Populaire Bijbelverzen uit SIONE 14

Deel

“A magemuana nu tau lakwakamu, a nogu magemuana nu hilea lakwakamu. Nu betea lakwakamu, hete hoki na magemuana hinea tulu mo lai lo varamana. A domimiu ne hatu kwalao laliki, tulu hatu mataku.

I Jisas mo daraki lakwae mo viti “A hala, i nau. A gwataki na vitikareaki, i nau. A gwataki na ahiana, i nau. Hete tangaloi kwara ne vano lai vaki mai Tamagu, vae kehekeheki ne vanamai vaki maiau, i nau nari lavia vaki maia.

I Jisas u kwaha mana nona ngwalagelo mo viti kwara, “A domimiu ne hatu kwalao laliki. Tulu hauhuri lui God, vae tulu ne hauhuri lugu vake.

Vae a Kaihago, hi a Tanungwe Kokona, hinea i Tamagu neri horae lo hinagu, neri huhuikamu kina kinau savia, vake ne vaikamu tulu neri domihagwe savi na kinau hinea nomo toko vitira lakwakamu.

“Ihe hi u lai tabetabeki na nogu tulikileo u rongohurira, aia hi u lagwa maiau. Aia hi u lagwa maiau, i Tamagu neri lagwa maia. I nau vake nari lagwa maia, na vosangi tabetabekiau lakwae.”

Vae i nau na uduhuri ki Tamagu, aia neri hile na Kaihago dolua vake lakwakamu, vae aia ne hugu maikamu vaki tuai. Aia a Tanungwe u matangwasaraki na vitikareaki huri God. A tangaloi na varamana ranahe lai lavia tea, huri rahe tagaia tea, vake rahe kikilaia tea. Vae i kamu tulu kikilaia, huri u hugu maikamu vae ne toka lumiu.

A havakinau hi tulu ne uduhuri lo hinagu, nana vai. Lo hala hokinia hi, a hina i Tamagu ne tabe hakekiana huri na nogu bolokiana, i nau i Natuna. Diko i kamu tulu ne uduhuri a havakinau hi kiau lo hinagu, i nau nana vai luna lakwakamu.”

Vunu i Jisas mo vano nga mo viti kwara, “Diko i kamu tulu lagwa maiau, tulu ne rongohuri na nogu tulikileo.

Lolo ingwa i Tamagu a tanotano u rusa. I nau na vano na vai rarai a tanotano hurikamu. Kwara vae hete hokinia hi, nana viti lakwakamu.

Na vano na vai rarai a tanotano hurikamu, vunu nari mulemai na lavikamu vaki maiau. Vae na hugu ave, i kamu tulu neri hugu maiau eia.

I Tomas mo viti lakwai Jisas kwara, “Hugwe*. ?I kami kehe kikilai tea kwara vae kona vano vaki ave, vae kena kikilai kworohoki na hala hi kwara kena maravuti eia?”