Populaire Bijbelverzen uit SIONE 15

Deel

“I nau a viuki, i kamu a rangarangaki. Aira hi rau hariki lugu, i nau luga, ranari kwai ne bulu. Diko tulu he hariki te lugu tulu nehe vai lai te kinau vohoki.

Tulu hariki lugu, hokinia i nau nomo hariki lumiu. Diko i kamu tulu nehe hariki te lugu, tulu nehe kwai lai tea, hoki na ranga nehe kwai lai tea sibona, diko he hariki tea lo viuki.

Diko tulu hariki lugu, vake a leogu ne eno lumiu, vunu i kamu tulu ne uduhuri na havakinau tea hi tulu lengaia, vae tulu ne lavia.

I kamu tulu he mataiau tea, vae i nau nu mataikamu, nu rivukikamu kwara tulu ne vano tulu ne boloki, tulu ne kwai ne bulu, vae a kwaimiu ne eno vaki tuai. Vunu tulu ne uduhuri a havakinau hi ki Tamagu lo hinagu, vae ne bete lakwakamu.

Hete lagwaana kwara u lakua siletia hika, kwara a tangaloi ne tiraki na mamaurianana huri rabuluina.

Vunuhi na rangaki hini lugu rahe kwai tea, ne taira leletiu, vae vunuhi na rangaki hini rau kwai karea ne tai vakahakinira kwara rana kwai vakevake.

A nogu tulikileo aia hika, kwara tulu ne lagwalagwa maikamu, hokinia hi i nau nu lagwa maikamu.

Tulu ne mulemai kina nogu ngwalagelo luna hi, i kamu tulu ne kwai ne bulu. Lo halaki aia hi a hina i Tamagu ne tabe hakekiana.

Hikani i Jisas u viti kwara, “I nau hoki na vikai kareaki, i Tamagu aia a kaitagahuri na vikai hi.

Aira hi rahe hariki te lugu aira hoki na rangai-vikai vuroki hinea a tangaloi rau vohokinira leletiu, ra va goru. A tangaloi rana vileki tabulutaki na rangai-vikai hinea rau goru, rana vohoki tabulutakinira tilolo kabu rana va kao.

“I nau nu viti na leo vano hi lakwakamu kwara a nogu hahavutiana ne eno lumiu, vae ne havutikamu haburu.

Diko i kamu tulu rongohuri na nogu tulikileo, tulu neri hariki ne madi lo nogu lagwaana, hokinia i nau nu rongohuri na tulikileo noi Tamagu nu hariki lo nona lagwaana.

A nogu tulikileo hika lakwakamu kwara, ‘Tulu lagwalagwa maikamu.’ ”

Kwara vae diko tulu huri na domiana nona tangaloi na varamana aira vano hi rana lagwa maikamu huri tulu ne bulu maira. Vae i nau nu mataikamu tina tangaloi na varamana, vae tulu he bulu te maira. Huri hi a tangaloi na varamana rau vai taratarakikamu.