တမၢၼ်ႇၸဝ်ႈ 12
12
တၢင်းဢၼ်ငႅၼ်းသႄးယဵင်ႈၶႅၼ်းႁႅင်းမႃး
1မိူဝ်ႈၼၼ်ႉ ၶုၼ်ႁေႇရူတ်ႈ ယိုၼ်ႈမိုဝ်းၸီႇယၢင်ႇႁႂ်ႈလႆႈၼိၵ်ႈၸၢၵ်ႈငႅၼ်းသႄး ၵူၼ်းၶဝ်ႈၸိူဝ်းၸဝ်ႈၵမ်ႈၽွင်ႈၼၼ်ႉလႄႈ၊- 2ဢဝ်လၢပ်ႇၽၼ်းယႃႇၵုပ်ႈ ဢၼ်ပဵၼ်ပီႈၸၢႆးယူဝ်းႁၢၼ်ႇၼၼ်ႉတၢႆဢေႃႈ။- 3မိူဝ်ႈဢၼ်မၼ်းၸဝ်ႈ ႁၼ်ၵူၼ်းယူႉတႃႉတင်းလၢႆ သႂၢင်ႇၸႂ်သိူဝ်းၸႂ်လူၺ်ႈလွင်ႈၼၼ်ႉၸိုင်၊ မၼ်းၸဝ်ႈသမ်ႉႁဵတ်းထႅင်ႈလႄႈ တီႉဢဝ်ပေႇတရူႉဢေႃႈ။ ၶိင်ႇဝၼ်းၸိူဝ်းၼၼ်ႉ ပဵၼ်ဝၼ်းပွႆးၶဝ်ႈမုၼ်းဢၼ်ဢမ်ႇပႃးၸိူဝ်ႉပႅင်ႈဢေႃႈ။- 4မၼ်းၸဝ်ႈတီႉဢဝ်ပေႇတရူႉ သေယဝ်ႉ ဢၢပ်ႈပၼ်တီႈၵူၼ်းသိုၵ်းသိပ်းႁူၵ်းၵေႃႉ ႁႂ်ႈပႂ်ႉလူပႂ်ႉတူၺ်းဝႆႉလႄႈ ၶင်ဝႆႉၵႃႈၼႂ်းထွင်ႇသေယဝ်ႉ ဢၢင်ႈတၵ်းဢဝ်မၼ်းဢွၵ်ႇပၼ် တီႈၵူၼ်းတင်းလၢႆဝၢႆးပွႆးပႃႉသၶႃႇယဝ်ႉၼၼ်ႉဢေႃႈ။
5ၼႂ်းမိူဝ်ႈဢၼ်ပေႇတရူႉ လႆႈၶၢမ်ႇတူၵ်းၵိၼ်းၵႃႈၼႂ်းထွင်ႇယူႇၼၼ်ႉၸိုင် ၵူၼ်းၶဝ်ႈၸိူဝ်းၸဝ်ႈတင်းလၢႆၼၼ်ႉ ဢွၼ်ၵၼ်ၵျူဝ်းၸႃးသူးတွင်းပထၼႃႇၵႃႈတီႈ ၽြႃးပဵၼ်ၸဝ်ႈပုၼ်ႈမၼ်းဢေႃႈ။
လွင်ႈပေႇတရူႉလႆႈလွတ်ႈဢွၵ်ႇထွင်ႇ
6မိူဝ်ႈဢၼ် ၸမ်ၶိင်ႇဢၼ်ၶုၼ်ႁေႇရူတ်ႈ တၵ်းဢဝ်မၼ်းဢွၵ်ႇၼၼ်ႉၸိုင် ၼႂ်းၶိင်ႇၵၢင်ၶိုၼ်းၼၼ်ႉ ပေႇတရူႉၶၢမ်ႇတၢင်းဢၼ်ၸိူၵ်ႈလဵၵ်းသွင်သဵၼ်ႈမတ်ႉၽုၵ်ႇယူႇသေလႄႈ ၼွၼ်းလပ်းယူႇၵႃႈၼႂ်းၶိုင်ႈၵၢင်ၵူၼ်းသိုၵ်းသွင်ၵေႃႉလႄႈ ၵူၼ်းပႂ်ႉၸိူဝ်းၼၼ်ႉၵေႃႈ ပႂ်ႉၼႃႈၽၵ်းတူယူႇဢေႃႈ။- 7မိူဝ်ႈၼၼ်ႉ တမၢၼ်ႇၵၢင်ႁၢဝ်ထႃႇဝရႃႉၽြႃးမႃးၸုၵ်းယူႇၵႃႈတီႈႁိမ်းမၼ်းလႄႈ ဢၼ်လႅင်းႁိူဝ်ႈလႅင်းၵႃႈၼႂ်းထွင်ႇၼၼ်ႉဢေႃႈ။ တမၢၼ်ႇၵၢင်ႁၢဝ်ၼၼ်ႉၸင်ႇတူပ်းသႂ်ႇပဵမ်ႉပေႇတရူႉ ႁႂ်ႈမၼ်းလုၵ်ႉလႄႈဝႃႈ လုၵ်ႉၶၼ်ၶၼ်ၽႂ်းၽႂ်းတႃႉ၊ ဝႃႈၼင်ႇၼႆဢေႃႈ။ ၸိူၵ်ႈလဵၵ်းမၼ်းၸိူဝ်းၼၼ်ႉၵေႃႈ လူမ်တူၵ်းသေၵႃႈတီႈမိုဝ်းမၼ်းၵႂႃႇၵူၺ်းမၼ်းဢေႃႈ။- 8တမၢၼ်ႇၵၢင်ႁၢဝ်ၼၼ်ႉၵေႃႈလၢတ်ႈလႄႈဝႃႈ ႁတ်ႉသၢႆဢႅဝ်မႂ်းတႃႉ။ ၶႅပ်းတိၼ်မႂ်းၵေႃႈတိုဝ်းတႃႉ ဝႃႈၼႆ ၵႃႈၼင်ႇဢၼ်ဝႃႈၼၼ်ႉ၊ ပေႇတရူႉႁဵတ်းယဝ်ႉၸင်ႇ သမ်ႉလၢတ်ႈထႅင်ႈလႄႈဝႃႈ မႆၽႃႈမႂ်းသေလႄႈၸွမ်းပႃႈလင်ၵဝ်တႃႉ၊ ဝႃႈၼင်ႇၼႆဢေႃႈ။- 9မၼ်းဢွၵ်ႇၸွမ်းၵႂႃႇလႄႈ ယင်းဢမ်ႇႁူႉလွင်ႈဢၼ်တမၢၼ်ႇၵၢင်ႁၢဝ်ႁဵတ်းၼၼ်ႉ ပဵၼ်ဢၼ်ၸိုဝ်ႈဢၼ်ၸႂ်ႈၼၼ်ႉလႄႈ ထၢင်ႇတူဝ်ၸဝ်ႈၵဝ်ႇလႆႈႁၼ်ပျႃႇတိၵ်ႈရူႇပႃႇရူင်ႇယူႇဢေႃႈ။
10မိူဝ်ႈဢၼ်သွင်ၶႃပူၼ်ႉသေၵူၼ်းပႂ်ႉမုၵ်ႉၸိူဝ်းပထမႃႉ ဢိၵ်ႇတင်း မုၵ်ႉၸိူဝ်းတူႉတီႉယႃႉၵႂႃႇလႄႈ ႁွတ်ႈထိုင်ၵႃႈတီႈၽၵ်းတူလဵၵ်း ဢၼ်ၶဝ်ႈၵႃႈၼႂ်းဝဵင်းၼၼ်ႉၸိုင် ၽၵ်းတူၼၼ်ႉယူႇလၢႆလၢႆၽုၺ်ႇဝႆႉၵူၺ်းမၼ်းလႄႈ သွင်ၶႃၼၼ်ႉဢွၵ်ႇၵႂႃႇၸွမ်းတၢင်းသဵၼ်ႈၼိုင်ႈသေယဝ်ႉ၊ တမၢၼ်ႇၵၢင်ႁၢဝ်ၼၼ်ႉ ၽၢတ်ႇၵၼ်တင်းပေႇတရူႉၵႂႃႇသေၵမ်းလဵဝ်ဢေႃႈ။
11 ပေႇတရူႉၼၼ်ႉ လႆႈသတီႉမႃးသေယဝ်ႉ လၢတ်ႈလႄႈဝႃႈ တေႃႈလဵဝ်ၼႆႉ ၵဝ်ႁူႉလွင်ႈဢၼ်ၸဝ်ႈၽြႃးပွႆႇၸႂ်ႉတမၢၼ်ႇၵၢင်ႁၢဝ်မၼ်းၸဝ်ႈမႃးလႄႈ ၵႄႇသႄႇၼုၵ်ႈဢဝ်ၵဝ် ၵႃႈၼႂ်းမိုဝ်းၶုၼ်ႁေႇရူတ်ႈ ဢိၵ်ႇတင်းၵႃႈၼႂ်းတၢင်းဢၼ်ၵူၼ်းယူႉတႃႉတင်းလၢႆ မုင်ႈထႃႈမွင်းထႃႈယူႇၼၼ်ႉလီလီငၢမ်းငၢမ်းယဝ်ႉ၊ ဝႃႈၼင်ႇၼႆဢေႃႈ။- 12ၼႂ်းမိူဝ်ႈဢၼ်ၶုၵ်းၸႂ်လႆႈၶႆႈၸႂ်ထူပ်းယူႇၸိူဝ်ႉၼင်ႇၼႆၼၼ်ႉၸိုင် မၼ်းၵႂႃႇႁွတ်ႈထိုင်ၵႃႈတီႈႁိူၼ်းမႃႇရီႉ ဢၼ်ပဵၼ် မႄႈယူဝ်းႁၢၼ်ႇ ဢၼ်လႆႈၸိုဝ်ႈမႂ်ႇ မႃႇၵူႉ၊ တီႈဢၼ်ၵူၼ်းၼမ်ၼႃႇ ၸူႉၵၼ်တုမ်ၵၼ်သူးတွင်းယူႇၼၼ်ႉဢေႃႈ။
13ၼႂ်းမိူဝ်ႈဢၼ်မၼ်း တွႆႇၽၵ်းတူၼႃႈႁိူၼ်းယူႇၼၼ်ႉၸိုင် မႄႈယိင်းဢွၼ်ႇဢၼ်လႆႈၸိုဝ်ႈရူဝ်းတေႇၵေႃႉၼိုင်ႈမႃးထွမ်ႇလႄႈ၊- 14ႁူႉပဵၼ်သဵင် ပေႇတရူႉသေယဝ်ႉ၊ ယင်းဢမ်ႇၽုၺ်ႇၽၵ်းတူပၼ်ၵွပ်ႈပိူဝ်ႈဢၼ်သိူဝ်းပျေႃႇၼႃႇၼၼ်ႉလႄႈ လႅၼ်ႈၵႂႃႇၵႃႈၼႂ်းသေလႄႈ လၢတ်ႈဝႃႈ၊ ပေႇတရူႉၸုၵ်းယူႇၵႃႈတီႈၽၢႆႇၼႃႈၽၵ်းတူဢေႃႈ၊ ဝႃႈၼင်ႇၼႆဢေႃႈ။- 15ၶဝ်ၼၼ်ႉၵေႃႈလၢတ်ႈတီႈမၼ်းလႄႈဝႃႈ မႂ်းၼႆႉယွင်ႇယဝ်ႉ၊ ပိၵ်ႉသမ်ႉဝႃႈၼင်ႇၼႆသေၵေႃႈ၊ မၼ်းၼၼ်ႉလၢတ်ႈတႄႉတႄႉဝႃႈဝႃႈလႄႈဝႃႈ၊ မီးယူႇၸႂ်ႈတႄႉဢေႃႈ၊ ဝႃႈၼင်ႇၼႆလႄႈ ၶဝ်ၼၼ်ႉၵေႃႈလၢတ်ႈလႄႈဝႃႈ၊ ပဵၼ်တမၢၼ်ႇၵၢင်ႁၢဝ်ပေႇတရူႉဢေႃႈ၊ ဝႃႈၼင်ႇၼႆဢေႃႈ။
16ၼႂ်းမိူဝ်ႈဢၼ် ပေႇတရူႉယင်းတိုၵ်ႉတွႆႇယူႇၼၼ်ႉၸိုင် ၶဝ်ၽုၺ်ႇၽၵ်းတူႁၼ်မၼ်းလႄႈ ဢၢမ်းၼႃႇလူင်လၢင်ဢေႃႈ။- 17မၼ်းၵေႃႈၼႄမိုဝ်းမၼ်း ႁႂ်ႈၶဝ်ၼၼ်ႉယူႇတဵတ်ႇတဵတ်ႇလႄႈ ၽုၺ်ႇဢွၵ်ႇၼႄပျႃး လွင်ႈတၢင်းဢၼ်ၸဝ်ႈၽြႃး ဢဝ်မၼ်းဢွၵ်ႇသေၵႃႈၼႂ်းထွင်ႇၼၼ်ႉသေယဝ်ႉ၊ လၢတ်ႈလႄႈဝႃႈ၊ မွၵ်ႇလၢတ်ႈလွင်ႈတၢင်းၸိူဝ်းၼႆႉ တီႈယႃႇၵုပ်ႈ တင်းပီႈၼွင်ႉတင်းလၢႆတႃႉ၊ ဝႃႈၼင်ႇၼႆယဝ်ႉၸင်ႇဢွၵ်ႇၵႂႃႇတၢင်ႇတီႈသေဢေႃႈ။
18မိူဝ်ႈဢၼ်မိူင်းလႅင်းမႃးၸိုင် ၵူၼ်းသိုၵ်းၸိူဝ်းၼၼ်ႉ ပဵၼ်ဢၼ်ဢူၼ်ဢဵၼ်ႁူၼ်ႈမေႃးၵၼ် လူၺ်ႈလွင်ႈဢၼ်ပဵၼ်တီႈပေႇတရူႉၼၼ်ႉၸိူဝ်ႉၼင်ႇႁိုဝ်ၼၼ်ႉ ယူႇဢေႃႈ။- 19ၶုၼ်ႁေႇရူတ်ႈၼၼ်ႉ မိူဝ်ႈဢၼ်ႁႃမၼ်းလႄႈ ဢမ်ႇထူပ်းဢမ်ႇႁၼ်ၼၼ်ႉၸိုင် ၸႅတ်ႈထၢမ်ၵူၼ်းပႂ်ႉၸိူဝ်းၼၼ်ႉသေယဝ်ႉ မီးဢမိင်ႉ ႁႂ်ႈဢဝ်ၶဝ်ၵႂႃႇတၢႆဢေႃႈ။ လိုၼ်းၼၼ်ႉ မၼ်းၸဝ်ႈၼၼ်ႉလုၵ်ႉသေၵႃႈတီႈမိူင်းယူႉတႃႉ လူင်းၵႂႃႇ ၵႃႈတီႈဝဵင်းၵေႇသရီႉလႄႈ ယူႇၵႃႈတီႈၼၼ်ႈဢေႃႈ။
လွင်ႈၸဝ်ႈၽႃႉႁေႇရူတ်ႈတၢႆ
20မိူဝ်ႈၼၼ်ႉမၼ်းၸဝ်ႈၸႂ်မႆႈၶႆႈၸႃႉ တီႈၵူၼ်းဝဵင်းတူႉရူႉဢိၵ်ႇတင်းၵူၼ်းဝဵင်းၸီႉတုမ်ႇတင်းလၢႆ လႄႈၶဝ်ၼၼ်ႉၽွမ်ႉၵၼ်မႃးၵႃႈတီႈမၼ်းၸဝ်ႈလၢတ်ႈၶျေႃးဝွၼ်းဢတႂၢင်းဝုၼ်ႇ ဢၼ်လႆႈၸိုဝ်ႈပလတ်ႉတူႉၼၼ်ႉသေယဝ်ႉ၊ တွင်းပၢၼ်ႇႁႂ်ႈမိူင်းၶဝ်ၼိမ်လီဢေႃႈ။ လွင်ႈမၼ်းၸမ်ႉ မိူင်းၶဝ်ၼၼ်ႉဢိင်မိူင်းမၼ်းၸဝ်ႈယူႇလႄႈ လႆႈၶၢမ်ႇတၢင်းဢၼ်လဵင်ႉဢၼ်လူယူႇဢေႃႈ။- 21ၶုၼ်ႁေႇရူတ်ႈၵေႃႈ၊ ၼႂ်းဝၼ်းဢၼ်မၵ်းၶိၼ်းဝႆႉၼၼ်ႉ ၼုင်ႈၶူဝ်းၼုင်ႈၶူဝ်းမႆၶုၼ်သေလႄႈ ၼင်ႈၵႃႈၼိူဝ်ပလၢင်ႇၸဝ်ႈသေယဝ်ႉ၊ လၢတ်ႈတေႃႇၶဝ်ၼၼ်ႉဢေႃႈ။- 22ၵူၼ်းၸိူဝ်းၼၼ်ႉႁွင်ႉသႅၼ်ႇလႄႈဝႃႈ သဵင်ၼႆႉၸမ်ႉဢမ်ႇၸႂ်ႈသဵင်ၵူၼ်း၊ ပဵၼ်သဵင်ၽြႃးပဵၼ်ၸဝ်ႈဢေႃႈ။- 23မိူဝ်ႈဢၼ်ဝႃႈၼင်ႇၼႆၸိုင်၊ ပိူဝ်ႈဢၼ်ၶုၼ်လူင်ၼၼ်ႉဢမ်ႇထွၵ်ႈလူၺ်ႈမုၼ်သရေႇၽြႃးပဵၼ်ၸဝ်ႈလႄႈတမၢၼ်ႇၵၢင်ႁၢဝ်ထႃႇဝရႃႉၽြႃးထုပ်ႉၼၢၵ်ႈမၼ်းၵမ်းလဵဝ်သေယဝ်ႉ မူင်ႈၵိၼ်တူဝ်မၼ်းလႄႈတၢႆဢေႃႈ။
24သႃႇသၼႃႇၽြႃးပဵၼ်ၸဝ်ႈယႂ်ႇၵႂၢင်ႈၼမ်မႃးဢေႃႈ။- 25ပႃႇၼပႃႉ တင်း သေႃးလူႉၼၼ်ႉ ႁဵတ်းလွင်ႈတၢင်းဢၼ်လဵင်ႉဢၼ်လူသေယဝ်ႉ၊ ႁွင်ႉဢဝ်ယူဝ်းႁၢၼ်ႇ ဢၼ်လႆႈၸိုဝ်ႈမႂ်ႇ မႃႇၵူႉၼၼ်ႉမႃးလႄႈ ၸင်ႇဢွၵ်ႇသေၵႃႈၼႂ်းဝဵင်းယေႇရူႉသလႅမ်ႇ မိူဝ်းၵႂႃႇဢေႃႈ။
Markert nå:
တမၢၼ်ႇၸဝ်ႈ 12: CBMS
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Copyright © 2021 by OMF International, Shan Baptist Churches Fellowship
