मर्कूस 16:2-4
मर्कूस 16:2-4 नेपाली नयाँ संशोधित संस्करण (NNRV)
साताको पहिलो दिनमा बिहानै घाम झुल्कँदा तिनीहरू चिहानमा गए। अनि तिनीहरूले आपसमा भने, “हाम्रा निम्ति चिहानको ढोकाको ढुङ्गा कसले हटाइदेला? अनि मास्तिर हेर्दा तिनीहरूले चिहानको त्यो ढुङ्गा हटाइराखेको देखे। त्यो ढुङ्गा खूब ठूलो थियो।
मर्कूस 16:2-4 नेपाली समकालीन संस्करण (NCV)
हप्ताको पहिलो दिन एकाबिहानै, सूर्योदय हुनासाथ तिनीहरू चिहानतिर लागे, अनि तिनीहरूले आपसमा भने, “कसले चिहानको मुखबाट ढुङ्गालाई गुड्याएर हटाइदेला?” तर जब तिनीहरूले चिहानतिर हेरे, त्यो ठूलो ढुङ्गा हटाइएको देखे।
मर्कूस 16:2-4 पवित्र बाइबल (NERV)
हप्ताको पहिलो दिनको बिहानै, तिनीहरू चिहानमा गइरहेका थिए। यसबेलासम्म घाम झुल्केकै थिएन। ती स्त्रीहरू एक अर्कामा कुरा गर्दै थिए, “चिहानको ढोकामा एउटा ठूलो ढुङ्गा छ। कसले त्यो ढुङ्गा हाम्रो निम्ति पल्टाइदेला?” जब स्त्रीहरूले देखे, तिनीहरूले ढुङ्गा हटाईएको पाए। त्यो ढुङ्गा अति ठूलो थियो, तर ढोकाबाट यसलाई पल्टाईको थियो।
मर्कूस 16:2-4 सरल नेपाली पवित्र बाइबल (सरल नेपाली)
भोलिपल्ट हप्ताको पहिलो दिन बिहानै घाम झुल्कँदा तिनीहरू येशूलाई राखिएको चिहानमा गए। बाटोमा जाँदा तिनीहरूले ‘चिहानको मुखमा लगाएको ढुङ्गाचाहिँ कसले हटाइदेला?’ भन्दै थिए। तर चिहानमा पुग्दा त त्यत्रो ठूलो ढुङ्गालाई पनि अघिबाट नै हटाइसकेको रहेछ।