भजनसंग्रह 98:1-9
भजनसंग्रह 98:1-9 नेपाली नयाँ संशोधित संस्करण (NNRV)
परमप्रभुको निम्ति एउटा नयाँ भजन गाओ, किनकि उहाँले अचम्मका कामहरू गर्नुभएको छ, उहाँको दाहिने बाहुली र उहाँको पवित्र पाखुराले उहाँको निम्ति उद्धारको काम गरेका छन्। परमप्रभुले गर्नुभएको उद्धार स्वयम् उहाँले प्रकट गर्नुभएको छ, र उहाँले आफ्नो धार्मिकता जाति-जातिहरूमा प्रकट गर्नुभएको छ। इस्राएलका घरानामाथि गर्नुभएको आफ्नो करुणा र आफ्नो विश्वसनीयता परमप्रभुले सम्झनुभएको छ। हाम्रा परमेश्वरको उद्धार पृथ्वीको हरेक कुनाले देखेको छ। हे सारा पृथ्वी, आनन्दसँग परमप्रभुको जयजयकार गर, भजनद्वारा उहाँको जय घोषणा गर। परमप्रभुको निम्ति वीणाको लय निकाल, वीणा र मधुर सुरले, तुरही र भेड़ाको सीङले परमप्रभु महाराजाको सामुन्ने आनन्दको उद्घोषण गर। समुद्र र त्यसमा भएका सबै प्राणीले गुञ्जायमान गरून्, र संसार र त्यहाँ वास गर्ने सबैले पनि। नदीका तरङ्गहरूले ताली बजाऊन्, पहाड र पर्वत आनन्दले एकसाथ गाऊन्, तिनीहरूले परमप्रभुको सम्मुख गाऊन्। किनकि उहाँ पृथ्वीको न्याय गर्न आउनुहुन्छ। उहाँले धार्मिकता र निष्पक्षतासाथ संसारका मानिसहरूको न्याय गर्नुहुनेछ।
भजनसंग्रह 98:1-9 नेपाली नयाँ संशोधित संस्करण (NNRV)
परमप्रभुको निम्ति एउटा नयाँ भजन गाओ, किनकि उहाँले अचम्मका कामहरू गर्नुभएको छ, उहाँको दाहिने बाहुली र उहाँको पवित्र पाखुराले उहाँको निम्ति उद्धारको काम गरेका छन्। परमप्रभुले गर्नुभएको उद्धार स्वयम् उहाँले प्रकट गर्नुभएको छ, र उहाँले आफ्नो धार्मिकता जाति-जातिहरूमा प्रकट गर्नुभएको छ। इस्राएलका घरानामाथि गर्नुभएको आफ्नो करुणा र आफ्नो विश्वसनीयता परमप्रभुले सम्झनुभएको छ। हाम्रा परमेश्वरको उद्धार पृथ्वीको हरेक कुनाले देखेको छ। हे सारा पृथ्वी, आनन्दसँग परमप्रभुको जयजयकार गर, भजनद्वारा उहाँको जय घोषणा गर। परमप्रभुको निम्ति वीणाको लय निकाल, वीणा र मधुर सुरले, तुरही र भेड़ाको सीङले परमप्रभु महाराजाको सामुन्ने आनन्दको उद्घोषण गर। समुद्र र त्यसमा भएका सबै प्राणीले गुञ्जायमान गरून्, र संसार र त्यहाँ वास गर्ने सबैले पनि। नदीका तरङ्गहरूले ताली बजाऊन्, पहाड र पर्वत आनन्दले एकसाथ गाऊन्, तिनीहरूले परमप्रभुको सम्मुख गाऊन्। किनकि उहाँ पृथ्वीको न्याय गर्न आउनुहुन्छ। उहाँले धार्मिकता र निष्पक्षतासाथ संसारका मानिसहरूको न्याय गर्नुहुनेछ।
भजनसंग्रह 98:1-9 पवित्र बाइबल, नेपाली समकालीन संस्करण (NCV)
याहवेहको निम्ति एउटा नयाँ गीत गाओ; किनकि उहाँले अद्भुत कार्य गर्नुभएको छ; उहाँका दाहिने हात र पवित्र पाखुराले उहाँको निम्ति विजयका कामहरू गरेका छन्। याहवेहले आफ्नो मुक्तिको घोषणा गर्नुभएको छ; र उहाँले आफ्नो धार्मिकता जाति-जातिहरूमा प्रकट गर्नुभएको छ। उहाँले इस्राएलका घरानाप्रतिको आफ्नो अचुक प्रेम, र उहाँको विश्वासयोग्यता स्मरण गर्नुभएको छ; पृथ्वीका सम्पूर्ण सिमानाहरूले हाम्रा परमेश्वरका मुक्तिलाई देखेका छन्। हे सारा पृथ्वी, आनन्दसाथ उच्च सोरले याहवेहको जयजयकार गर; सङ्गीतद्वारा उहाँको जयको घोषणा गर; वीणा बजाएर याहवेहको भजन गाओ! वीणा र सुमधुर गीतकासाथ, तुरहीहरू र भेडाका सिङ फुकेर, राजा याहवेहको सामु आनन्दले जयजयकार गर! समुद्र र त्यसमा भएका सबै थोकले, संसार, र त्यहाँ बास गर्ने सबैले गुञ्जायमान गरून्। नदीहरूका तरङ्गहरूले ताली बजाऊन्; पर्वतहरूले एकसाथ आनन्दले गाऊन्; तिनीहरूले याहवेहको सामु गाऊन्; किनकि, उहाँ पृथ्वीको न्याय गर्न आउनुहुन्छ। उहाँले संसारलाई धार्मिकताकोसाथ र जातिहरूलाई निष्पक्षतासाथ न्याय गर्नुहुनेछ।
भजनसंग्रह 98:1-9 पवित्र बाइबल (NERV)
परमप्रभु प्रति नयाँ गीत गाऊ किनभने उहाँले नयाँ र छक्क पार्ने कुराहरू गर्नुभयो। उहाँको पवित्र दाहिने पाखुराले उहाँलाई फेरि विजय तुल्यायो। परमप्रभुले आफ्नो बचाउने शक्ति जातिहरूलाई देखाउनु भयो। परमप्रभुले आफ्नो धार्मिकता तिनीहरूलाई देखाउनु भयो। उहाँका भक्तजनहरूले इस्राएल का मानिसहरू प्रति परमेश्वरको विश्वास सम्झिए। सुदूर ठाउँमा भएका मानिसहरूले हाम्रो परमप्रभुको रक्षा गर्ने शक्ति देखे। हे पृथ्वीमा भएका प्रत्येक मानिसहरूले, परमप्रभु प्रति खुशीले हल्ला गर। प्रशंसाको गीत गाउन प्रारम्भ गर! परमप्रभुको प्रशंसा वीणा बजाएर गर। वीणाबाट निस्केको संगीतले, उहाँको प्रशंसा गर्दछ। तुरही र कर्णालहरू बजाऊ, अनि परमप्रभु हाम्रो राजा प्रति चिच्याउँदै प्रशंसा गर। समुद्र र त्यहाँ भएका प्रत्येक कुराले, पृथ्वी र त्यसमा भएका प्रत्येक कुराले जोडले गाओस्। हे नदीहरू, आफ्ना हातहरूले थप्पडी मार! पर्वतहरू सबै एकैसाथ आनन्दको गीत गाऔं। परमप्रभुको सम्मुख गाऔं! किनभने उहाँ संसारमा राज गर्न आइरहनु भएको छ। उहाँले संसारमा न्यायपूर्वक राज गर्नु हुनेछ। उहाँले धार्मिकतासित मानिसहरूमाथि राज गर्नुहुनेछ।
भजनसंग्रह 98:1-9 सरल नेपाली पवित्र बाइबल (सरल नेपाली)
परमप्रभुलाई एउटा नयाँ भजन गाओ, उहाँले उदेकका कामहरू गर्नुभएको छ! आफ्नो शक्ति र पवित्र बलले उहाँले विजय पाउनुभएको छ। परमप्रभुले आफ्नो विजयबारे भन्नुभयो, उहाँले आफ्नो बचाउन सक्ने शक्तिबारे जातिहरूलाई जनाउनुभयो। उहाँले विश्वासनीय भएर र अनन्त प्रेम गरेर इस्राएलका मानिसहरूसँग गर्नुभएको प्रतिज्ञा राख्नुभयो। सबै ठाउँका सबै मानिसहरूले हाम्रा परमेश्वरको विजय देखेका छन्। सारा पृथ्वी, परमप्रभुको निम्ति आनन्दले भजन गाओ, आनन्दका भजन र स्वरले उहाँको प्रशंसा गर। परमप्रभुको प्रशंसा गाओ! वीणामा सङ्गीत बजाओ! तुरही र नरसिङ्गा फुक र हाम्रा राजा परमप्रभुको निम्ति आनन्दले स्वर उचाल। समुद्र र त्यहाँका सारा प्राणीले गुञ्जायमान गरून्; पृथ्वी र त्यसका सबै बासिन्दाहरूले भजन गाओ! नदीहरूले ताली बजाओ; पहाडहरूले एकसाथ मिली परमप्रभुको सामु आनन्दले भजन गाओ किनभने उहाँ पृथ्वीमा राज्य गर्न आउनुहुन्छ, उहाँले धार्मिकता र न्यायसित संसारका जातिहरूमाथि राज्य गर्नुहुनेछ।
