Luka MAKANI ATAANSHI
MAKANI ATAANSHI
Makani Abotu akalemba Luka alasansulula kwaamba ayi Jesu nguMupulushi wa bene Isilaeli wakashomeshekwa alimwi nguMupulushi wa bantu boonse. Luka wakalemba ayi Jesu wakeetwa aMushimu wa Mwaami Lesa ayi “ashimikile Makani Abotu kubakandu.” Tulacana kusangalala abuumbi mulibuku ili bunene bunene kumalembo ataanshi ayo asansulula kwisa kwakwe Jesu alimwi akumalembo akweelaako ayo asansulula ciindi Jesu ndyaakatolwa kwiculu. Makani akukula akumwaika kwa bwine Klistu alasansululwa amulembi eenka uyu mulibuku lya Milimo ya Batumwi.
Mumutwi wa makani wabili awasanu awomwi na mwalanga paMundando wa Shiliimo panshi muli makani aanji acanikabo mulibuku ili mweenka, mbuli cikani ca lwiimbo lwa baanjelo abeembeshi mbobakafwakashisha Jesu ndyaakashalwa, Jesu muŊanda yakwe Lesa kaacilibo mwanike, cikoshanyo ca mwine Samaliya mubotu alimwi aca mwaana musankwa wakalinga wasoweka. Kuswa kweela akweela shikani nshaatooboolaawo bunene nkupaila, Mushimu Usalashi, ncito ya banakashi mumulimo wakwe Jesu, alimwi aLesa mbwaalekelela shibiibi.
Mundando wa Shiliimo amoshicanika
Makani ataanshi 1:1-4
Kushalwa akukula kwakwe Joni Mubombeki akwakwe Jesu 1:5—2:52
Joni Mubombeki mbwaakashimikila 3:1-20
Kubombekwa akusunkwa kwakwe Jesu 3:21—4:13
Jesu mbwaakashimikila kubantu baanji muGalili 4:14—9:50
Kuswa kuGalili kushika kuJelusalemu 9:51—19:27
Nsondo yakweelaako yakwe Jesu pacishi ca panshi 19:28—23:56
Kubuka kuswa kubafu, kuboneka akutolwa kwiculu kwa Mwaami Jesu 24:1-53
अहिले सेलेक्ट गरिएको:
Luka MAKANI ATAANSHI: BBBLI
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Lenje Bible with Deuterocanon © Bible Society of Zambia, 2003.