२ राजाहरू 2:9-10
२ राजाहरू 2:9-10 नेपाली नयाँ संशोधित संस्करण (NNRV)
नदी पार गरिसकेपछि एलियाले एलीशालाई भने, “तिमीबाट उठाएर लान अघि म तिम्रो निम्ति के गरूँ?” “तपाईंको आत्माको दोबर भाग पाउने हक मलाई दिनुहोस्,” एलीशाले जवाफ दिए। एलियाले भने, “तिमीले त गाह्रो कुरा पो माग्यौ। तापनि तिमीले मलाई तिमीबाट उठाइलगेको देख्यौ भने त्यो तिम्रो हुनेछ— होइन भने, पाउनेछैनौ।”
२ राजाहरू 2:9-10 पवित्र बाइबल, नेपाली समकालीन संस्करण (NCV)
तिनीहरू पारि पुगेपछि एलियाले एलीशालाई भने, “मलाई भन, तिमीबाट लगिनुभन्दा अगि म तिम्रा निम्ति के गरिदिऊँ?” एलीशाले जवाफ दिए, “म तपाईंको आत्माको दोबर भाग प्राप्त गर्न सकूँ।” एलियाले भने, “तिमीले त अप्ठ्यारो कुरा माग्यौ। तरै पनि यदि तिमीले मलाई तिमीबाट लगिएको देख्यौ भने तिम्रा इच्छा पूरा हुनेछ; नत्रता हुनेछैन।”
२ राजाहरू 2:9-10 पवित्र बाइबल (NERV)
जब तिनीहरूले नदी तरे एलियाले एलीशालाई भने, “परमेश्वरले मलाई तिमीबाट लिएर जानु अघि तिम्रो लागि म के गर्न सक्छु?” एलीशाले भने, “म तपाईको उत्तराधिकारी हुन चाहन्छु।” एलियाले भने, “तिमीले अप्ठ्यारो वस्तु माग्यौ। जब तिमीबाट मलाई लिएर जाँदा यदि तिमीले देख्यौ भने तब यस्तै हुन्छ। तर तिमीले देखेनौ भने त्यस्तो हुँदैन।”
२ राजाहरू 2:9-10 सरल नेपाली पवित्र बाइबल (सरल नेपाली)
त्यहाँ पुगेर एलियाले एलीशालाई भने, “म उठाई लगिनुअघि तिम्रो निम्ति के गरूँ, तिमी के चाहन्छौ? मलाई भन।” एलीशाले जवाफ दिए, “तपाईंको आत्माको दोब्बर भाग ममाथि परोस्।” “तिमीले गाह्रो कुरा माग्यौ; तर म तिमीबाट उठाई लगिँदा तिमीले मलाई देख्यौ भने त्यो पाउनेछौ तर मलाई देखेनौ भने पाउनेछैनौ,” एलियाले जवाफ दिए।