अय्यूब 38:1-5
अय्यूब 38:1-5 नेपाली नयाँ संशोधित संस्करण (NNRV)
तब परमप्रभुले अय्यूबलाई आँधीबेहरीबाट यसरी जवाफ दिनुभयो: “यो को हो जसले मूर्ख कुराहरू गरेर मेरो सल्लाहलाई धमिल्याउन खोज्छ? तेरो कम्मर कसेर मर्दझैँ खड़ा हो, म तँलाई सवाल गर्छु, र तैंले मलाई जवाफ दे। पृथ्वीको जग मैले बसाल्दा तँ कहाँ थिइस्? तैंले बुझ्छस् भने मलाई बता। त्यसको नाप कसले ठहरायो? तैंले ता जान्नुपर्ने! कसले त्यसमा नापको डोरी टाँग्यो?
अय्यूब 38:1-5 पवित्र बाइबल, नेपाली समकालीन संस्करण (NCV)
तब याहवेह आँधीबेहरीको बीचबाट इयोबसँग बोल्नुभयो। उहाँले भन्नुभयो: “ज्ञानविनाका शब्दहरूले मेरो योजनालाई धमिल्याउने यो को हो? अब मर्दझैँ कम्मर कसेर खडा हो; म तँलाई प्रश्न गर्नेछु, अनि तैँले मलाई जवाफ दिनेछस्। “मैले पृथ्वीको जग बसाल्दा तँ कहाँ थिइस्? यदि तैँले बुझेको छस् भने मलाई भन्। पृथ्वीको नाप कसले गर्यो? निश्चय नै तँलाई थाहा होला! कसले यसको वरिपरि नाप्ने रेखा खिच्यो?
अय्यूब 38:1-5 पवित्र बाइबल (NERV)
तब परमेश्वर भुँवरीबाट अय्यूबसित बोल्नु भयो। परमेश्वरले भन्नुभयोः “त्यो अज्ञानी मानिस को हो? जसले यस्ता मूर्ख कुराहरू गरिरहेको छ।” अय्यूब, कम्मर कस, मेरो प्रश्नको उत्तर दिनलाई तैयार बस। “तिमी कहाँ थियौ जब मैले पृथ्वी सृष्टि गरें? यदि तिमी यो जान्दछौ भने मलाई जवाफ देऊ। यदि तिमी साह्रै चतुर छौ भने, संसार यति ठूलो हुनुपर्छ भनेर कसले निर्णय गर्यो? कसले संसारलाई नापजोख गर्यो?
अय्यूब 38:1-5 सरल नेपाली पवित्र बाइबल (सरल नेपाली)
आँधीको बीचबाट परमप्रभुले अय्यूबलाई जवाफ दिनुभयो। मूर्ख कुरा गरेर मेरो योजनालाई अस्पष्ट पार्न खोज्ने तँ को होस्? अब मर्द भएर खडा हो, म प्रश्न गर्छु, तँ जवाफ दे। मैले पृथ्वीको जग बसाल्दा के तँ त्यहाँ थिइस्? तँ यति धेरै कुरा बुझ्छस् भने लौ मलाई भन्। पृथ्वीलाई यति ठूलो हुनुपर्छ भनी कसले ठहरायो? कसले यसको नाप लियो? के तँ जान्दछस्?