यर्मिया 48:10-29
यर्मिया 48:10-29 नेपाली नयाँ संशोधित संस्करण (NNRV)
“परमप्रभुको काम ढिलोसित गर्नेलाई सराप! आफ्नो तरवारलाई रक्तपात गर्नदेखि रोक्नेलाई सराप! “मोआब युवावस्थादेखि नै आराम गरी बसेको छ। त्यो थिग्रो रहेको दाखमद्यजस्तै छ, जो एउटा भाँड़ाबाट अर्को भाँड़ामा खन्याइएको छैन— त्यो निर्वासनमा गएको छैन। यसैले त्यसको स्वाद अघिजस्तै रहिरहेको छ। त्यसको बास्ना बद्लेको छैन। तर दिनहरू आउँदैछन्,” परमप्रभु भन्नुहुन्छ, “जब घैँटाबाट खन्याउनेहरूलाई म त्यसकहाँ पठाउनेछु, र उनीहरूले त्यो खन्याउनेछन्। त्यसका घैँटाहरू रित्त्याउनेछन्, र त्यसका गाग्राहरू चूरचूर पारेर फुटाइदिनेछन्। जसरी आफूले भरोसा गरेको बेथेलदेखि इस्राएल लाजमा पारियो, त्यसरी नै मोआब पनि कमोशदेखि लाजमा पारिनेछ। “‘हामीहरू वीर र शक्तिशाली युद्ध गर्नेहरू हौं’ भनेर तिमीहरू कसरी भन्छौ? मोआब नष्ट पारिनेछ, र त्यसका नगरहरू आक्रमण गरिनेछन्। त्यसका जवानहरूमा सबैभन्दा खाइलाग्दाहरू मारिनलाई जानेछन्,” महाराजा भन्नुहुन्छ, जसको नाउँ सर्वशक्तिमान् परमप्रभु हो। “मोआबको पतन नजिकै आएको छ, त्यसको सङ्कष्ट एकदमै चाँड़ो आउनेछ। त्यसका चारैतिर बस्नेहरू र त्यसका ख्याति जान्ने सबै त्यसको निम्ति शोक गर, र भन, ‘त्यो शक्तिशाली राजदण्ड भाँचिएको हो! त्यो गौरवको लट्ठी भाँचिएको हो!’ “हे दीबोनकी छोरीका बासिन्दा हो, आफ्नो गौरवपूर्ण स्थानबाट ओर्लेर खहरिएको सुक्खा जमिनमा बस्, किनकि मोआबलाई नाश गर्ने तेरो विरुद्धमा आउनेछ। त्यसले तेरा किल्ला भएका सहरहरूलाई सर्वनाश गर्नेछ। हे अरोएरमा बस्नेहरू, बाटोमा खड़ा भएर हेर। भाग्ने पुरुष र उम्कने स्त्रीलाई सोध, ‘के भयो?’ भनी तिनीहरूलाई सोध। मोआब अपमानित भएको छ, किनकि त्यो चूरचूर पारिएको छ। विलाप गर, रोओ! मोआब नष्ट पारियो भनी अर्नोनको किनारमा गएर भन। टारमाथि न्याय आएको छ— अर्थात् होलोन, यहसाह र मेपातमाथि, दीबोन, नेबो र बेथ-दिब्लातैममाथि, किर्यातैम, बेथ-गमूएल र बेथ-मोनमाथि, किर्योत, बोज्रा र मोआबका नजिक र टाढ़ाका जम्मै सहरहरूमाथि त्यो आएको छ। मोआबको सीङ काटियो, र त्यसको पाखुरा भाँचियो,” परमप्रभु भन्नुहुन्छ। “त्यसलाई मत्त्याओ, किनकि त्यसले परमप्रभुको विरोध गरेको छ। मोआब आफ्नै बान्तामा लड़ीबड़ी खेलोस्, र त्यो ठट्टाको पात्र होस्। के इस्राएल तेरो निम्ति ठट्टाको पात्र भएको थिएन? के त्यो चोरहरूका बीचमा पक्राउ परेको थियो र जब तैंले त्यसको कुरा गर्छस् तब तैंले आफ्नो शिर हल्लाई-हल्लाईकन त्यसको ठट्टा गर्छस्? हे मोआबमा बस्नेहरू हो, तिमीहरूका नगरहरू छोड़ र चट्टानहरूमा बस। गुफाका मुखको छेउमा गुँड़ लाउने ढुकुरजस्ता होओ। “मोआबको घमण्डको बारेमा हामीले सुनेका छौं— त्यसको नचाहिँदो घमण्ड र चढ़ेको शेखी, र त्यसको घमण्डका कुरा अनि त्यसको हृदयको अहङ्कारको बारेमा हामीले सुनेका छौं!
यर्मिया 48:10-29 नेपाली नयाँ संशोधित संस्करण (NNRV)
“परमप्रभुको काम ढिलोसित गर्नेलाई सराप! आफ्नो तरवारलाई रक्तपात गर्नदेखि रोक्नेलाई सराप! “मोआब युवावस्थादेखि नै आराम गरी बसेको छ। त्यो थिग्रो रहेको दाखमद्यजस्तै छ, जो एउटा भाँड़ाबाट अर्को भाँड़ामा खन्याइएको छैन— त्यो निर्वासनमा गएको छैन। यसैले त्यसको स्वाद अघिजस्तै रहिरहेको छ। त्यसको बास्ना बद्लेको छैन। तर दिनहरू आउँदैछन्,” परमप्रभु भन्नुहुन्छ, “जब घैँटाबाट खन्याउनेहरूलाई म त्यसकहाँ पठाउनेछु, र उनीहरूले त्यो खन्याउनेछन्। त्यसका घैँटाहरू रित्त्याउनेछन्, र त्यसका गाग्राहरू चूरचूर पारेर फुटाइदिनेछन्। जसरी आफूले भरोसा गरेको बेथेलदेखि इस्राएल लाजमा पारियो, त्यसरी नै मोआब पनि कमोशदेखि लाजमा पारिनेछ। “‘हामीहरू वीर र शक्तिशाली युद्ध गर्नेहरू हौं’ भनेर तिमीहरू कसरी भन्छौ? मोआब नष्ट पारिनेछ, र त्यसका नगरहरू आक्रमण गरिनेछन्। त्यसका जवानहरूमा सबैभन्दा खाइलाग्दाहरू मारिनलाई जानेछन्,” महाराजा भन्नुहुन्छ, जसको नाउँ सर्वशक्तिमान् परमप्रभु हो। “मोआबको पतन नजिकै आएको छ, त्यसको सङ्कष्ट एकदमै चाँड़ो आउनेछ। त्यसका चारैतिर बस्नेहरू र त्यसका ख्याति जान्ने सबै त्यसको निम्ति शोक गर, र भन, ‘त्यो शक्तिशाली राजदण्ड भाँचिएको हो! त्यो गौरवको लट्ठी भाँचिएको हो!’ “हे दीबोनकी छोरीका बासिन्दा हो, आफ्नो गौरवपूर्ण स्थानबाट ओर्लेर खहरिएको सुक्खा जमिनमा बस्, किनकि मोआबलाई नाश गर्ने तेरो विरुद्धमा आउनेछ। त्यसले तेरा किल्ला भएका सहरहरूलाई सर्वनाश गर्नेछ। हे अरोएरमा बस्नेहरू, बाटोमा खड़ा भएर हेर। भाग्ने पुरुष र उम्कने स्त्रीलाई सोध, ‘के भयो?’ भनी तिनीहरूलाई सोध। मोआब अपमानित भएको छ, किनकि त्यो चूरचूर पारिएको छ। विलाप गर, रोओ! मोआब नष्ट पारियो भनी अर्नोनको किनारमा गएर भन। टारमाथि न्याय आएको छ— अर्थात् होलोन, यहसाह र मेपातमाथि, दीबोन, नेबो र बेथ-दिब्लातैममाथि, किर्यातैम, बेथ-गमूएल र बेथ-मोनमाथि, किर्योत, बोज्रा र मोआबका नजिक र टाढ़ाका जम्मै सहरहरूमाथि त्यो आएको छ। मोआबको सीङ काटियो, र त्यसको पाखुरा भाँचियो,” परमप्रभु भन्नुहुन्छ। “त्यसलाई मत्त्याओ, किनकि त्यसले परमप्रभुको विरोध गरेको छ। मोआब आफ्नै बान्तामा लड़ीबड़ी खेलोस्, र त्यो ठट्टाको पात्र होस्। के इस्राएल तेरो निम्ति ठट्टाको पात्र भएको थिएन? के त्यो चोरहरूका बीचमा पक्राउ परेको थियो र जब तैंले त्यसको कुरा गर्छस् तब तैंले आफ्नो शिर हल्लाई-हल्लाईकन त्यसको ठट्टा गर्छस्? हे मोआबमा बस्नेहरू हो, तिमीहरूका नगरहरू छोड़ र चट्टानहरूमा बस। गुफाका मुखको छेउमा गुँड़ लाउने ढुकुरजस्ता होओ। “मोआबको घमण्डको बारेमा हामीले सुनेका छौं— त्यसको नचाहिँदो घमण्ड र चढ़ेको शेखी, र त्यसको घमण्डका कुरा अनि त्यसको हृदयको अहङ्कारको बारेमा हामीले सुनेका छौं!
यर्मिया 48:10-29 पवित्र बाइबल, नेपाली समकालीन संस्करण (NCV)
“याहवेहको काममा लापर्बाही गर्ने व्यक्ति श्रापित होस्! तिनीहरूको तरवारलाई रक्तपात गर्न नदिने व्यक्ति श्रापित होस्! “मोआब त्यसको युवाअवस्थादेखि नै आराममा छ; एउटा भाँडाबाट अर्को भाँडामा नखन्याई भाँडामा छोडिराखेको दाखमद्यजस्तै, अर्थात् मोआब निर्वासनमा गएकी छैन। त्यसको स्वाद पहिलेको जस्तै छ; अनि त्यसको वासना बदलिएको छैन।” यसकारण, “हेर, दिनहरू आउँदैछन्,” याहवेह घोषणा गर्नुहुन्छ, जब म मानिसहरू पठाउनेछु, जसले मशकबाट दाखमद्य खन्याउनेछन्, त्यसरी नै तिनीहरूले मोआबलाई पोखाइदिनेछन्; तिनीहरूले त्यसका मशकहरू रित्याइदिनेछन्, र त्यसका मशकहरू चकनाचुर पारिदिनेछन्। जसरी इस्राएलीहरूले बेथेल झूटो देवतामाथि भरोसा गर्दा इस्राएलको घराना लाजमा परेको थियो, त्यसरी नै मोआब पनि कमोश देवताको कारण लज्जित हुनेछ। “तिमीहरूले कसरी भन्न सक्छौ, ‘हामी लडाइँका वीर योद्धाहरू वा बहादुर मानिसहरू हौँ?’ मोआब नष्ट हुनेछ र त्यसका सहरहरूमा आक्रमण गरिनेछ; त्यसका अति असल जवानहरू शत्रुहरूले काटेर मर्नेछन्,” राजाले घोषणा गर्नुहुन्छ, जसको नाम सेनाहरूका याहवेह हो। “मोआबको पतन नजिकै आइपुगेको छ; त्यसको विनाश चाँडै आउनेछ। त्यसका वरिपरि बस्नेहरू, त्यसको ख्याति थाहा पाउनेहरू सबैले त्यसको निम्ति शोक गर; र यसो भन, ‘शक्तिशाली राजदण्ड कसरी तोडिएको छ, गौरवशाली राज्यको लहुरो कसरी भाँचिएको छ!’ “हे दीबोन सहरकी छोरीहरू वा बासिन्दाहरू हो, तिमीहरूका गौरवको उचाइबाट ओर्लेर आओ, र सुक्खा धुलोमा बस; किनकि मोआबलाई विनाश गर्ने शत्रुहरू तिमीहरूको विरुद्धमा आउनेछन्, र तिमीहरूका सुरक्षित सहरहरू ध्वस्त पारिदिनेछन्। हे अरोएरका बासिन्दाहरू हो, सडकको छेउमा खडा होओ र ध्यानसित हेर। भाग्दै गरेका मानिसहरू र उम्कँदै गरेकी स्त्रीहरूलाई सोध, तिनीहरूलाई, ‘के भयो?’ भनेर सोध। मोआब अपमानित भएकी छे; किनकि ऊ चकनाचुर पारिएकी छे; विलाप गर र रोओ! अर्नोन नदीको छेउमा गएर बताइदेओ, मोआब नष्ट पारिएकी छे। उच्च पठारमाथि न्याय आएको छ— अर्थात् होलोन, यहसा र मेपातमाथि, दीबोन, नेबो र बेथ-दिब्लातैममाथि, किर्यातैम, बेथ-गामूल र बेथ-मोनमाथि, किर्योत र बोज्रामाथि— मोआबका टाढा र नजिकका सबै सहरहरूमाथि न्याय आएको छ। मोआबको सिङ काटियो; त्यसको पाखुरा भाँचिएको छ,” याहवेह घोषणा गर्नुहुन्छ। “मोआबलाई दाखमद्यले मताओ; किनकि त्यसले याहवेहको विरुद्धमा विद्रोह गरेको छ। मोआबलाई त्यसकै बान्तामा लडीबुडी गर्न देओ; मोआबलाई हाँसोको पात्र हुन देओ। ए मोआब, के तैँले इस्राएलको हाँसो उडाएको थिइनस् र? के त्यो चोरहरूसँग पक्राउ परेकी थिई, त्यसको बारेमा कुरा गर्दा त्यसको ठट्टा गर्दै तैँले आफ्नो टाउको हल्लाउने गर्थिस्? ए मोआबमा बस्नेहरू हो, तिमीहरूले आफ्ना सहरहरू छोडेर चट्टानको ओडारहरूमा बस। तिमीहरू ओडारको मुखमा आफ्नो गुँड बनाउने ढुकुरजस्तै होओ। “हामीले मोआबको घमण्डको बारेमा सुनेका छौँ— त्यसको घमण्ड अति ठूलो छ! त्यसको अहङ्कार, त्यसको घमण्ड र अभिमान; अनि त्यसका हृदयको सेखीको बारेमा सुनेका छौँ।
यर्मिया 48:10-29 पवित्र बाइबल (NERV)
श्रापित होस् त्यो मानिस जसले परमप्रभुको काम गर्न विलम्ब गरिरहेछ। धिक्कार छ त्यस मानिसलाई जसले ती मानिसहरू मार्न आफ्नो तरवार चलाँउदैन। “मोआबले अनिष्ट कहिल्यै देखेको छैन। मोआब ढुङ्ग्रोमा रहेको र एउटा भाँडादेखि अर्को भाँडामा नसारिएको दाखरस जस्तै छ। ऊ कैदी भएर कहिले पनि बसेको छैन, यसकारण ऊ पहिल्यै जस्तै ताजा नै छ, अनि उसको स्वादमा बद्ली आएको छैन।” तब परमप्रभु भन्नुहुन्छ, “हेर, समय आइरहेछ जब म, उसलाई तिम्रो भाँडाबाट खन्याउँन, अनि खाली भाँडाहरू टुक्रा-टुक्रामा परिणत गराउन मानिसहरू पठाउनेछु।” तब, मोआबका मानिसहरू कमोशले गर्दा लज्जित हुनेछन्। जसरी इस्राएलका मानिसहरूले झूटा देवता बेतेललाई विश्वास गरेका थिए। त्यही झूटा देवताले मद्दत नगर्दा तिनीहरू लज्जित भए। “तिमीहरू कसरी भन्न सक्छौ, ‘हामी बलिया सिपाहीहरू हौं अथवा हामी वीर योद्धाहरू हौं।’ शत्रुहरूले मोआबमाथि आक्रमण गर्नेछन्, र शहरभित्र पसेर तिनीहरूलाई ध्वंस पार्नेछन्। उसका खास जवान मानिसहरू हत्या गरेर मारिनेछन्।” यो सन्देश महाराजाको हो, उहाँको नाउँ सेनाहरूका परमप्रभु हो। “मोआबको अन्त नजिकै छ। मोआबलाई चाँडै ध्वंस पारिनेछ। मोआबका वरिपरि बस्ने मानिसहरू तिमीहरू सबैले त्यो देशको लागि विलाप गर्नुपर्नेछ। तिमीहरू जान्दछौ मोआब कति प्रसिद्ध छ। यसर्थ त्यसको लागि रूनु ‘मोआबको शक्तिशाली अनि महिमामय राजदण्ड पूर्णरूपले टुक्रियो।’ “तिमीहरू दीबोनमा बसिरहेका छौ। आफ्नो सम्मानपूर्ण ठाउँबाट झरेर आऊ सुखा जमीनमा बस, किनभने विनाश आइरहेछ, अनि उसले तिमीहरूको दरिलो शहरहरू भत्काइदिनेछ। “हे अरोएरमा बस्ने मानिसहरू हो। बाटोको किनारमा उभ र हेर, पुरूष मानिसहरू भागिरहेका हेर, स्त्री मानिसहरू भागिरहेका हेर, तिनीहरूलाई के भयो सोध। “मोआब धराशायी भएको छ लाजले पूर्ण भएको छ। विलौना गर अनि रोऊ। अर्नोन नदीमा गएर घोषणा गर कि मोआब ध्वंस भयो। समतल देशमाथि न्याय हुने समय आएको छ। होलोन, यहसा र मेपात शहरहरूमा न्याय गरिने समय आएकोछ। दीबोन, नबो बेत-दिबलातैम शहरहरूमा न्याय गरिने समय आएकोछ। किर्यातैम, बेतगामूल, बेत-मोन शहरहरूमा न्याय गरिने समय आएकोछ। करियोत र बोज्रा र छेउ, टाढाका अनि नजिकका मोआब सबै शहरहरूमा न्याय गरिने समय आएकोछ। मोआबको सिंग काटियो अनि मोआबको पाखुरा भाँचिएको छ।” परमप्रभुले यो कुरा भन्नुभयो। “मोआबले सम्झिएको थियो कि ऊ परमप्रभु भन्दा महान् हो। अत मोआबलाई पागल हुन्जेलसम्म सजाय देऊ। मोआब लडेर आफ्नै वान्तामा लटपटिने छ। मोआब मानिसहरूको हाँसोको पात्र हुनेछ। “मोआब तिमीले इस्राएलको हाँसो उडायौ इस्राएललाई एउटा चोरका समूहले पक्रे। प्रत्येक पल्ट तिमीहरूले इस्राएलको बारेमा बोल्दा आफ्नो टाउको हल्लायौ। अनि इस्राएलभन्दा असल छु भनी बाहना गर्यौ। मोआबका मानिसहरू हो आफ्नो शहरहरू छोड। जाऊ ढुङ्गाहरूमा बस, ढुकुर जस्तो होऊ, जसले ओढारको मुखमा आफ्नो गुँड बनाउँछ।” “हामीले मोआबको घमण्ड सुनेकाछौं, ऊ अत्यन्तै घमण्डी थियो। र उसले आफैं ठूलो हुँ भन्ने ठान्थ्यो। ऊ आफैं गर्वाम्बित थियो। ऊ अतिनै घमण्डी थियो।”
यर्मिया 48:10-29 सरल नेपाली पवित्र बाइबल (सरल नेपाली)
(परमप्रभुले खटाएको काम आफ्नो पूरा मनले नगर्ने मानिस श्रापित हो! तरवारले काट-मार नगर्ने श्रापित हो!) परमप्रभुले भन्नुभयो, “मोआब सधैँ ढुक्क भएर बसेको छ। त्यो कहिल्यै कैदमा लगिएको छैन। त्यो एउटा भाँडोबाट अर्कै भाँडोमा नखन्याएको र नचलाई राखेको दाखमद्यजस्तो छ। त्यसको स्वाद बिग्रेको छैन र जस्ताको तस्तै छ। “यसकारण अब त्यो दिन आउँदै छ, जब म मोआबलाई दाखमद्यजस्तो गरी खन्याउन मानिसहरू पठाउनेछु। तिनीहरूले त्यसको दाखमद्यका भाँडाहरू रित्त्याएर फुटाई चुर-चुर पारिदिनेछन्। तब जसरी इस्राएलीहरूले आफूले भरोसा राखेको बेथेल देवबाट धोका खाएथे, त्यसरी नै मोआबीहरूले तिनीहरूको कमोश देवबाट धोका खानेछन्। “ए मोआबीहरू हो, तिनीहरू किन धाक लाउँछौ? युद्धका वीर योद्धा हौं भनी सुनाउँछौ? मोआब र त्यसका सहरहरू नाश पारिनेछन्, त्यसका हट्टाकट्टा जवानहरू मारिनेछन्। म राजा सर्वशक्तिमान् परमप्रभु बोलेको छु। मोआबको नाश नजिक आएको छ, त्यसको विनाश चाँडै आउँदै छ। “ए मोआबका छिमेकीहरू र त्यसका सुनाम सुन्नेहरू सबै, त्यस देशको लागि तिमीहरूले विलाप गर। ‘त्यसको शक्तिको राज्य तोडिएको छ। त्यसको गौरव र प्रताप हरायो भनी भन। हे दीबोनका बासिन्दा हो, आफ्नो सम्मानको स्थानबाट ओर्ली आऊ। र धुलो भएको जमिनमा बस; मोआबलाई नाश गर्ने यहीं छ, जसले किल्लाहरू ध्वस्त पारेको छ। हे अरोएरका बासिन्दा हो, बाटोको छेउमा उभ र पर्ख; के भएको छ भनी भाग्नेहरूसित सोध। ‘मोआब पतन भएछ’ भनी तिनीहरूबाट जवाफ आउनेछ; ‘त्यो बदनाम भयो, त्यसको लागि विलाप गर। अर्नोन नदीको किनारै किनार, मोआब नाश भएको प्रचार गर।’ “टारका सहरहरूमाथि दण्ड परेको छ अर्थात्, होलोन, यहसाह, मेपात, दीबोन, नेबो, बेथ-दिब्लतैम, किर्या-तैम, बेथ-गमूयल, बेथ-मोन, किर्योत र बोज्रोमाथि दण्ड परेको छ। मोआबका टाढा र नजिकका सबै सहरहरूमाथि दण्ड परेको छ। मोआबको सिङ काटिएको छ र त्यसका पाखुरा भाँचिएको छ। म परमप्रभु बोलेको छु।” परमप्रभुले भन्नुभयो, “मोआबलाई दाखमद्य मातिञ्जेल पिउन दे किनभने त्यसले मेरो विरुद्धमा विद्रोह गरेको छ। मोआब आफ्नै बान्तामा लडीबडी गर्नेछ र मानिसहरू हाँस्नेछन्। ए मोआब, याद गर्, तैँले कसरी इस्राएलका मानिसहरूको ठट्टा उडाएको थिइस्? तिनीहरू चोरहरूका बीचमा पक्राउ परेजस्तै गरी तैँले तिनीहरूसित व्यवहार गरेको थिइस्। “ए मोआबका बासिन्दाहरू हो, सहरहरू छोड! गएर पहराहरूमा बास गर! ओढारका किनारामा गुँड लाउने ढुकुरसरि होओ। मोआब साह्रै अहङ्कारी छ! त्यहाँका मानिसहरू कस्ता घमण्डी, सेखीवाल र अहङ्कारी छन् र आफैंलाई कति ठूला छौं भनी सम्झन्छन्, त्यसका घमन्डको बारेमा मैले सुनेको छु।