Cenisihs 44
44
Minihkwaakan Kiiwanihsink
1Coosap (Joseph) itahsh okii anoonaan pemiihtaakotc kaakii naanaakacihtoonitc owaahkaa'ikan ekii'inaatc, “Mooshkinahtaaw iki ininiwak omashkimotiwaan miicim minihk iko kekashkiwitoowaatc, oshooniyaamiwaan kaye kahkina ko kiiwe piina'om kaashi paahkiikinikaatenikin omashkimotiwaan. 2I'i tahsh niminihkwaakan kaawaapaapihko shooniyaa waapihkowahk, omashkimotaank kaashi paahkiikinikaatenik ishi piina'amow a'a maawac weshiimenshimaawitc, citakoshkinenik kaashi piinsonitc shooniyaan, miicim kaye kaashi piintenik,” okii'inaan. Miitahsh i'i kaaishihcikenitc. 3Ahpii tahsh iko eani piitaapaninik, wiicihkiweyimaak kiimaacinisha'ikaniwiwak, i'i kaye omaanshimihtatimoomiwaa'. 4Ahpii tahsh kaa‑ani maacaanitc i'imaa ootenaank, Coosap okiih kanoonaan ini pemiihtaakotc kaakii naakacihtoonitc owaahkaa'ikan ekii'inaatc, “Weyiip, piminisha'o iki ininiwak, ahpii tahsh atimatwaa o'o hsa inaahkatwaanik, ‘Wekonen itahsh macikekoon wenci tipa'ikaakeyek onci kekoon kaaonishihshink? 5Miina'oweni nintookimaam ominihkwaakan kaanihtaa minihkwaaketc, kaanihtaa aapacihtootc cianta kihkenciketc. Etatawe ohsha kikihci mamaashiim o'o kaaishihcikeyek!’ kika'inaak,” okii'inaan.
6Ahpii tahsh opamiihtaake kaa‑atimaatc, mii 'i kaa'inaatc kaakii'inintc ci‑ihkitotc. 7O'o tahsh kii‑ishi nahkwehtamoo', “Wekonenini tahsh nintookimaaminaan i'i wenci ihkitotc? Kaawiin wiihkaa'i niinawint kitanohkii'aakanak nintaa ishihcikehsiimin. 8Inashke a'a shooniyaa kaakii mihkawankitipan kaaishi paahkiikinikaatekin nimashkimotinaanin, ninkiih pikiiwewinaanaan ekii miinikooyek Kenan (Canaan) ahkiink ekii onciwinankitc. Aaniin itahsh inaa keonci kiimootiyaankipan owaapaapihko shooniyaa waapihkoman, komaa kaye otoosaawi shooniyaa waapihkoman kitookimaam owaahkaa'ikanink? 9Kiishpin hsa ko awenen kaatahshiyaank mihkawintc ciayaakwen, pisaan hsa tanipo. Niinawint itahsh kotak kepamiihtawihkwaa ninka tinowimin,” kii‑ihkitowak.
10O'o tahsh okii'inaa', “Taka hsa mii 'i noonkom keishinaakwahk kaaihkitoyek; awenen hsa ko kemihkawintc eyaakwen i'i minihkwaakan, mii hsa awe nintanohkii'aakan ketinowitc. Kiinawaa tahsh wiin kotak kaawiin kekoon kika ishi anaamentaakosihsiim,” okii'inaa'. 11Kahkina tahsh entahshiwaatc okiih pina'aanaawaan omashkimotiwaan mihtahkamik ekii ishi ahtoowaatc, ekiih paahkiikinamowaatc. 12Coosap itahsh opamiihtaakeman kiimaacii nanaantonikewan, ekii onci maacihtaanitc maawac kaasasiihkisinitc omashkimotiniink, piinihsh weti ini maawac wehshiimenshimaawinitc omashkimotiniink ekii ishi poonihcikenitc. I'i tahsh minihkwaakan Penciman (Benjamin) omashkimotink kii‑ishi mihkikaateni. 13Iki tahsh wiicihkiweyimaak okiih taashkiikipitoonaawaan okikishkikaniwaan kaa‑ahpiihci maanentamowaatc. Miihsh kaaishi kiiwe pihciwane'aawaatc maanshimihtatimoo', ootenaank miinawaa ekiih kiiwe ishaawaatc.
14Ahpii tahsh Coota (Judah) i'i kaye wiicihkiweya' kaahtakohshinowaatc Coosapoon owaahkaa'ikaniniink, keyaapi weti kiiayaawan, miitahsh kaaishi animihkopani'owaatc mihtahkamik. 15Coosapoon itahsh okii'ikowaan, “Aaniin itahsh eshihcikeyek o'o kaainahkamikisiyek? Kaawiin ina kikihkentansiim, niin tino inini ekashkihtooyaan cianta kihkencikeyaan,” okii'ikowaan.
16O'o tahsh Coota kii‑ihkito, “Nintookimaam, aaniin itahsh inaa ke'ikooyampan? Aaniin itahsh keihkitoyaankipan? Aaniin itahsh inaa keonci kwayahkonaako'itisoyaankipan? Kishemanitoo ohsha omohshenaan nimamaashiiwininaan. Mii hsa tahsh i'i citinowiyaank nintookimaaminaan otanohkii'aakana'. Niinawint kaatahshiyaank, a'a kaye kaakii mihkawintc eayaatc minihkwaakan,” kii‑ihkito.
17Coosapoon itahsh okii'ikoon, “Kaawiin i'i wiihkaa nintaa ishihcikehsii! A'a hsa inini kaakii mihkawintc eayaatc minihkwaakan, mii hsa awe keotanohkii'aakanimiyaan. Kiinawaa tahsh wiin kotak, pisaan ani maacaak cikiiwenotawek kitetewaa,” okii'ikoon.
Coota Kiihkakwenaatamawaatc Pencimanan
18Coota (Judah) tahsh okii naasihkawaan Coosapoon (Joseph) ekii'inaatc, “Oo nintookimaam, taka niin kitanohkii'aakan pakitinihshin kekoon ewii'ininaan, keko tahsh nishkaatisiihkantawaahken kitanohkii'aakan; Peroo (Pharaoh) iitok kiwiici ahpiihtentaakohsiimaa. 19Kikiih kakwecimihshinaam iitok ekii'ishiyaank, ‘Kitayaawaawaa na kiicihkiweyiwaa, komaa kaye kitetewaa’ ekii'ishiyaankipan. 20O'o tahsh kikii'ikoo, ‘Nintayaawaanaan ihsa nintetenaan wiinke eahkiwensiiwitc, eoshkaatisitc kaye niicihkiweyinaan, miiwan hsa ini kaakii nihtaawikinitc kiiani ahkiwensiiwitc. Nihshimenshinaan itahsh wiicihkiweyan kaawiin pimaatisihsiiwan, mii ehta emihcipeshikotc omaamaawaan kaakii ayaawikowaatc, oteten itahsh kaye osaaki'ikoon,’ 21Miinawaa tahsh o'o kikii ishinaam, niinawint kitanohkii'aakanak, ‘Piinaahkek o'omaa eshi'ayaawak, niin iko ewii waapamak.’ 22O'o tahsh kikii'ikoonaapan nintookimaaminaan, ‘A'a hsa kwiiwisenhs kaawiin otaa nakanaahsiin oteten, kiishpin hsa nakanaahpan ini oteten, mii hsa 'i ciniponihpan.’ 23O'o tahsh kikii ishinaam, ‘Kiishpin hsa a'a kaamaawaci ohshiimenshimaawitc kiicihkiweyiwaa piwiiciiwihsinowek, kaawiin hsa miinawaa kika waapamihsiim.’ ”
24“Ahpii tahsh kaaishaayaank eshi'ayaatc nintetenaan kitanohkii'aakan, ninkii wiintamawaanaan itahsh aaniin kaakii ihkitowatc, kiin nintookimaaminaan. 25Nintetenaan itahsh o'o ninkii'ikonaan, ‘Maacaak miinawaa kiiwe ishaak, antawi ataawek pankii miicim.’ 26O'o tahsh ninkii ihkitomin, ‘Kaawiin nintaa ishaahsiimin. Kiishpin ehta wiiciiwiyamintc nihshiimenshinaan ninka ishaamin, aaniihsh mii ehta 'i keshi waapamankitc a'a inini piwiiciiwimankitc nihshiimenshinaanin.’ 27Nintetenaan itahsh o'o ninkii'ikonaan, ‘Kikihkentaam iitok kaakii wiiwiyaan Orehcal (Rachel) niishin i'imaa ninkosihsa' ekii onci nihtaawikinitc. 28Peshik itahsh ninkii nakanik ekii eshahkashitc, miihsh kaaihkitoyaampaan, “Kehcinaac ihsa kiihpiisipicikaniwiwitok, kaawiin itahsh mahshi nintoonci waapamaahsii.” 29Kiishpin maaciinek wa'a kaye, kekoon itahsh ishi maanshihsetc, keshi maanentami'iyek hsa o'o eahpiihtahkiwensiiwiyaan, mii hsa 'i cikawenimoyaampaan,’ ninkii'ikonaan.”
30Keyaapi kiiani kakiikito Coota, “Inashke tahsh ahpii otihsak nintete kitanohkii'aakan, a'a tahsh kwiiwisenhs wiiciiwihsiyamintc, 31kiishpin itahsh waapamiyamintc wiiciiwaahsiwimankitc, mii ohsha 'i ci‑ishkwaa pimaatisitc. I'i tahsh eahpiihtahkiwensiiwitc mii 'i cinipohpan keahpiihci maanentank, wiinke aaniihsh nintete mii 'i eshinaakwaninik opimaatisiwin taapishkoo eniishohpitenikin opimaatisiwiniwaan. 32Niin itahsh kitanohkii'aakan, nintete ohsha ninkii ahpi pakitinamawaa nimpimaatisiwin a'a onci kwiiwisenhs, o'o ekii inakipan nintete, ‘Kiishpin hsa pikiiwewinaahsiwak eshi'ayaawatc, taka hsa niin nehpic ninka anaamentaakos enaahsamiiyan,’ mii 'i kaainakipan nintete. 33Taka hsa niin intawaa kitanohkii'aakan o'omaa ninka ayaa citipenimiyan nintookimaam, meshkwac itahsh a'a kwiiwisenhs oka kiiwe wiiciiwaa' wiicihkiweya'. 34Aaniin itahsh keshi kashkihtooyaampaan cikiiweyaampaan eshi'ayaatc nintete kiishpin wiiciiwihsik a'a kwiiwisenhs. Kaawiin i'i nintaa ishihcikehsii. Kaawiin ninantawentansiin ciwaapantamowakipan nintete awaac iitok keshi kakwaatakihsehpan,” kii‑ihkito Coota (Judah).
Nu geselecteerd:
Cenisihs 44: OJBR
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Ojibwe Shorter Bible (Roman Script) © 2008 Canadian Bible Society
