ลูกา 2
2
เลือง เยซู เกิด
มัดทิว 1:18-25
1ญาม นัน ก็ มี พะเจายูฮัว เมือง โรม ซือ ตัก ซีซา ออกาตัด#ค 1 “ซีซา” เป็น ตำแน็ง พะเจายูฮัว โรม นำ ก็ ออก กดมาย ไล พซาซน จด ทะเบียน#ค 1 “จด ทะเบียน” เน เป็น ลบ แรก ตี พะเจายูฮัว ออก กดมาย ระ จู ล็อง มี ซือ ตัก ทะเบียน นำ ปกคอง ปะเทด เจ็น ปี พ ซ 512-557 วาล เยซู เกิด ตัก งวัล เครม เอา เม ออ ครำ ทัว มด ต็อง จด ทะเบียน ออ 2-3จู ล็อง จู นัง ก็ โตะ จด ทะเบียน ตัก งวัล ออ นัน เน ก็ เป็น ลบ แรก ตี อัห จด ทะเบียน นัน ญาม อัห จด ทะเบียน นัน คีรีนีอัด เป็น พูวา จังวัด ซีเรีย
4ทาเน โยเซบ ก็ ทอก เจ็น งวัล ออ นำ ทอก เจ็น นาซาเร็ด จังวัด กาลิลี นัน นำ เริล งวัล เบ็ดเลเฮ็ม ตัก จังวัด ยูเดีย งวัล เบ็ดเลเฮ็ม นัน ก็ เป็น งวัล เครม พะเจายูฮัว ดาวิด โยเซบ ก็ เริล จด ทะเบียน ตัก นัน เพาะวา นำ เป็น ควัน งา ดาวิด 5ทาเน โยเซบ ก็ ซับ มารี เริล จด ทะเบียน เลิม มารี เน โยเซบ มัน ระ นำ แลว ญาม นัน มารี ก็ มพุ ควัน จ็อง แลว 6ญาม ปาม ควะ อุ ตัก งวัล เบ็ดเลเฮ็ม นัน มารี ก็ โซะ เกิด ควัน 7นำ ก็ เกิด ควัน เป็น ควัน อัหคล็อง ควัน อัหคล็อง ล็อง เน เป็น ควัน เกา ทาเน มารี ก็ เอิด พาออม พัน ปอก นัง ควัน ออ นำ ลาง ระ ตัก มพ็อห เป็น ตัก ไอ มี ตี อวย ตัก โรงแรม
8ทาเน ญาม มารี เกิด ควัน นัน ก็ มี ครำ เลียง แกะ อุ ติ ซะ งวัล เบ็ดเลเฮ็ม นัน อัห เพา ดอม ปึง แกะ อุ ตัก ปา แญ็น ตัก แจ็ล นัน 9ทาเน ก็ พด โตะ เทวาดา คอง งกีจ็อง มแบละ นัง ออ ตัก อัห งกีจ็อง ก็ แอง ระ พุก ทาง ซะ มด ปึง ครำ เลียง แกะ ก็ แร็ง นเจิก ซีเละ 10เทวาดา นัน ก็ ไล อัห เค็ย “แป อำ นเจิก เตาะ ดาย เอิญ โตะ ไล คาว เลาะ อน ตัก แป เป็น คาว เลาะ ตี แอง ระ แป จู ล็อง เลาะใจ เลาะ คอ 11งิ นะ เน เมซียา ตัก เป็น งกีจ็อง นัน ตี จวย แป ปน แอ็ม เจ็น ลุห นัน นำ เกิด แลว ตัก งวัล ดาวิด 12แป เริล ดอม ตัก งวัล เบ็ดเลเฮ็ม นัน แป ก็ เม็จ แป เม็จ ควัน แย็ด อัหคล็อง มี ล็อง อัห เอิด พาออม พัน ปอก นัง นำ อัห ลาง ระ นำ ตัก มพ็อห นัน ก็ เป็น ลักทาน เค็ย เลือง ตี เอิญ ไล แป เน กิว เป็น เลือง นังเลาะ แป เริล ดอม อ็อญ แป ก็ เม็จ ดาย” เทวาดา ล็อง นัน อัง
13เจ็นนัน วัล ก็ พด โตะ ปึง เทวาดา ดก ล็อง อัห โตะ อุ เคิบ เทวาดา ล็อง เครม นัน ปึง เทวาดา นัน ก็ เลอะ ลือ เอาซาง เป็น ปึง อัห ลือ เอาซาง ฮุนเน 14“ครอ ลือ เอาซาง ตัก อุ วาง ทึห ครอ ลือ เอาซาง ตัก แกะ ทีซุด ซำรับ ครำ ตี อุ ตัก โลก แพนซิก นเซ็บ เน ตี เอาซาง ใจ ดัว ซิห นัน ครอ ระ อัห อุ เลาะ อุ ซุก ดาย” เทวาดา อัง
15ทาเน ปึง เทวาดา นัน ก็ ก็อห เริล วาง ทึห ปึง ครำ เลียง แกะ นัน อัห ก็ มพอล นอย “แอ็ห แอ เริล เบ็ดเลเฮ็ม นอ แอ เริล ดอม อ็อญ ควัน แย็ด ล็อง นะ ตี งกีจ็อง ไล อน ตัก แอ เน” อัห อัง 16เจ็นนัน อัห ก็ ลด เลิบ เริล ตัก งวัล เบ็ดเลเฮ็ม แจ็ล นัน โตะ อัห แลว อัห ก็ กิว เม็จ มารี เคิบ โยเซบ นัน อัห กิว เม็จ ควัน เจะ นัน อวย อุ ตัก มพ็อห ซีเละ 17แลว อัห เม็จ ควัน เจะ นัน แลว อัห ก็ เลามุน อน ตัก อัหซอ ปัง วัล อัห เลามุน เลือง ควัน แย็ด นัน ตี เทวาดา ไล อัห เคิน นัน
18ทาเน ครำ ใน งวัล เม็จ ครำ เลียง แกะ ไล ออ เลือง ควัน แย็ด ล็อง นัน เคิบ เทวาดา นัน อัห ก็ ญ็อก งึด มด 19แต มารี นำ กึด เลือง เน อุ ฮัก นำ บม ระ ใน ใจ ออ ฮัก 20แลว ครำ เลียง แกะ เม็จ จู มบลึ มอก ปึง เทวาดา ไล อัห แลว นัน อัห ก็ วัล ออ อัห ก็ อน เกียด ตัก เอาซาง อัห ก็ ลือ เอาซาง เลือง ซะ จู มบลึ ตี อัห เม็จ นัน
21ควัน เจะ นัน เกิด โตะ แปด งิ แลว อัห ก็ แอง พิที ซุนัด อน ตัก นำ อัห ก็ มพึ ซือ นำ ตัก เยซู อัห มพึ นำ ตัก เยซู มอก เทวาดา ไล อน ตัก มารี วาล ไอ ตัน นำ มพุ ควัน นัน
22ทาเน ก็ มี กด โมเซด ไล อน เค็ย อัหเม ตี เกิด ควัน ต็อง อุ เดือน ซีซิบ งิ แลว อุ เดือน ซีซิบ งิ แลว อัห ก็ ต็อง แอง พิที ระ นัง ออ เลาะ#ค 22 พิที เน เป็น พิที ซำรับ อัหเม ตี เกิด ควัน แลว อัห อุ เดือน ซีซิบ งิ แลว อัห ก็ ต็อง เริล ตัก วิฮาน เอาซาง อัห ต็อง แอง พิที ระ นัง ออ เลาะ มอก กด โมเซด ไล อน ดอม กด เอาซาง 12:28 ระ นัง ออ ซะอาด ตาม กด นัน
ทาเน ครบ ซีซิบ งิ แลว โยเซบ เคิบ มารี ก็ ซับ เยซู ตัก เมือง เยรูซาเล็ม ปาม ก็ โตะ ตัก วิฮาน เอาซาง ปาม โตะ แอง พิที ทวาย เยซู อน ตัก งกีจ็อง 23ปาม แอง จังนัน เพาะวา กด เอาซาง ไล อน เค็ย กัน ควัน เกา เป็น ควัน อัหคล็อง เอา เม ต็อง มอบ ควัน ล็อง นัน อน ตัก งกีจ็อง 24ญาม อัห แอง พิที มอบ ควัน เกา อน ตัก งกีจ็อง นัน อัห ก็ ต็อง เอิด ซะ ทวาย อน ตัก งกีจ็อง ฮุน กด ไล อน เอิด เซ็ม งกรุก มี กู ก็ กุญ กัน ไอ มี เซ็ม งกรุก ก็ เอิด เซ็ม โคโล นัง ซีเติน มี กู ก็ กุญ#ค 24 อัหเม ครำ ยิว กัน อัห เกิด ควัน ซีซิบ งิ แลว อัห ต็อง ซับ ซะ ทวาย ตัก วิฮาน เอาซาง อัห ลด ทวาย อน ตัก เอาซาง เคิง นัน นำ ต็อง ทวาย ซะ นัน ซัง อัห เค็ย นำ เป็น ครำ เลาะ ครำ ซะอาด มอก กด เอาซาง ไล นำ ต็อง แอง วาล ซัง นำ กุด วิฮาน กุญ อิซราเอล ญาย 13:2
ซีเมโอน ลือ เอาซาง ตี นำ เม็จ ครำ ตี จวย แอ โตะ แลว
25ทาเน ตัก เมือง เยรูซาเล็ม นัน ก็ มี อัหคล็อง มี ล็อง ซือ ตัก ซีเมโอน ซีเมโอน เน นำ เป็น ครำ เลาะ ครำ ซือ นำ เกงใจ อัง เอาซาง ซีเละ นำ ซนใจ เอาซาง จวย ครำ อิซราเอล นำ ก็ วาง เพา เล็ห งิ เอาซาง ซง ครำ จวย อัห นัน นำ ก็ มี ซีมาล เอาซาง อุ เคิบ ออ ตลอด 26ทาเน ซีมาล เอาซาง ก็ เพีย ไล ระ ซีเมโอน วาล แลว เค็ย นำ ไอ มี เปิล จำปอ นำ เม็จ มัด เมซียา ตี งกีจ็อง ซันญา ระ อน นัน 27งิ ตี โยเซบ เคิบ มารี ซับ เยซู โตะ ทวาย ตัก วิฮาน เอาซาง นัน งิ นัน ซีมาล เอาซาง ก็ ซับรวง ซีเมโอน เริล ตัก วิฮาน วัล 28โตะ มารี เคิบ โยเซบ ซีเมโอน ก็ อุ ตัก วิฮาน นัน แลว นำ ก็ เริล แกบ เอิด เยซู นำ ก็ ลด ลือ เอาซาง
29-30นำ ลือ เอาซาง ฮุนเน “โอ งกีจ็อง เฮย เอิญ เม็จ นัง ครำ จวย อิห แลว ครำ ตี โตะ จวย อิซราเอล อิห เน เอิญ เม็จ เคิบ มัด ออ แลว มอก มัห เพีย ไล เอิญ นัน มานะ เน เอิญ เปิล ก็ ตาม แต เตาะ เอิญ อุ เลาะ อุ ซุก กุญ
31มัห อน ควัน แย็ด ล็อง เน โตะ จวย อิห มัห อน นำ ตัก อิห มด จู กรอก จู จาด แลว ระ อิห เม็จ เคิบ มัด ออ แลว
32ควัน เจะ ล็อง เน บัดนะ นำ นโจง รวง อน ครำ จู ล็อง นำ ระ ครำ จู กรอก จู จาด เม็จ รวง โตะ และ มัห กุญ ครำ อิซราเอล อิห เน ตัก เป็น ครำ คอง มัห อิห ก็ กุญ เกียด ญอน ควัน เจะ ล็อง เนๆ” ซีเมโอน ลือ เอาซาง จังนะ
33โยเซบ เคิบ มารี เม็จ นำ จ็อก ฮุนนะ ปาม ก็ งึด ซีเละ ปาม ก็ กึด เลือง ตี ซีเมโอน ไล เลือง ควัน ปาม นัน
34เจ็นนัน ซีเมโอน ก็ ครอ วอน เอาซาง เพือ ปาม ระ เอาซาง แอง เลาะๆ ซิห ปาม แลว นำ ครอ วอน เอาซาง แลว นำ ก็ ไล มารี คือเน วัล “ควน เฮย มี ครำ อิซราเอล ดก ล็อง กุญ เลาะ ญอน ควัน มัห เน แลว ก็ มี ครำ อิซราเอล ดก ล็อง กุญ โทด ญอน นำ วัล นำ ก็ เป็น ล็อง ตี เอาซาง ซง โตะ จวย แอ เน ระ แอ เม็จจึด เค็ย เอาซาง กิว จวย แอ ปน เจ็น ลุห มอก นำ ไล อน แลว แต ดก ล็อง ไอ มี กิว เจือ นำ เตาะ อัห เซาะ อัห เค็ย นำ วัล
35บัดนะ อัห แอง จังนัก ซิห ควัน มัห เน แอ ก็ เม็จจึด ซัด เค็ย อัห กิว เป็น ครำ จังนัก อัห กิว เอิด เอาซาง ไอ มี กิว เอิด เอาซาง แอ ก็ เม็จ ตัก อัห แอง ซิห ตัก ควัน มัห เน ดอม บัดนะ เนอะ มารี เฮย มัห ก็ แร็ง เซียใจ ซีเละ มอก อัห เอิด ดาบ แซ็ด ซิห ฮัวใจ มัห ดาย” ซีเมโอน ไล มารี ฮุนนะ
36-37ทาเน ญาม นัน ก็ มี อัหเม มี ล็อง ซือ ตัก อานา อานา เน เป็น ลาม เอาซาง เอา นำ ซือ ตัก พานูเอล เป็น ครำ กรอก อาเซอ อานา เน ก็ เอิด คล็อง ปาม ก็ อุ เคิบ นอย กุญ เจ็ด วาง แลว คล็อง นำ ก็ เปิล แอ็ม อานา เน ก็ ไอ มี เอิด คล็อง แมะ วัล เตาะ นำ อุ ออ ฮัก จำปอ อาญุ แปดซิบ ซี ปี นำ มแบร็ห ซีเละ นำ ก็ อุ ตัก วิฮาน เอาซาง ตลอด นำ ฮับไจ เอาซาง ตัก งิ ตัก แจ็ล นำ ก็ มัน อด จะ ครอ วอน เอาซาง#ค 36 อด จะ เน เป็น ซะ ตี อัห ซีรอก มี เวลา ครอ วอน เคิบ เอาซาง นำ แอง ฮุนนัน ตลอด
38ก็ พอดี โตะ อานา ตัก นัน ญาม นัน อานา ก็ เม็จ เยซู นำ เม็จ เยซู แลว นำ ก็ ลือ เอาซาง ติกๆ เจ็นนัน นำ ก็ ไล อัห มด จู ล็อง ตี เพา ระ เอาซาง ซง ครำ โตะ จวย เมือง เยรูซาเล็ม ระ เป็น อิซระ นัน นำ ก็ ไล อัห มด เค็ย เยซู ล็อง เนๆ เป็น พูจวย ตี เอาซาง ซันญา ระ อน
โยเซบ วัล นาซาเร็ด
39แลว โยเซบ เคิบ มารี แอง พิที ตาม กด เอาซาง มด จู มบลึ แลวๆ เจ็นนัน ปาม ก็ วัล ออ ปาม ซับ ควัน เจะ วัล เจิง ตัก งวัล นาซาเร็ด ตัก จังวัด กาลิลี 40ควัน แย็ด นัน ก็ เฮง เคริบ แกะ เฮง เคริบ เดิด เล็ห ติกๆ นำ เฮง มี ปันญา เลาะ เอาซาง ก็ ใจ ดัว ซิห นำ แอง เลาะ เคิบ นำ ซีเละ
เยซู เริล ตัก วิฮาน เอาซาง
41ทาเน จูวางๆ เอา เม เยซู ก็ ม็อด เริล เมือง เยรูซาเล็ม ปาม เริล ซะลอง งิ เปซา นัน#ค 41 อัห ซะลอง งิ เปซา ก็ อัห ซะลอง งิ ตี เอาซาง จวย อัห ปน แอ็ม เจ็น อียิบ ตัก อิง 42ญาม นัน เยซู อาญุ ซิบซอง ปี แลว อัห ก็ เริล ซะลอง งาน นัน ตัก เมือง เยรูซาเล็ม ฮุน จู ลบ นัน ลบ เน เยซู ก็ เริล เลิม เคิบ เอา เม ออ 43แลว อัห ซะลอง งาน นัน แลว ปาม ก็ วัล ออ แต เยซู ไอ มี วัล เคิบ ปาม เตาะ นำ ควะ อุ ตัก เมือง เยรูซาเล็ม นัน เอา เม นำ ก็ ไอ มี เม็จจึด 44ปาม กึด เค็ย เยซู ซุน เริล เลิม เคิบ ปึง เปือน มี งวัล เลิม นัน ทาเน อัห เริล มี งิ แลว แจ็ล แลว ปาม ก็ โละ ดอม และ เยซู ปาม ก็ ซ็วน และ นำ ตัก ปึง ควน ปึง นไจ เคิบ ปึง อัห ตี เม็จจึด นอย นัน 45โละ และ ก็ ไอ มี เม็จ ปาม ก็ ลบ วัล โตะ ตัก เมือง เยรูซาเล็ม 46ปาม โละ และ นำ แพะ งิ แลว ก็ เม็จ นำ ต็อม คุด อุ ตัก วิฮาน เอาซาง นำ คุด เลามุน อุ เคิบ ปึง อาจาน ตัก นัน นำ ก็ ซ็วน อัห แด นำ ปัง แญง อัห แด 47มด ปึง ตัก ปัง แญง เยซู อุ นัน อัห ก็ ญ็อก งึด อัง นำ ตี นำ มี ปันญา ดก ซวัล อัห เลาะ
48ทาเน ญาม เอา เม นำ เม็จ นำ คุด เลามุน อุ เคิบ ปึง อาจาน นัน ปาม ก็ ญ็อก งึด อัง นำ เม นำ ก็ ไล ควัน ออ คือเน “ควัน เฮย มัห แอง ซีวะ จังเน บ็อห ดอม กา เอา เคิบ เม วาง ทืล อัง มัห เยอะ ก็ กวา โละ และ มัห ดาย ควัน” เม นำ อัง 49เยซู ก็ ซวัล ปาม คือเน “ปา โละ และ เอิญ ตี ซอ อังวะ เม ปา ไอ มี เม็จจึด ก้า เอิญ ต็อง อุ ตัก เจิง เอา ออ ฮัก” นำ อัง 50เยซู ไล ปาม ฮุนนัน ปาม ก็ ไอ มี เคาใจ เตาะ
51ทาเน เยซู ก็ ลด วัล เจิง ตัก งวัล นาซาเร็ด เลิม เคิบ ปาม นำ ก็ เจือ ปัง แญง เอา เม ออ เลาะ ซีเละ แต เม นำ ก็ บม ระ เลือง เน ใน ใจ ออ นำ กึด เลือง เน ระ ใน ใจ ออ ฮัก
52ทาเน เยซู ก็ เคริบ แกะ นัง ติกๆ นำ ก็ เคริบ มี ปันญา ดก อัห ก็ เฮง ซอบ นำ ติกๆ ตึง ครำ ตึง เอาซาง ก็ มัก นำ มด
Markert nå:
ลูกา 2: Prai
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Global Partners
