Populære bibelvers fra Marcos 12

Del

Xi ttzaq'we'n Jesús: —Aju tnejel mandamyent kyxol kykyaqil, atzun jlu: Kyb'intze aqeye aj Israel, ate Qman Qdios, o'kxku junx. Kyk'ujlamtzune Qman Dios tu'n tkyaqil kyanmiye, tu'n tkyaqil kyk'u'je, tu'n tkyaqil kynab'le, ex tu'n tkyaqil kyipumale. Atzun tnejel mandamyent jlu ma'xix toklen. Ex aju tkab'in mandamyent ikx tten ik tza'n tnejel, atzun jlu: Kyk'ujlame qe kyuk'ile ik tza'n kyeye in kyk'ujlan kyib'e, chi tuj Tu'jil. Minti' juntl mandamyent mas nim toklen kywitz jlu, chi Jesús te.

E tzajtzun ttxko'n Jesús qe t-xnaq'tzb'en ex xi tma'n kye: —Ax tok kxel nma'ne kyeye, aju meb'a xu'j lu tal yajxix, mas nim ma ku'x tq'o'n kywitz kykyaqil qeju ma ku'x kyq'o'n kyoyaj tuj k'ub'l pwaq; ex kykyaqil qe jlu ma ku'x kyq'o'n aju in kyaj ten kye; atzunte xu'j lu maske tal yajxix, pero ma ku'x tq'o'n tkyaqilju at tajb'enil twi twa, chi Jesús kye.

Ex kub' qe' Jesús ttxlaj k'ub'l pwaq tuj tja Dios, in ke'yin ti'j tej tku'x kyq'o'n xjal kyoyaj tuj k'ub'l pwaq, ex nimku q'inun ku'x kyq'o'n nim pwaq. Ax ikx pon jun meb'a xu'j, tal yajxix, ku'x tq'o'n kab'e tal sentav.

Ex aju tu'n qk'ujlante Dios tu'n tkyaqil qk'u'j, ex tu'n tkyaqil qnab'l, ex tu'n tkyaqil qanmi, ex tu'n tkyaqil qipumal, ex tu'n qk'ujlante qe quk'il ik tza'n qe in qk'ujlan qib', mas ma' toklen jlu twitz tkyaqil oyaj in kub' patit tib'aj altar ex twitz tkyaqil oyaj in xi q'ot te Dios, chi xnaq'tzal ti'j ley.

Xitzun tma'n Jesús kye: —Pues kyq'onxe te gobierni aju te gobierni, ex kyq'onxe te Dios aju te Dios, chi Jesús kye. Ex e jaw lab'inxix ti'j tyol.