Itanguriro 44
44
Bashira igikombe ca Yosefu mw igunira rya Benyamini
1 #
Ita 42:25. Maze Yosefu abarira umubgiriza wiwe, ati Ni mwuzuze amagunira y’abo bantu impeke, nk’izo bashobora gutwara, kand’ ushire n’amahera y’umuntu wese mu munwa w’igunira ryiwe. 2Ushire n’igikombe canje c’ifeza mu munwa w’igunira ry’umuhererezi wabo, hamwe n’amahera yazanye gusumisha. Abikora nk’uko Yosefu yamubariye. 3Bukeye mu gasisira barungika abo bantu, hamwe n’indogoba zabo. 4Bavuye mu gisagara, batarashika kure, Yosefu abarira umubgiriza wiwe, ati Va hasi, ukurikire ba bagabo, maze ni wabashikīra, ubabaze, uti N’iki catumye mugirira nabi uwabagiriye neza? 5Mbeg’ ico mwivye s’ico databuja anywesha, kand’ akakiragurisha? Uti Ko mwakoze murtyo, mwakoze icaha.
6Arabashikīra, ababarira ayo majambo. 7Baramwishura, bati Mugenzi, utewe n’iki kutubarira ben’ ivyo? Biragahera abasavyi bawe ko twokora nk’ivyo! 8#Ita 43:21.Ereg’ amahera twasanze mu minwa y’ amagunira yacu twarayakugarukaniye tuyakūye mu gihugu c’i Kanani: none twoshobora dute kwiba ifeza cank’ izahabu vyo mu nzu ya shobuja? 9#Ita 31:32.Uwo wokibonana wese muri twebge abasavyi bawe, akwiye gupfa, natwe duhinduke abaja ba shobuja. 10Arabishura, ati Nuko rero, birakora bibe nk’uko mubivuze. Uwo kija kubonekako ni we azohinduka umuja wanje, namwe abandi muzoba mweze. 11Baca bakūra amagunira yabo ku ndogoba n’ ingoga, bayashira hasi, umuntu wese atekurura iryiwe. 12Arasaka, ahera k’uw’imfura ashitsa ku muhererezi: ca gikombe kiboneka mw igunira rya Benyamini. 13#Ita 37:29, 34.Baca bitantamurirakw impuzu zabo, umuntu wese asubiza ibintu vyiwe ku ndogoba, basubira mu gisagara.
14 #
Ita 42:6. Nuko Yuda na bagenzi be bashika kwa Yosefu, basanga ari ho akiri: baca bamwitembagaza imbere. 15Yosefu arababaza, at’ Ico mwakoze ico n’igiki? Ntimuzi yuk’ umuntu ameze nkanje ashobora kuragura koko? 16#Ita 37:18; 44:9; Guh 32:23.Yuda aramwishura, ati None twovuga iki ga mugenzi? canke twokwishura iki, canke twokwiregura dute? Imana yamenye ibigabitanyo vy’ abasavyi bawe: ehe tubaye abaja bawe, databuja, twe n’uwo igikombe kibonetseko. 17Aramwishura, ati Biragahera ko nokora ntyo! Uwo igikombe kibonetseko ni we azoba umuja wanje; ariko mweho ni mwīgīre, mudūge kwa so amahoro.
Yuda asaba kw ari we yocungura Benyamini
18 #
Ita 41:40. Maze Yuda aramwegera, aramubarira, ati Mugenzi, zirikana, ndagusabe ijambo mvuga, ntumpambarire, jewe umusavyi wawe: kuk’ umeze nka Farawo. 19Erega mugenzi, ni wewe watubajije, uti Muracafise so, canke har’ uwundi muvukana? 20Natwe turakwishura, mugenzi, tuti Dufise data w’umutāma, hariho n’ uwundi muhungu yavyaye ashaje; na we mukuru we yarapfuye, none ni we asigaye ar’ikinege mu nda ya nyina, kandi se amukunda cane. 21#Ita 42:15, 20.Nawe uratubarira abasavyi bawe, uti Muramunzanira ndamurābe. 22Natwe turakubarira, mugenzi, tut’ Uwo muhungu ntivyoshoboka kw atandukana na se, kuko botandukana se yopfa. 23#Ita 43:3, 5.Nawe uratubgira, twebge abasavyi bawe, ut’ Umuhererezi wanyu ni mutamumanukana, ntimuzosubira kungaruka mu maso. 24Nuko tudūze, dushikiriye data umusavyi wawe, tumubarira amajambo yawe, mugenzi. 25#Ita 43:2.Hanyuma data atubariye, ati Subira mugende, mudusumire utwo kurya; 26turamuhakanira, tuti Ntidushobora kumanuka; arik’ umuhererezi wacu ni twajana, turamanuka: kuko bidashoboka guseruka uwo muntu mu maso, umuhererezi wacu tutari kumwe. 27#Ita 46:19.Maze data umusavyi wawe aratubarira, ati Murazi yuk’ umugore wanje twavyaranye abahungu babiri: 28#Ita 37:33.umwe akaba yaragiye amazimayongo, nkibgira, nt’ Igikōko caramutabaguye, nta kindi; nanje nkaba ntasubiye kumubona; 29#Ita 42:36, 38.ati None ni mwanyaka n’uyu, akagira ico aba, muzoba mutumye imvi zanje zimanukana umubabaro i kuzimu. 30Nuko none ni naramuka nshikiriye data umusavyi wawe tutari kumwe n’uwo muhungu, n’ukuntu umutima wiwe yawuhereje kur’ uwo muhungu, 31akabona tutazananye, yoca apfa: twebge abasavyi bawe twoba dutumye imvi za data umusavyi wawe zimanukana umubabaro i kuzimu. 32#Ita 43:9.Kuko jewe umusavyi wawe nishinze uyo muhungu kuri data, nti Ni ntamukugarukanira, nzoba ngukoreye icaha kitazomvako gushitsa ibihe bidashira. 33None rero ndakwinginze, ndasavye nsigare mu gishingo c’uyu muhungu, mbe umuja wawe, mugenzi; uyu muhungu atahane na bagenzi be. 34Mbega nosubira nte kuri data, ntari kumwe n’uwo muhungu? Reka noye kuzobona ivyago bizoba kuri data.
Nu geselecteerd:
Itanguriro 44: RUN1967
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Bibliya Yera © Société Biblique du Burundi, 1967
