Takwiin 10
10
1Daahu zurriiyit Saam wa Haam wa Yaafas awlaad Nooh, humman wa awlaadhum al-wildoohum baʼad al-kharag.
Zurriiyit Yaafas
2Awlaad Yaafas humman Guumar wa Maajuuj wa Maadaay wa Yawaan wa Tuubal wa Maachak wa Tiraas. 3Wa awlaad Guumar humman Achkanaaz wa Rifaas wa Tugarma. 4Wa awlaad Yawaan humman Aliicha wa Tarchiich wa Kittiim wa Rudaaniim. 5Wa minhum humman bas marago al-naas al-saakniin fi khachum al-buhuur.
Wa humman chattato fi buldaanhum ale hasab lukhkhaathum wa gabaayilhum wa umamhum.
Zurriiyit Haam
6Awlaad Haam humman Kuuch wa Misraayim wa Fuut wa Kanʼaan. 7Wa awlaad Kuuch humman Saba wa Hawiila wa Sabta wa Raʼma wa Sabtaka. Wa awlaad Raʼma humman Chaba wa Dadaan.
8Wa Kuuch wilid Nimruud. Wa Nimruud hu awwal raajil faaris fi l-ard. 9Wa hu bigi gannaasi chadiid giddaam Allah. Wa fi chaan da bas, al-naas yuguulu : «Filaan misil Nimruud al-gannaasi al-chadiid giddaam Allah.» 10Wa hu bada yamluk min madiinat Baabil wa Arak wa Akkad wa Kalna fi turaab Chinʼaar. 11Wa marag min al-buldaan dool wa macha Achuur wa bana madiinat Niinawa wa Rahubuut Iir wa Kaalah 12wa Rasan al-hille al-gaaʼide ambeen Niinawa wa Kaalah al-hille al-kabiire.
13Wa Misraayim jaab gabaayil Luud wa Anaam wa Lahaab wa Naftuuh 14wa Fatruus wa Kasluuh wa Kaftuur. Wa min gabiilat Kasluuh bas marago al-Filistiyiin.
15Wa Kanʼaan wilid Siduun wileedah al-bikir wa baʼadah wilid Hitta. 16Wa hu bas jaab gabaayil al-Yabuusiyiin wa l-Amuuriyiin wa l-Girgaachiyiin 17wa l-Hiwwiyiin wa l-Arkhiyiin wa l-Siiniyiin 18wa l-Arwadiyiin wa l-Samaariyiin wa l-Hamaatiyiin. Wa baʼadeen, al-gabaayil hana l-Kanʼaaniyiin chattato. 19Wa l-turaab hana l-Kanʼaaniyiin alwassaʼ min Seeda ale Garaar lahaddi Khazza wa maachi ale Saduum wa Amuura wa Adma wa Sabuuyiim lahaddi Laachaʼ.
20Wa dool zurriiyit Haam fi buldaanhum ale hasab lukhkhaathum wa gabaayilhum wa umamhum.
Zurriiyit Saam
21Saam kula jaab awlaad. Hu akhu kabiir hana Yaafas wa jidd hana kulla awlaad Ibaar. 22Wa awlaad Saam humman Ilaam wa Achuur wa Arfakchaad wa Luud wa Araam. 23Wa iyaal Araam humman Uus wa Huul wa Gaatar wa Maach. 24Wa Arfakchaad wilid Chaalah wa Chaalah wilid Ibaar.
25Wa Ibaar wilid awlaad itneen. Al-waahid usmah Faalag (maʼanaatah gisim) achaan fi zamanah, al-ard gassamooha. Wa akhuuh usmah Yakhtaan. 26Wa Yakhtaan wilid Alimudaad wa Chaalaf wa Hadarmuut wa Yaarah wa 27Haduraam wa Uzaal wa Dikhla 28wa Ubaal wa Abimaayil wa Chaba 29wa Ufiir wa Hawiila wa Yubaab. Wa dool kulluhum awlaad Yakhtaan. 30Humman saakniin min Miicha jamb Safaar lahaddi jabal al-sabhaani.
31Wa dool awlaad Saam fi buldaanhum hasab lukhkhaathum wa gabaayilhum wa umamhum.
32Wa dool gabaayil awlaad Nooh be zurriiyithum wa umamhum. Wa minhum humman bas marago kulla l-naas al-chattato fi l-ard baʼad al-kharag.
अहिले सेलेक्ट गरिएको:
Takwiin 10: ADT19
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Arabe tchadien (alphabet latin) Bible © Alliance Biblique du Tchad, 2019.