मत्तायोस 4
4
येसुसी बिढ़्रना
(मर 1:12,13; लूक 4:1-13)
1तहाँ धर्मेसी बॊलतस येसुसिन नाद ती बिढ़्र'आ गे टोड़ंग तरा कड़हाबाचस।#इब्रा 2:18; 4:15 2अरा आस चालीस उल्ला अरा माख़ा उपास नंजस। इदही ख़ॊख़ा आस गे कीड़ा लग्गिया।
3आ बेड़ा नू नाद बिढ़'आ गे येसुसी गुसन बरचा ती बाचा, “नीन धर्मेसी ख़द्दय होले इब़डा पखनन ब'आ का इबड़ा ओन्ना-मॊख़ना मनो क'ओ।” 4लिकिन येसुस आनाकिर्ताचस, “मला, एन्देरगेका नेम्हा पुथी नू लिख्रकी र'ई,
‘आलस ओन्ना-मॊख़ना ती लेका मल उज्जोस,
लिकीन धर्मेसी बई ती उरखका उर्मी कत्था ती उज्जदस।’”#व्य 8:3
5तहाँ नाद आसिन नेम्हा नगरे येरुसलॆम नू कड़हाबाचा ती धर्मेसी मन्दिर ही अग्गी नू इजताचा, 6अरा बाचा, “नीन धर्मेसी ख़द्दय होले नीन डेग'आ चि'आ, नेम्हा पुथी नू गा लिख्रकी र'ई,
‘आस निंग्है पत्त नू तंग्है पैकारिन आनोस का आर निंगन ख़ापोर
अरा आर निंगन ख़ेक्खच ख़ेक्खा चॊद'ओर हो'ओर,
होले एन्ने अम्बो मना का निंग्है ख़ेड्डेन पखना अम्बो लग्गा।’”#भज 91:12
7येसुस अदिन बाचस, “मला एन्देरगेका नेम्हा पुथी नू एन्ने हूँ लिख्रकी र'ई, ‘नीन निंग्है धर्मे उर्बासिन अमके बिढ़'आ।’”#व्य 6:16
8तहाँ नाद येसुसिन नगदे मेच्छा परता नू कड़हाबाचा अरा ख़ॆख़ेल ता सौंसे राजी गुट्ठिन अरा अब़डा ही महबन ऎदा, 9अरा आसिन बाचा, “नीन ख़ेडमूली खत्र'ओय ती एंगन ऒड़ लग्गोय होले इब़डा उर्मिन निंगा चि'ओन।” 10ख़ने येसुस अदिन बाचस, “अनय सैतान कगरार'अय कलय! एन्देरगेका नेम्हा पुथी नू लिख्रकी र'ई,
‘नीन निंग्है धर्मे उर्बासिन ऒड़ लक्के
अरा आसी लेका महबा ननके।’”#व्य 6:13
11ख़ने नाद आसिन अम्बिया ती केरा अरा मेर्ख़ा पैकर बरचर ती आसिन तेतर-सुसर नंजर।
गलिलेया नू येसुसी नलख ही ऒड़
(मर 1:14,15; लूक 4:14,15)
12येसुस यॊहनसी धरतारकन मेंजस ख़ने आस गलिलेया जिला किर्रिम बिच्चियस।#मत्ता 14:3; मर 6:17; लूक 3:19,20 13अरा आस नासरेत पद्दा आबोन अम्बियस ती कफरनहूम नगरे नू र'आ हेलरस, एकदा जबुलॊन अरा नेफतलिम जिला ही समुदर ही पिंडी नू र'ई।#यॊ 2:12 14होले धर्मेसी कत्था तिंगू यसायास बाचकाचस आद अब़डा मानिम मंजा।
15“जबुलॊन अरा नेफतलिम देस नू,
समुदर डहरे नू, यरदन ख़ाड़ ही पक्खे नू,
गलिलेया नू बग्गे नन-यहूदीर,
16पाप ही ऊख़ा नू र'ऊ आलर
नाड़रना ही ओन्टा कोहाँ बिल्ली ऎरोर।
अरा खे'अना ही एलचना नू अरा ऊख़ा राजी नू र'ऊ आलर मइय्याँ
रिझ्रना ही बिल्ली बिल्चो।”#यसा 9:1,2
17आ बेड़ा ती येसुस तेंगा कुद्दा हेलरस, “जियन किर्त'आ एन्देरगेका धर्मेस आलर ही उज्जना नू राजी नन्ना ही बेड़ा हेद्दे अंड़सकी र'ई।”#मत्ता 3:2
पहिल चेलासी मॆख़तारना
(मर 1:16-20; लूक 5:1-11)
18येसुस गलिलेया समुदर ही पिंडी नू कुद्दा लगियस ख़ने, आस सिमॊन नॆ पतरस बारदस अरा आसी भइय्योस अन्द्रेयस ऎंड़ भईरिन समुदर नू जल्ली हेबड़ना ईरयस, आर गा केवँटर रहचर। 19आस आरिन बाचस, “एंग्है गने बरा, नीम एकासे इंजोन धर'आ लगदर अन्नेम ऎन निमन सिखाब'ओन आलारिन एकासे एंग्है चेला मना गे ओन्द्रना र'ई।” 20लॆम आर तम्है नलखन अम्बरकी आसी गने चॊंख़्रर।
21असले मुन्द केरस ती आस नन्ना ऎंड़ भईर जेबदयु तंग्दस याकॊब अरा आसी भइय्योस यॊहनसिन ईरियस। आर तम्बस जेबदयु गने डोंगा नू तम्है जल्लिन तुन'आ लगियर। येसुस आरिन मीख़ियस। 22ख़ने आर लॆम डोंगन अरा तम्बासिन अम्बरकी येसुस गने चॊंख़्रर।
येसुस सिखाब'अदस, तेंगा गुद्दस अरा उजगादस
(लूक 6:17-19)
23येसुस गोट्टा गलिलेया नू कुद्दा कुद्दा आर ही गोड़हा एड़पा गुट्ठी नू सिखाब'आलियस अरा मेर्ख़ा राजी ही पत्त ता दौ कत्था तेंगा कुद्दा लगियस, अरा उर्मी आलर ही रोगे अरा पयहा गुट्ठिन उजग'आ लगियस।#मत्ता 9:35; मर 1:39 24येसुसी पत्त ता कत्था गोट्टा सीरिया राजी नू बीड़्रा। आलर मिरगी, लकवा दरा कैनो मदहे बेमार ती लिंड्रका रोगियारिन अरा नाद धरचका आलारिन येसुस गुसन ओन्द्र'आ लगियर। अरा आस आरिन उजग'आ लगियस। 25गलिलेया जिला, देकापोली, येरुसलॆम, यूदेया जिला दरा यरदन ख़ाड़ ही आ पक्खे ती बरचका ओन्टा कोहाँ गोंहड़ा येसुसी ख़ॊख़ा गुड़ियारा।
Markert nå:
मत्तायोस 4: KURUXBSI
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Kurux NT - पुना गच्छरना NT
Copyright © Bible Society of India, 2014.
Used by permission. All rights reserved worldwide.
