प्रस्थान 17:9-13
प्रस्थान 17:9-13 नेपाली नयाँ संशोधित संस्करण (NNRV)
अनि मोशाले यहोशूलाई भने, “हाम्रा निम्ति मानिसहरू चुनेर अमालेकीहरूसित युद्ध गर्न जाऊ। भोलि परमप्रभुको लहुरो मेरा हातमा लिएर म डाँड़ाको टाकुरामा खड़ा हुनेछु।” तब मोशाले तिनलाई भनेबमोजिम यहोशूले गरे, र अमालेकीहरूका विरुद्धमा लड्न लागे। मोशा, हारून र हूरचाहिँ डाँड़ाको टाकुरामा गए। मोशाले आफ्ना हात माथि उचालिराख्दा इस्राएलीहरू विजयी हुन्थे। तर तिनले आफ्ना हात तल झार्दा अमालेकीहरू विजयी हुन्थे। जब मोशाका हात थाके, तब तिनीहरूले एउटा ढुङ्गा ल्याएर तिनीमुनि राखिदिए, र तिनी त्यसमाथि बसे। हारून र हूरले चाहिँ तिनका हात थामिराखे, एउटाले एकापट्टि र अर्काले अर्कोपट्टि। यसरी सूर्यास्त नहोउञ्जेल तिनका हात स्थिर रहे। अनि यहोशूले अमालेकी फौजलाई तरवारले जिते।
प्रस्थान 17:9-13 सरल नेपाली पवित्र बाइबल (सरल नेपाली)
मोशाले यहोशूलाई भने, “भोलि गएर अमालेकीहरूसित लड्न केही मानिसहरू चुन। परमप्रभुले मलाई दिनुभएको लट्ठी लिएर म डाँडामाथि उभिनेछु।” यहोशूले मोशाले आज्ञा गरेझैँ गरे र अमालेकीहरूसित लडाइँ गर्न गए। मोशा, हारून र हूरचाहिँ डाँडामाथि गए। मोशाले आफ्ना हात उचालेर राखुञ्जेल इस्राएलीहरूले जित्थे तर उनले हात झार्ने बित्तिकै अमालेकीहरूले जित्थे। मोशाको हात थाकेपछि हारून र हूरले उनी बस्नलाई एउटा ढुङ्गा ल्याए र ती दुईले छेउ-छेउमा उभिएर उनका दुवै हात थामिराखे। घाम नअस्ताउञ्जेल तिनीहरूले त्यसो गरे। यसरी यहोशूले अमालेकीहरूलाई तरवारले सोतर पारे।
प्रस्थान 17:9-13 पवित्र बाइबल, नेपाली समकालीन संस्करण (NCV)
अनि मोशाले यहोशूलाई भने, “हाम्रा मानिसहरूमध्ये केही मानिसलाई चुन र अमालेकीहरूसित लडाइँ गर। भोलि म परमेश्वरको लहुरो हातमा लिएर पहाडको टाकुरामा उभिनेछु।” यसकारण मोशाले आदेश गरेझैँ यहोशूले अमालेकीहरूसित युद्ध गरे; मोशा, हारून र हूरचाहिँ पहाडको टाकुरामा गए। मोशाले आफ्ना हातहरू उचालिराख्दा इस्राएलीहरूले जित्थे, तर जब तिनले आफ्ना हातहरू तल झार्थे, तब अमालेकीहरूले जित्थे। जब मोशाका हातहरू थाके, तब तिनीहरूले एउटा ढुङ्गा लिएर त्यसलाई तिनको मुनि राखिदिए, र तिनी त्यसमाथि बसे। हारून र हूरले सूर्यास्तसम्म तिनका हातहरू स्थिर भइरहून् भनेर एउटाले एकापट्टि र अर्काले अर्र्कापट्टि तिनका हातहरू थामिराखे। यसरी यहोशूले तरवारद्वारा अमालेकीहरूका सेनालाई पराजित गरे।
प्रस्थान 17:9-13 पवित्र बाइबल (NERV)
यसर्थ मोशाले यहोशूलाई भने, “केही मानिसहरूलाई छान र भोलि अमालेकीहरूसित युद्ध गर्न जाऊ। म पर्वतमाथि बसेर तिमीहरूलाई हेर्नेछु। म त्यहाँ परमेश्वरको लहुरो पक्री रहनेछु।” यहोशूले मोशाको आज्ञा पालन गरे। अर्को दिन उनी अमालेकीहरूसित युद्ध गर्न गए। त्यही समय मोशा, हारून र हूर पर्वतको टाकुरामा गए। केही समयमा जब मोशाले आफ्नो हात हावामामाथि उठाउँथे इस्राएलीहरूले युद्धमा जित्थे तर जब मोशा आफ्नो हात तल झार्थे अमालेकीहरूले जित्नु शुरू गर्थे। केही समय पछि मोशाका पाखुरा थाके। मोशासित भएका मानिसहरूले बस्नको निम्ति एउटा ढुङ्गा ल्याए अनि हारून र हूरले मोशाको हात उठाएर राखे। मोशाको एकापट्टि हारून र अर्कोपट्टि हूर थिए। तिनीहरूले मोशाको हातहरू घाम नअस्ताउन्जेलसम्म माथि उठाई राखे। यसरी यहोशू र उसका मानिसहरूले अमालेकीहरूलाई यस युद्धमा परास्त गरे।