1. Mose 7
7
De groote Äwaschwamunk
1Un de Har säd to Noah: Go en daut Schepp nenn, du un diene Famielje. Ekj hab jeseenen, daut du en dise Tiet een jerajchta Maun best. #1Mo 6,8 2Nemm emma säwen Poa von jieda Sort reine Tieren, emma een hee un eene see en jieda Poa. Nemm een Poa von jieda Sort waut nich rein es, emma een hee un eene see. #1Mo 8,20; 3Mo 11,1-47 3Nemm emma säwen Poa von jieda Sort Väajel, emma een hee un eene see en jieda Poa, daut dee nich oppe Ieed utstoawen. 4Om säwen Doag woa ekj eenen Räajen schekjen dee 40 Doag, Dach un Nacht, räajnen woat. Ekj woa aule Sorten Tieren waut ekj oppe Ieed jemoakt hab ombrinjen. 5Un Noah deed aules waut de Har am väajesajcht haud. 6Noah wia 600 Joa oolt aus de Äwaschwamunk oppe Ieed kjeem.
7Un Noah un siene Säns, un siene Fru un siene Säns äare Frues, jinjen en daut Schepp nenn, om sikj von de Äwaschwamunk wajch to brinjen. #1Pet 3,20 8Von de reine un von de orreine Tieren, un uk von de Väajel un von de Kruptieren, 9kjeemen emma twee opp eemol, een hee un eene see, met Noah toop en daut Schepp nenn, soo aus Gott Noah daut väajesajcht haud. #1Mo 6,19-20
10Un no säwen Doag kjeem de Äwaschwamunk oppe Ieed. 11Un en Noah sien 600. Joa, en de 2. Moonat, aun däm 17. Dach sprungen aule Kjwalen op von deep enne Ieed, un aule Fenstren dee Wota em Himmel hilden jinjen op. #Opb 9,1 12Daut räajend Dach un Nacht, fa 40 Doag. 13Aun krakjt dän Dach jinjen Noah un siene Säns, Sem, Ham, un Jafet, un Noah siene Fru, un siene Säns äare Frues en daut Schepp nenn, 14un uk jieda Sort von daut Vee, von de Tieren, von de Kruptieren, un von de Väajel. 15Dee jinjen emma twee tojlikj von jieda Sort von Tieren, dee läwendjen Odem hauden, met Noah toop en daut Schepp, 16krakjt soo aus Gott daut väajesajcht haud. Un de Har muak de Däa hinja an too. #1Mo 6,19
17De Äwaschwamunk wort emma jrata, fa 40 Doag, soo daut daut Schepp opphoof un schwomm. 18Daut Wota wort sea deep, oba daut Schepp bleef oppem Wota. 19Daut Wota wort soo deep, daut aule Boaj unja Wota jinjen. 20Doa wia 7 Meeta Wota äwa de Boaj.
21Un aulet Läwen oppe Ieed, Väajel, Vee, Tieren, un aule Kjniepasch, un uk aule Menschen, kjeemen om. #2Pet 3,5-6 22Aules, waut oppe Ieed eenen läwendjen Odem haud, storf. 23De Har rod aulet Läwen oppe Ieed ut, Menschen, Tieren, Kruptieren, un Väajel. Bloos Noah un dee waut met am en daut Schepp wieren, wieren äwajebläwen.
24Un de Äwaschwamunk bleef fa 150 Doag oppe Ieed.
अहिले सेलेक्ट गरिएको:
1. Mose 7: PB
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Plautdietsch Bible © 2003 Kindred Productions and United Bible Societies Association, Inc.