16حضرت عیسیٰ مسیح گلِیلی تشوے تھامانے جابڈول زادِین یودتوس، کھونگی حضرت شمعُوؔن تانگ کھیوے نوحضرت اندرؔیاس تشوے نانّگا نیادول پھانگین زِیگس، چیازیرنا کھونگون نیا زومکھان اینپین۔ 17حضرت عیسیٰ سی کھونگونلا مولس، ”نگے گیابنے یونگستے نگے لوبٹوگس گیور، تانیپھارلا نگے کھیوجاگونلا نیے تشابسلا میگون زُومچیس لاباین۔“ 18تینّامالّا نیادول سپانگستے کھونگون حضرت عیسیٰ سی گیابنے ڈانگس۔

19تیکانے ژاپیگ تھاگرینّگا سکیودّاچیگ، حضرت عیسیٰ سی زبدی بُوژا حضرت یعقُوبؔ تانگ حضرت یُوؔحنّا ٰ زِیگس۔ کھونگونی ٹُھوزینگی نانّگا کھورانگونّی نیادول ڈالڈیگ چوادپین۔ 20تینّامالّا حضرت عیسیٰ سی کھونگونلا بودّا زادس، یانگ کھونگون کھورانگونّی ابا زبدی لاپاگون نیامپو ٹُھوزینگی نانّگا بورتے حضرت عیسیٰ سی گیابنے ڈانگس۔

حضرت عیسیٰ سی ردودگون پھینّگا زادس۔

21حضرت عیسیٰ تانگ کھونگی ٹوپاگون کفرنحُوم ڈونگکھیرلا سکیودس۔ شابّادّی آرام چوچیسی جاگپو لیبّاچیگ، کھونگ یہُودی پے مجلِسی نانّگا سکیودتے چھوسشادچیس گوزوگس۔ 22میگون کھونگی لابجاگونّیکا ہالاس، چیازیرنا کھونگی لابجاگون شریعتی عالِم گون ژوگس میدپا، وانگچھا نیامپو سالّادپین۔

23مجلِس نانّگا ردود جوگسکھانّی میجیگی ہونمیدلا کُوچو ثانٹے تانگین زیرس، 24”ناصرة پا حضرت عیسیٰ، نیرانّگا نگاجا گُونی کانے چی گوسّاد؟ نیرانگ نگاجا گُون میدکھان چوالا سکیودتے اینّا؟ نیرانگ سو جُوگستے اینکھانبو نگا گیوسیود۔ نیرانگ خُدے ہلژخمہ بو جُوگستے اینوگ۔“

25اِین نانگ حضرت عیسیٰ سی کھوا کھاسکییا زادتے مولس، ”چوبچود، کھوے نانگنے بینگتے یونگ۔“ 26تینّامالّا، ردودبوے تے میبو ماثانٹے ثوگس، یانگ کُوچو تانگین کھوے نانگنے بینگتے سونگ۔

27می تشانگما ثانٹے ہالاستے چیگ تانگ چیگّا ٹیس، ”ایبو کازوگشیگ اینوگ؟ سوما لابجا وانگچھا یودکھانجیگ۔ کھوے کا تانگکھانبوا ردودگونّیانگ کھا نیاندوگ۔“ 28کھونگی سکورلا ناتشولبو گلِیلی یولجونگس گانگپوے نانّگا گیوگسپا پھیل۔

حضرت عیسیٰ سی می مانگپوجیگ پھانچوگا زادس۔

29حضرت عیسیٰ مسیح حضرت یعقُوبؔ تانگ حضرت یُوؔحنّا ٰ گُون نیامپو مجلِس نے بینگتے کھونگی لوبٹوگس حضرت شمعُوؔن تانگ کھوے نو حضرت اندرؔیاس ی کھانگپا سکیودس۔ 30کھونگونی حضرت عیسیٰ سی شمعُوؔن ی نامے اما تشاد یونگستے مالتسے نانّگا یودکھانبوے سکورلا شادس، 31حضرت عیسیٰ سی اما یودسا سکیودتے کھوے لاگپا زومستے کھوا لانگچیسلا روگس زادس۔ تینے کھوے تشادپو میدکھان سونگ، یانگ کھوے کھونگونلا جابستوگ جْوس ۔

32تینّا پھیتوگ نییما سکیود تشارتے ستینگنے، میگونّی زُومو یودکھان تانگ ردود جُوگسکھان تشانگما حضرت عیسیٰ سی یودسا کھیونگس۔ 33ڈونگکھیرّی می گانگپو گھوے لدُونلا دزومس۔ 34زُومو سناتشوگس یونگسکھان مانگپو حضرت عیسیٰ سی پھانچوگا زادس، یانگ ردود جُوگسکھان مانگپوے نانگنے ردود پھینّگا زادس، اِین نانگ کھونگی، ردودگونلا سپیرا تانگ چوگّا مازادس، چیازیرنا تیگونّی کھونگ سو جُوگستے اینکھانبو شیسّادپین۔

حضرت عیسیٰ سی گلِیلی یولجونگسّی نانّگا چھوسشادّا زادس۔

35ستینگماجاگی نگاتوگ ناملانگسّی سانگ سنگونلا، حضرت عیسیٰ سی جانگسّا زادتے سوانگ میدسے ناسّاجیگّا دُعا جوالا سکیودس۔ 36شمعُوؔن تانگ کھوے ٹوپاگون کھونگ ژالّا سونگ۔ 37کھونگ تھوبّاچیگ کھونگونی زیرس، ”تشانگمے نیرانگ ژالدوگ۔“

38اِین نانگ حضرت عیسیٰ سی لانسالس، ”نگاتانگون نییکھورّی جانیانگ ڈونگکھیرگونلا چھین یانگ نگے کھونگون لانگ چھوس شادین۔ تینّا گیونتشانبوے پھیا نگا یونگستے این۔“ 39تیبویپھیا کھونگ گلِیلی یولجونگس گانگپوے مجلِسی گُونی نانّگا لابجا سالین، ردود ژوگسکھانگونّی نانگنے ردودگون پھینگین سکیودس۔

حضرت عیسیٰ سی دزینادچانّی میجیگ پھانچوگا زادس۔

40دزینادچانّی میجیگ حضرت عیسیٰ مسیح لدُونلا یونگس یانگ پِیکدونگ ژُوگستے جوجو جوین زیرس، ”نیرانگ تھوگستھادنا نگا گیالچوگستے ژانگما زاد نیانّانوگ۔“

41سنینگرجے گنگستے یودچیسپوے، حضرت عیسیٰ سی چھاگ کیانگستے کھوا تھوگ چوگّا زادتے مولس، ”نگا کھیرانگ گیال چوگتے ژانگما چوا تھادّاراگ۔“ 42تینّامالّا دزیناد پاگسپے نادپو میدکھان سونگ یانگ میبو پھان۔ 43حضرت عیسیٰ سی کھو لوگستے لامچوگا زاد زانے، سپانگ ثانٹے پھودین مولّا زادس، 44”سوانگ ماشاد، اِین نانگ سونگتے رانگی زوگسپو اِمام ستون یانگ پیغمبر حضرت مُوسیٰؔ سی کا سالکھان نانگجین خُدا چھودپا پھول، تیبو میگونلا کھیرانگ ژانگما چھاکھانّی گواہ این۔“

45اِین نانگ کھو سونگتے کھوا جُونگکھانگون میتشانگمالا شادین ناتشولبو کھیابسشوگس، تیبوے جاستے کھونگ میگونلا تھونگچوگستے کازوگ ڈونگکھیرجیگی نانّگانگ سکیود مانیان۔ کھونگ می میدسے ناسّے نانّگا ژوگس، تینیانگ میگون کارونگسانے کھونگ یودسا یونگس۔

Markert nå:

مارکوس 1: LBJNT

Marker

Del

Kopier