१ कोरिन्थी 3:13-15
१ कोरिन्थी 3:13-15 नेपाली नयाँ संशोधित संस्करण (NNRV)
प्रत्येक मानिसको काम प्रकट हुनेछ, किनकि न्यायको दिनले त्यो खुलस्त गरिदिनेछ। त्यो आगोद्वारा प्रकट हुनेछ, र हरेकले कस्तो काम गरेको छ, सो आगोले जाँच गर्नेछ। यदि कुनै मानिसले त्यस जगमाथि बनाएको काम रहिरह्यो भने उसले इनाम पाउनेछ। यदि कुनै मानिसको काम जलेर नष्ट भयो भने त्यसले नोक्सानी भोग्नुपर्नेछ, तर त्यो आफैचाहिँ आगोबाट उम्केझैँ बाँच्नेछ।
१ कोरिन्थी 3:13-15 नेपाली समकालीन संस्करण (NCV)
तिनीहरूका काम कस्तो रहेछ भनी देखाइनेछ; किनकि त्यस दिनले तिनीहरूका कामलाई ज्योतिमा ल्याइनेछ। आगोद्वारा काम प्रकट हुनेछ, र हरेक मानिसको कामको गुण आगोद्वारा जाँच गरिनेछ। यदि त्यसले बनाएको काम रह्यो भने त्यस कामदारले इनाम पाउनेछ। यदि त्यो काम जलेर नष्ट भयो भने कामदारले नोक्सानी उठाउनुपर्नेछ; तापनि आगोको ज्वालाबाट बाँचेझैं आफूचाहिँ बच्नेछ।
१ कोरिन्थी 3:13-15 पवित्र बाइबल (NERV)
प्रत्येक व्यक्तिको काम देखिनेछ किनभने त्यस दिनद्वारा नै सफासँग त्यो देखाइनेछ। त्यो दिन आगोसँग आउनेछ अनि प्रत्येकको कामको गुणस्तरको परख आगोले लिनेछ। त्यही जगमाथि उभ्याएको कुनै व्यक्तिको भवन यदि रह्यो भने, उसले त्यसको निम्ति इनाम पाउनेछ। तर त्यो भवन जल्यो भने, उसले नोक्सान खप्नु पर्नेछ। उसलाई बचाइनेछ तर ऊ आगोबाट फुत्के झैं हुनेछ।
१ कोरिन्थी 3:13-15 सरल नेपाली पवित्र बाइबल (सरल नेपाली)
सबै मानिसको राम्रो-नराम्रो काम परमेश्वरले न्याय गर्नुहुने दिनमा जाँचिनेछ किनभने त्यस दिन तिनीहरूले गरेको काम कस्तो रहेछ, आगोमा हालेर जाँचेर हेरिनेछ। त्यस जगमा बनाउने मानिसको काम आगोमा हाल्दा खरानी भएन भने उसले इनाम पाउनेछ। यदि कोही मानिसको काम जल्यो भने उसले त्यो गुमाउनेछ तर आगोबाट उम्केझैँ ऊ आफैं त बचाइनेछ।