Gníoṁarṫa 1
1
Caibidil I
Deasgaḃáil Ċríost. Toġṫar Matías i n-áit Iúdais.
1Rinne mé an ċéad tráċt, a Ṫeoifil, ar an uile níḋ dár ṫoisiġ Íosa a ḋéanaṁ agus a ṫeagasc,
2Go dtí an lá i n-ar tógaḋ suas é, ar ṫaḃairt aiṫeanta dó tríd an Spiorad Naoṁ do na h-abstail a ṫoġ sé:
3Agus ar ṫaisbeán sé é féin beo dóiḃ i ndiaiḋ a páise leis an iomad cruṫuġaḋ ar feaḋ ḋaiċead lá, ġá noċtaḋ féin dóiḃ, agus ag tagairt do ríoġaċt Dé.
4Agus ag caiṫeaṁ bíḋ dó ina gcuideaċta, ṫug sé órduġaḋ dóiḃ gan corruġaḋ ó Ierusalem#Lúc. 24, 49; Eoin 14, 26. aċt fuireaċ le geallaṁaint a Aṫar, a ċuala siḃ, ar sé, ó mo ḃéal-sa:#Mait. 3, 11; Marc. 1, 8; Lúc. 3, 16; Eoin 1, 26.
5Óir ḃaist Eoin go dearḃṫa le h-uisce, aċt baistfear siḃ-se leis an Spiorad Naoṁ i gcionn beagán laeṫe ó seo.
6Ar an aḋḃar sin, d’ḟiafruiġ siad-san a ḃí cruinniġṫe le ċéile de, ag ráḋ: A Ṫiġearna, an ndéanfaiḋ tú, an t-am seo, ríoġaċt Israéil a ċur ar bun arís?
7Aċt duḃairt seisean leo: Ní fá ḃur gcoinne-se atá sé eolas a ḃeiṫ agaiḃ ar na h-amanna ná ar na tráṫanna a ċuir an t-Aṫair ina ċuṁaċt féin:
8Aċt ġeoḃaiḋ siḃ cuṁaċt an Spioraid Naoiṁ a tiócfas oraiḃ, agus béiḋ siḃ i ḃur ḃfiaḋnaisiġ daṁ-sa#Lúc. 24, 48. i n-Ierusalem, agus san Iudaia go h-iomlán, agus san tSamáire, agus fiú go críoċa imċiana an doṁain.
9Agus nuair a duḃairt sé na neiṫe sin, agus iad ag coiṁéad, tógaḋ suas é: agus rug néall amaċ as a n-aṁarc é.
10Agus le linn dóiḃ a ḃeiṫ ag aṁarc air ag dul suas ar neaṁ, féaċ, ṡeasuiġ beirt ḟear i n-éadaiġe geala i n-aice leo,
11Agus duḃairt siad leo: A ḟeara na Gailile, cad ċuige a séasuiġeann siḃ ag aṁarc suas ar neaṁ? An t-Íosa seo a tógaḋ suas ar neaṁ uaiḃ, is aṁlaiḋ a ṫiocfas sé, mar a ċonnaic siḃ é ag dul suas ar neaṁ.
12Annsin ṗill siad go h-Ierusalem ó’n tsliaḃ, dá ngoirtear Oiliḃet, atá tuairim agus aistear sabóide i ngaoḃar do Ierusalem.
13Agus nuair a ṫáinic siad isteaċ, ċuaiḋ siad suas go seomra uaċtaraċ, mar ar ḟan Peadar agus Eoin, Séamus agus Aindrias, Pilip agus Tomás, Parṫolán agus Maitiú, Séamuṡ Alṗeuis agus Símon, Dúṫraċtaiḋe, agus Iúdas, dearḃráṫair Ṡéamuis.
14Lean siad seo uilig ar’aon toil aṁáin de ḃeiṫ ag urnaiġe mar aon leis na mná, agus le Muire, máṫair Íosa, agus le n-a ḃráiṫre:
15Ins na laeṫe sin, ag éirġe ina ṡeasaṁ do Ṗeadar i lár a ḃráiṫreaċ, duḃairt sé: (agus ḃí tuairim ar ċéad agus fiċe de ṡluaġ daoine le ċéile)
16A ḟeara, agus a ḃráiṫre, is éigean an Scrioptúir a ċóiṁlíonaḋ, a ṫairngir an Spiorad Naoṁ tré ḃéal Ḋáiḃiḋ#Sailm 40, 10; Eoin 13, 18. fá dtaoiḃ de Iúdas, an té a ḃí ina ṫreoruiḋe orṫa sin a rug ar Íosa:
17A ḃí ar a ċóṁáireaṁ linne, agus a fuair a sciar de’n ḟrioṫálaṁ seo.
18Agus go dearḃṫa ġnóṫuiġ sé sin gort ar luaċ na h-urċóide agus ar ḃeiṫ croċta dó,#Mait. 27, 7. ḃris sé ina lár: agus ḃrúċt a lonaṫ ar uilig amaċ.
19Agus fuair gaċ uile ḋuine dá gcóṁnuiġeann i n-Ierusalem a ḟios seo, san ċruṫ go dtugaḋ Haceldama ar an ġort sin, ina dteangaiḋ féin, is é sin le ráḋ, Gort na fola.
20Óir tá scríoḃṫa i leaḃar na Sailm:#Sailm 68, 26. Go raiḃ a n-árus ina ḟásaċ, agus naċ raiḃ aoinneaċ le cóṁnaiḋe a ḋéanaṁ ann. Agus glacaḋ duine eile a easbogaċt.#Sailm 108, 8.
21Ar an aḋḃar sin, de na fir a ḃí mar aon linne ar feaḋ an ama go léir ina ndeaċarḋ an Tiġearna Íosa amaċ agus isteaċ i n-ár measc,
22Ag toiseaċt ó ḃaisteaḋ Eoin go dtí an lá i n-ar tógaḋ uainn é, caiṫfiḋ duine acu sin a ḃeiṫ mar aon linne ina, ḟiaḋnaiseaċ ar a eiséirġé.
23Agus ṡocruiġ siad ar ḃeirt, Ióseṗ, dá ngoirtí Barsabas, agus arḃ ċóṁainm dó Iustus: agus Matías.
24Agus ag guiḋe dóiḃ, duḃairt siad: Tusa, a Ṫiġearna, ar fios duit croiḋṫe na ndaoine go léir, taisbeán cé acu de’n ḃeirt seo atá toiġte agat,
25Le h-áit an ḟrioṫálaiṁ, agus na h-abstalḋaċta seo, a ġlacaḋ, ó n-a ndeaċaiḋ Iúdas ar seaċrán ċun go dtéiġeaḋ sé go dtí a áit féin.
26Agus ċaiṫ siad crainn orṫa, agus ṫuit an crann ar Ṁatías, agus h-airṁiġeaḋ leis an aon Abstal ḋéag é.
Markert nå:
Gníoṁarṫa 1: ASN1943G
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
rights held by the Bible Society in Northern Ireland
