Lyfr y Psalmau 25
25
1F’ enaid eiddil a ddyrchafaf
Attat, Arglwydd Dduw di‐lyth;
2Duw fy hyder wyt a’m gobaith,
Oh na ’m gwaradwydder byth!
Nac ymffrostied fy ngelynion
Yn fy nghwyn a’m tristyd i;
3Na foed gwarth i neb, na siommiant,
Sydd yn disgwyl wrthyt Ti:
Gwarth fo rhan y sawl heb achos
Sydd yn torri ’th ddeddfau gwiw.
4Par im’ wybod am dy lwybrau
Dysg im’ droedio ’th ffyrdd, fy Nuw:
5Dysg a thywys f’ enaid gwibiog
Yngwirionedd gair dy ffydd;
Duw fy iechyd wyt, ac wrthyt
Disgwyl wnaf ar hyd y dydd.
6Cofia ’th hen dosturi, Arglwydd,
Cofia drugareddau ’th rad;
Maent eriôed o fewn dy fynwes,
Nac anghofia ’th gariad mad:
7O na chofia feiau ’m hie’ngctid,
Llwyr ddilea ’m beiau ’n awr;
Meddwl yn dy ras am danaf
Er daioni, Arglwydd mawr.
YR AIL RAN
8Yr Arglwydd sy ddaionus iawn,
A’i lwybrau ’n uniawn odiaeth;
Am hyn y dysg i’r anwir rai
Ffordd ddifai ei wasanaeth.
9I’r llariaidd mwyn fe ddysg ei farn,
A gwna hwy ’n gadarn ynddi;
A’i ffordd yr isel dysgu wnant,
Hwynt‐hwy nid ant o honi.
10Holl ffyrdd yr Ion sy ras a hedd
A phur wirionedd cywir
I’r sawl a geidw ’i ammod clau
A’i dystiolaethau geirwir.
11Er mwyn dy Enw, Arglwydd Rhi,
O maddeu Di f’ anwiredd;
Ysgeler yw fy mai a thrwm,
A mawr yw swm fy nghamwedd.
Y DRYDEDD RAN
12Pwy ydyw ’r gwr o fewn y tir
Sy ’n ffyddlon ofni ’r Arglwydd?
I hwn Efe a ddysg yn glau
Ei ddewis lwybrau hylwydd.
13Ei enaid fydd yn esmwyth iawn
Mewn lletty llawn daioni;
A’i had a gânt yn rhandir bras,
Y ddaear las a’r eiddi.
14Cyfrinach Ion o gyfiawn hawl
Sy gyd â’r sawl a’i hofnant;
Drwy addysg ei gyfammod Ef
Doethineb nef a ddysgant.
15Ar Dduw yn wastad nos a dydd
Fy llygaid sydd yn syllu;
Efe a rydd yn rhydd fy nhraed
O’r rhwyd a wnaed i’w maglu.
Y BEDWAREDD RAN
16Tro attaf, Arglwydd, trugarhâ,
I’m henaid gwna drugaredd;
Amddifad wyf, a thlawd a gwael,
Mewn angen cael amgeledd.
17Helaethwyd, Arglwydd, yn fy mron
Ofidiau ’m calon, gweli;
Duw, ysgafnhâ fy nghalon drom,
A dwg fi o’m caledi.
18Edrych, a gwel fy nghwyn a’m cam,
Fy helbul a’m cystuddiau;
A maddeu fy mhechodau oll,
Maddeu fy holl bechodau.
19Gwel fy ngelynion, Arglwydd cu,
Yn ddirfawr lu amlhasant;
Ac â chasineb traws a cham
Hwy ’n greulon a’m casasant.
20Achub a chadw f’ enaid, Ner,
Mewn hyder arnat gelwais;
Byth bythoedd na ’m gwarthrudder i,
Ar d’ eiriau Di ’r hyderais.
21Cadwed uniondeb perffaith fi,
Can’s wrthyt Ti ’rwy ’n disgwyl:
22Duw, gwared Israel o’i holl ddrwg,
A’i enaid dwg o’i anhwyl.
Markert nå:
Lyfr y Psalmau 25: SC1850
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Y Psallwyr gan y Parch. Morris Williams (Nicander). Cyhoeddwyd gan H. Hughes, Llundain 1850. Cafodd y testun ei ddigideiddio gan Gymdeithas y Beibl yn 2021.