LUK Ajühtuwa
Ajühtuwa
Luk na zhükechi Jühtheü Kemehaiwa ha Jisu pi khishi ketheng Israel nyithu Hangshawa nu ayyi nyi tsüdila Hangshawa la satheng. Luk na Apvüwa Ghamu na Jisu ci pi “Jühtheü Kemehaiwa pi ketha-uthu kizalo” kesa zhütheng, nu Jühtheü Kemehaiwa ha wi anyi tsüdila nsenthu keyishü cüki kemeshen na pong ben. Luk wi ha anonkeghe jüh na pong ben, tsüna kezhü aghatsan wi Jisu na gho keten kekhi nu pala asakhen wi Jisu na tang wi keki cüki na ben. Jisu na tang wi keki seng wi Khristanyi kenondi shigü kewa nu bvüzighe kewa cüki ha zhü kechiwa na Apostelthu Kekuli Lesüshen la zhütheng.
Tangnyilothu khwi nu anenikehiethu na Jisu kepvügha ghang kegho, Jisu ma pvüzanyi tsü wi Kekinyijjen wi kewa, nu Samarianyi kemehaiwa, nu atsa bhakitaghawa pi ajühkaghape cükithu ha Jühtheü Kemehaiwa ha wi muyaben. Jühtheü Kemehaiwa ha wi kekhie kesa, Kemetha Ghamu, nzathu na Jisu gweghe kekuli, nu Anyiza na anyithu kesami teshi pi kecü jjügi khi ntsa saben.
Hawi Kebenthu
Ajühtuwa 1.1-4
Johan Baptizwa nu Jisu manyi kepvügha nu ghanyi cüki 1.5—2.52
Johan Baptizwa kekuli 3.1-20
Jisu baptaiz kesa nu kemechu 3.21—4.13
Jisu na Galilee wi anyitenti tuwi kekuli 4.14—9.50
Galilee wina Jerusalem wi kewa 9.51—19.27
Hapta sakhenwa nu Jerusalem tetsaki kewa 19.28—23.56
Hangneng-keshagha, mukeya, nu tang wi keki 24.1-53
Markert nå:
LUK Ajühtuwa: RENGNBSI
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.