Lyfr y Psalmau 26
26
1Barn Di, O Arglwydd Dduw, fy ngwaith,
Fy ffyrdd yn berffaith fuant:
Yr Arglwydd im’ yn hyder wnaed,
Am hyn fy nhraed ni lithrant.
2Hola fi, Arglwydd, yn dy ras,
A phrawf dy was a’i lwybrau;
A chwilia ’n ddyfal ar bob cam
Fy nghalon a’m harennau.
3Dy rad drugaredd sy ’n ddi‐baid
O flaen fy llygaid effro;
Ac yngoleuni pur dy air
O hyd y’m cair yn rhodio.
4Ynghyd â dynion coegion byd
Eriôed ni chyd‐eisteddais;
A chyd â’r cas d’wyllodrus rai
Ar ffordd eu bai ni cherddais.
5Llïaws y drwg a’u cynnull‐fan
Sy ffiaidd gan fy nghalon;
Ac nid eisteddais i wneud rhan
O gynghor annuwiolion.
YR AIL RAN
6Fy nwylaw ’n ddyfal golchaf fi
Yn lân mewn diniweidrwydd;
At dy lân Allor felly ’r af
Ac a’i hamgylchaf, Arglwydd:
7Er mwyn cyhoeddi gwyrthiau ’r nef
A llafar lef clodforedd,
A chyflawn draethu ’n hyf ar goedd
Dy holl weithredoedd rhyfedd.
8Dy Dŷ, O Dduw, a hoffa ’th was,
Lle mae dy ras yn trigo,
Lle mae pur wawl d’ ogoniant mad
Yn wastad yn preswylio.
9Na chynnull f’ enaid, Arglwydd Dduw,
Byth gyd â didduw ddynion,
Na ’m bywyd gwirion byth ynghyd
A dynion gwaedlyd creulon;
10Y rhai y mae eu dwylaw traws
Yn llawn o naws anwiredd;
A llawn yw eu deheulaw gau
O ffiaidd wobrau ffalsedd.
11Ond bydd fy rhodiad i a’m gwaith
Yn lân a pherffaith, Arglwydd:
O gwared f’ enaid, trugarhâ,
Ac immi gwna raslonrwydd.
12Fy nhroed heb ysgog, Arglwydd Ion,
A saif ar union lwybrau:
Bendigaf d’ Enw mawr ar gân
O fewn dy lân gynteddau.
Markert nå:
Lyfr y Psalmau 26: SC1850
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Y Psallwyr gan y Parch. Morris Williams (Nicander). Cyhoeddwyd gan H. Hughes, Llundain 1850. Cafodd y testun ei ddigideiddio gan Gymdeithas y Beibl yn 2021.
