Esta 10
10
Modekaite saba egeyana gi
1Kanaba Sekesis obate tiloyana wa kabigibega enoba wasewa gegedama wete saoyana. Obate tida:loyana luma waelabega danayana obaite kamalile oko a:na:da:minadele ta:kesa wisa edelamada:le. 2Obate kamali egete a:na:da:minoyana kabigida:na gita:, Modekai dima sidinapa saba atayana gita: waelabeya:gai enobai Pesiata: Midiya wata:la kakanabanate gi a:na:da:minetediliyana buka gobama aliliyana. 3Yu dalagi Modekaite kanaba Sekesisepe a:iya:dela oba auwabapinapa naba 2 sabala mananoyana, a:pite enobala Yu luma waelabegate oba iyawabega eda:dele obape gagi sidima pakaminiyana. Obate Yu lumadima oko a:na:minadele obai sa:lele amowadoloyana. Oba amale manate Yu lumadima pa:diliyana gagalabe waelabega gobala sa:lele obaimunu galabe pawada:monoyana.
Nu geselecteerd:
Esta 10: GBOTP
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Gogodala Bible Translation Project © Bible Society of Papua New Guinea, 2016.
