Genese 5
5
1Weniwu diwu mukanda wansaŋu jaAdama muyavwalikiluwu yisakayindi. Hefuku daleŋeluwu muntu kudi Nzambi, wamwilili wakudifwana naNzambi; 2wayileŋeli niiyala nimumbanda; wayi kiswilili nkisu, wayitumbili ijina dawu mwifuku dayileŋeliyi, nindi, Adama. 3Adama washakamininyaka nkulakaji nanyaka makumi asatu, yovwala ni mwana wamufwana, neyi chekalayi yomweni; yonamutumba niijina dindi nindi Seta. 4Chavweliyi Seta, Adama wanuŋiluku nyaka makulakaji atanu namakulakaji asatu; wavweli anyana amayala nawambanda. 5Kubomba nyakaye jima yahandiliyi Adama yashi kili munyaka makulakaji atanu namakulakaji awana nanyaka makumi asatu; yofwa ni kufwa.
6Seta washakamini nyaka nkulakaji nanyaka yitanu, hakuvwala Enoshi; 7Seta chavweliyi Enoshi wanuŋiluku nyaka makulakaji atanunama kulakaji asatu nanyaka yitanu nayiyedi, wavweli anyana amayalana wambanda. 8Kubomba nyaka yejima yaSeta yashi kili munyakama kulakaji atanu namakulakaji awana nanyaka ikumi nayiyedi; yofwanikufwa.
9Enoshi washakamini nyaka makumi atanu nanyaka makumi awana, hakuvwala Kenani; 10Enoshi chavweliyi Kenani wanuŋiluku nyaka makulakaji atanu namakulakaji asatu nanyaka ikumi nayitanu, wavweli anyana amayala nawambanda. 11Kubomba nyaka yejima yaEnoshi yashi kili munyaka makulakaji atanu namakulakaji awana nanyaka yitanu; yofwanikufwa.
12Kenani washakamini nyaka makumi atanu namakumi ayedi, hakuvwala Mahaleli; 13Kenani chavweliyi Mahalaleli wanuŋiluku nyaka makulakaji atanu namakulakaji asatu nanyaka makumi awana, wavweli anyana amayala nawambanda. 14Kubomba nyaka yejima yaKenani yashi kili munyaka makulakaji atanu namakulakaji awana nanyaka ikumi; yofwanikufwa.
15Mahalaleli washakamini nyaka makumi atanu nadimu nanyaka yitanu, hakuvwala Yaredi; 16Mahalaleli chavweliyi Yaredi wanuŋiluku nyakama kulakaji atanu namakulakaji asatu nanyaka makumi asatu, wavweli anyana amayala nawambanda. 17Kubomba nyaka yejima yaMahalaleli yashi kili munyaka makulakaji atanu namakulakaji asatu nanyaka makumi atanu namakumi awana nanyaka yitanu; yofwa ni kufwa.
18Yaredi washakamini nyaka nkulakaji nanyaka makumi atanu nadimunanyaka yiyedi, hakuvwala Enoki; 19Yaredi chavweliyi Enoki wanuŋilukunyaka makulakaji atanu namakulakaji asatu, wavweli anyana amayalana wambanda. 20Kubomba nyaka yejima yaYaredi yashi kili munyakama kulakaji atanu namakulakaji awana namakumi atanu nadimu nanyakayiyedi; yofwa ni kufwa.
21Enoki washakamini nyaka makumi atanu nadimu nanyaka yitanu, hakuvwala Metusela; 22Enoki chavweliyi Metusela wendeli naNzambi nyaka makulakaji asatu, wavweli anyana amayala nawambanda. 23Kubombanyaka yejima yaEnoki yashi kili munyaka makulakaji asatu namakumi atanu nadimu nanyaka yitanu; 24Enoki wendeli naNzambi, kumuka sumukahikwosi, Nzambi diyi wamutambwili.
25Metusela washakamini nyaka nkulakaji namakumi atanu nasatunanyaka yitanu nayiyedi, hakuvwala Lameki. 26Metusela chavweliyi Lameki wanuŋiluku nyaka makulakaji atanu namakulakaji ayedi namakumi atanu nasatu nanyaka yiyedi, wavweli anyana amayala nawambanda. 27Kubomba nyaka yejima yaMetusela yashi kili munyaka makulakaji atanu namakulakaji awana namakumi atanu nadimu nanyaka yitanu nayiwana; yofwa ni kufwa.
28Lameki washakamini nyaka nkulakaji namakumi atanu nasatu nanyakayiyedi, hakuvwala ni mwana weyala, 29yonamutumba niijina dindi nindi Nowa, nindi, Yeniwu diyi wakatukundeja namudimu wetu nakukabakana kutukukabakana namakasetu, neseki dashiŋiliyi Yehova. 30Lameki chavweliyi Nowa wanuŋiluku nyaka makulakaji atanu namakumi atanu nawana nanyaka yitanu, wavweli anyana amayala nawambanda. 31Kubombanyaka yejima yaLameki yashi kili munyaka makulakaji atanu namakulakaji ayedi namakumi atanu nayedi nanyaka yitanu nayiyedi; yofwanikufwa.
32Nowa washi kili munyaka makulakaji atanu; Nowa wavweli niShemi niHami niYafweta.
Nu geselecteerd:
Genese 5: MW62
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
The Bible in Lunda: Ndembu (Lunda of Kalunda) © B. F. B. S. 1962.
