Populaire Bijbelverzen uit Matyo 25

Deel

Tə i beeli ndòw ghə nə̀, ‘N kuum dza bə tə̀ ghaa nə̀, ghəə ghey ghaa â ghəŋənə tə̀ waazə wuŋ u ghaa wə, ghaa â sey ghəŋə tə̀ mə̀.’”

Mûkəbii wey n dza ndòw tə̀ wi nə̀, ‘Wə n fwaʼ dzɔb, wə loʼ wù kəfwaʼ u dzuŋu wə, wù loʼnu ni gaʼ fə̀ŋ n kow wɔ. Wə n kwu keeli dzɔb nyaŋi fən n mə fuunə tə̀ wɔ, sey mə î kɔʼlə naŋa kɔʼɔ wɔ, wə i laalə ndəmə ufə̂. Bə̀ doʼo tsu, wə i saŋŋə ghi mûkəbii wə.’

Kuum nə̀, wù wey tə khənə fə kə ghə î fuu kpiʼinu wi, tə i keeli tsəghə shi tsu. Abə wù wey tə khə way fə kə, kasə̀ nyaŋi fey tə khənə, ghə i ney nuu may kɔʼ n wɔ wi.

Sey, təmi kɔʼ na n fuu zə, n təŋkey, ghaa khə dzə way tsuʼ fey nkee nəŋə zey Waa weynum î bəghənə tii.”

Kuum nə̀, mə â loʼ n dzəŋ, ghaa n fu mə̀ n fəzəə wə, fə̀ŋ ə mmuu n zuʼlə mə, ghaa n fuu mə n mmuu mə, mə n bweyyə bə nə ghaa, ghaa n kpii ney mə n ndaw tə ghaa.

Mûkəbii wey n dza ndòw tə̀ wi nə̀, ‘Wə n ghəŋə dzɔb, wə loʼ wù kəfwaʼ u dzuŋu wə, wù loʼ ni gaʼ fə̀ŋ n kow wɔ. Wə n kwu keeli dzɔb nyaŋi fən n mə fuu naŋanə tə̀ wɔ, sey mə î kɔʼlə naŋŋə kɔʼɔ wɔ, wə i laalə ndəmə ufə̂. Bə̀ doʼo tsu, wə i saŋŋə ghi mûkəbii wə.’

Mə â laʼa təndzə̂, ghaa n fuu mə n ndzə̂ tə, mə â dzaŋanu, ghaa n laalə tə̀ mə̀, mə â loʼ n ndaw tsaʼ, ghaa n bə tɔŋɔ zow mə.’