Populaire Bijbelverzen uit SIONE 16

Deel

I nau nu viti na kinau hi lakwakamu kwara vae ne tangwatahakikamu huri tulu hariki lugu. Lo varamana tulu ne rongo hati. Vae tulu tu ne madi. I nau nu gui na hatiana na varamana u rovo ba.”

Vae a Tanungwe hinea u matangwasaraki na vitikareaki huri God ne vanamai, aia neri turukikamu tilo vitikareaki vunuhia. Aia nehe viti huri na nona domidomi tea sibona, vae ne viti a havakinau hinea mo rongo, neri viti huri lakwakamu a kinau hinea rana vanamai.

Tarisaki hikani i kamu tulu he uduhuri na kinau te lo hinagu. Tulu uduhuri vae tulu ne lai, hokinia ne havutikamu haburu.”

Vae nu viti bakotoki lakwakamu, u karea kwara na vano tikamu, huri diko nahe vano tea, a Kaihago hi nehe vanamai tea vaki maikamu. Vae diko na vano tikamu vunu nari horae vaki maikamu. Lo taro a Kaihago ne vanamai ne matangwasaraki lakwa na tangaloi na varamana kwara rau vakasile lo kinau vano hika. Rau vakasile lo noga domidomi lo vaivai hati, rau vakasile lo noga domidomi kwara ihe u bakoto, vunu vake rau vakasile lo noga domidomi kwara i God ne areki na hava tangaloi.

Aia hokinia hi maikamu. Hikani i kamu tulu hahakavi, vae i nau na tagaikamu taliku vunu ne havutikamu haburu. A nomiu hahavutiana hi a tangaloi nehe lavia tea tikamu. “Lo taro hi a raniki hi ne maravuti tulu nehe uduhuri na kinau te vohoki kiau. Kareaki na viti lakwakamu, a havakinau tulu ne uduhuri ki Tamagu lo hinagu aia neri bete lakwakamu.

Kareaki na viti lakwakamu, i kamu tulu ne ngara tulu ne tangi, vae a tangaloi na varamana rana lagwa. I kamu tulu ne hahakavi, vae a nomiu hahakaviana ne bohi kina hahavutiana.