Osey 1
1
1Ma:ma enoba LODope gilalate Ausiya dima pa:yana. Ausiya enoba Bilipe mata. Ya:ma tepala kakanaba edeliyana Ausiya ta: Yotayam ta: Ayasa ta: Esekaya ta:. Obaite Yuda wa apeyana edeliyana, gwama Yelebowam Yeyowase pe mata Islael wala kanaba eloyana.
Ausiya pe sege ta: susa:gi ta: gi
2 LODote Ausiyale gwalema: gi asemiyana. LODote oba dima a:negelayana, a: wete a:ya a: dima ya:ma dala bilibilinapa susa:gi gwali. A:pite enoba obape sosawena segeda. Gi ase ma:ma wala pa: sogolanapa dala bilibili gite tawalola a:pite lumate LODole wama na:dili. 3Amale obate Goma gwaliyana, Dibalaimipe aminagi. Amale obate gwana ete dalagi pulagi amiyana.
4 #
2Kn 10:11
A:pite LODote Ausiya dima a:negelayana, oba dima Yeselel gagi omona: gi ase tepa auwapula elelo na: obape iniwa kabeya Yeu Yeselel golo gobala luma dapoloyana gile na: ameta Islael wanapa kanaba gi a:yata milamalowa. 5Enoba Yeselel golo gobala na: Islael pe giwa:la gagi ka:ka:munamalowa.
6Goma gwama gwana ete a:pite susa:gi pulagi amiyana. Amale LODote Ausiya dima a:negelayana, oba dima Lo-Luyama, #1:6 Lo-Luyama Ibulu gilala a:goba gi enoba pa: na:pe awe iwalelanapa. gagi omona: gi ase na: Islael lumadima awe iwalela gi pa:pa gwama kekeminamalowa, a:pite na: obaimunu sosawe gi pa:pa saoda:munote kobele eda:malowa. 7Na: ameta Yuda wana lumadima awe iwalela gi kekeminamalowa. Na: enoba obaimunu LOD God, obaimunu galabe ne pawada:munamalowa, pa: giwa:la gile. Pa: gagita: pa: giwa:la gili waisota: pa: osota: gwama osole wamidilina dalata:le. Awa.
8Amale Gomate obape suwakowabi Lo-Luyama omo awana eyana tepala obate gwama gwana ete, eta dalagi pulagi amiyana. 9A:pite LODote Ausiya dima a:negelayana, oba dima Lo-Ami,#1:9 Lo Ami Ibulu gilala a:goba gi enoba pa: na:pe luma. gagi omona: gi ase da: pa: na:pe luma, a:pite na: pa: da:pe God.
10 #
Lau 9:26
Ameta Islaelana lumate ipana sasasa a:na:pi eda:madili domona gi pa: awapa. Pa: na:pe luma gilalate dololoyana sabale obaite elelona LODope sekowabi edelamadili. 11Yuda wana lumata: Islael wana lumata: obaite gwama menagiminamadili. Obaite menagi kanaba dalagi pakaminamadili a:pite obaite ya:ma wa gobale wama saoda:madili, gi ase Yeselelepe kadepate kabiginapa kadepa elamalelo.
Nu geselecteerd:
Osey 1: GBOTP
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Gogodala Bible Translation Project © Bible Society of Papua New Guinea, 2016.
