Populaire Bijbelverzen uit Matyo 26

Deel

I ghə̂mə tsu na, ghaa i gɔŋŋə tsu nə̀ kə fə kə nə chimmənə ghaa nə̀ ghaa ghəŋə ghə i bəbə i loʼ zə n təŋkey fə̀ŋ tə ghaa tə ləghənu ni ghəŋə ghəə zey i loʼnə tsətsəghə, à kee loʼ kə nə̀, gow uwû ghaa khə way daʼa kə ni təmi taw.”

Tə n dza ndòw tə̀ ghə nə̀, “N ngii khə imow n fə̀ŋ n jìi zey n loʼ ni buʼ kpu daŋŋə tii, doʼo tsu na fa ghi mə, saa i dzəŋi ney ghə̂mə zə.”

Tə n dzə kəŋə kpiʼi ndòw isə, bwu fəə ndòw tûm usə̂ aghəd, kaʼ ndòw ni gɔŋŋə nə̀, “Bày wuŋ, abə jìi loʼnə, ney nuu ndòw wɔ̂ uchɔd zən n wɔ mə. A kee loʼ nə̀ kə i nə doʼlənə tə̀ n ləghə, i doʼo tə̀ wə ləghənə.”

a wən loʼ kaŋ tuŋ, kaŋ tə kaa mey Zə̀ kə zə̂nə ghi ghə̂ a wi ghə, tə fəələnə nə̀ Zə̀ kə neyzəə bəb i ndəmə aghə̂.

Nghee tə̀ Yeso ghi ngəd tə wi tə zə̂ənə, Yeso n ney kɔʼ baa kə nkala, gɔŋŋə tsu, bòʼ tsu, fuu ndòw tə ngəd tə wi tə, dza tə ghə nə̀, “Ney na, ghaa zə̂, a wən loʼ wû wuŋ.”

Tə n ney kɔʼ soʼo wɔ̂ nlə, fuu ndòw zɔŋŋə K-a-zə̀, fuu ndòw tə̀ ghə, dza tə̀ ghə nə̀, “Mə̂ ndòw na, ghaa adzəm

Tə n dzəŋŋə ndòw n səə ngəd tə wi tey tətəghə, bə koʼ bə nə̀ ghə bweelinu. Tə n bəb tə̀ Pita nə̀, “À loʼ kee ghaa ghən atəghə ghaa mə way ni doʼo tsuŋŋə tsu ghi mə nə̀ ghaa bweeli way ə?

N dza bə tə̀ ghaa nə̀ mə î kəm mə̂ way nlə mə ni ndòw kùum n tsuʼ fey mə î mə̂ənə nlə n fəghə mə ghi ghaa n fɔ̀ɔ u Bày wuŋ.”

Pita n daŋŋə taa moʼlə tsu ghəə zey Yeso â dzanə tə̀ wi nə̀, “Tə mwaʼ kə ni tɔŋ, a i loʼ nə̀ wə̀ n mə tuu maʼa tənəŋə tətəghə.” Tə n nuu tsu fu, shi ndow a bii, ndòw dey dzɔb i tsu.

Nuu kɔʼ na tə̀ sa nuu. Koʼo na! Wù wey tə fìi fuunə mə n bə.”

Yeso n dza tə̀ wi nə̀, “Sɔʼ naŋa dzəŋŋə ndòw kɔb zə n mbə kəkùm, boʼnə ghə̂ ghey ghə weynə ghə̂ ghə n kɔb, kpuu soʼo nə̀ à loʼ kɔb i weynə ghə.