Populære bibelvers fra Jénésis 32

Del

Onyinchéng ámu o-sét ǎ o/fu, wo aa*ba/chi a-chîbángê Jekôp*. Wo aa/nwa kyising ne Osówo ne ne banet a-kpógê. Ké bubwô ámbu, wo a/chi a-kûbángê Ézerel.

Mú onyinchéng ámu o-sét ǎ o/fu, mîng mě n-dim, dyicófóróng dyi-kú dyi-câ. Jekôp o-sét ǎ o/fu, mm*bángê ǒ a-dim* tete a-jware mě.

nké nyǐ oyén o/waa esim-kace nyí áku kǎnchí. Ne onyinchéng obónge o-byí o-ba-nwa kyising ne nyǐ tete wǎ dyicófóróng dyi-câ.

Jekôp o-raa o/fu, me nn/yip achi ejí n-ri Osówo, ne n/tôong okpó. Ne o-fé kyikit ánkyi dyizîn, Pényel.

Ńdyí onyinchéng ámu o/nyît o/fu, nyǐ o*fí o-man n etyem Jekôp* o-kíbî Jekôp ké kyikpút, kyi-byíryî.

Onyinchéng ámu o-bí ǎ o/fu, wo a-bángê e nǎ. Jekôp o-sét ǎ o/fu, me m-bángê e Jekôp.

Jekôp o-bí ǎ o/fu, sét mě kâng dyizîn eyên. Nké nyǐ o/faa ǎ o/fu, ebóng amu a-ryuu ng a/fu, a-nyît ng dyizîn ejí. Ne o-jware Jekôp.

Me m/mû n*da/kwárê mú ada mě etông kángkáng dyityém ecángê ne dyityém efé ńdyí wo aa/tông mě* me mú ḿgbán eyên*. Me n/nyáng kace ńké Jódan abwô ábwo ne ochí-bucen nké nke, ne kántîk mm/bwa esim ne azu-banet ne nyí byitú ńnyín afee.

Tete kurún, kyikû-banet ńkyí Ézerel baa*ryí busín-enyam* ké nǎ, ányi nké ba/díp Jekôp.

Ne Jekôp o-fé nshwam o/fu, Osówo mú Ébarahâm mú bonchí ejí, ne mú Ázik mú bonchí ejí, jwo mě. Wo a/sét mě, ǎ Óburúkpâbí, a/fu, me mbwa esim ké esí ejí, n-kâm bwǎn-bané ejí, wo a/chi a-chi byěm byi-kyú kanong ne me.

Me mu n-fâ nshwam n-kyâ ǒ n/fu, nyii mě ké abwô nyí Éso mú wǎn-boné ejí. Me mu n-shî ng n/fu, nyǐ mu o-bâ bě bunwa ekye o-ju bě kángkáng, cibicibi ne ḿbé banyinyi ne ḿbé bwǎsíng.