Lyfr y Psalmau 13
13
1Pa hyd, ai byth, fy Arglwydd Rhi,
Gadewi Di fi ’n anghof?
Pa hyd y cuddi Di, fy Ion,
Dy wyneb tirion rhagof?
2Pa hyd y blinir f’enaid gwan
A’m hyspryd gan ofalon?
Pa hyd y codir uwch dy was
Fy ngelyn cas a chreulon?
3Gwel, Arglwydd Ior, a chlyw fy nghri,
Llewyrcha Di fy enaid,
Cyn delo ’r dydd ag sy ’n nesâu
I’r angau gau fy llygaid.
4Clyw, rhag i’m gelyn fostio ’n gas
Orchfygu ’m gras a’i guro;
Rhag iddo lawenychu dim,
Os digwydd im’ ogwyddo.
5Dy iechyd, Ior, a lonna ’th was,
Ac yn dy ras hyderaf;
Am i Ti syniaw ar fy ngwedd
Hyd fin y bedd y’th folaf.
Markert nå:
Lyfr y Psalmau 13: SC1850
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Y Psallwyr gan y Parch. Morris Williams (Nicander). Cyhoeddwyd gan H. Hughes, Llundain 1850. Cafodd y testun ei ddigideiddio gan Gymdeithas y Beibl yn 2021.