ᐅᐸᓓᑭᔅ ᒫᑎᐤ 2
2
ᐅᒪᐗᐱᐗᒃ ᐗᐸᓄᑖᒃ ᐅᒋ
1ᐃᔅᐱ ᒫᑲ ᒋᓴᔅ ᓀᑖᐎᑭᑦ ᐯᑦᓕᔭᒥᒃ ᒎᑎᐊ ᐊᔅᑮᒃ ᒣᒀᒡ ᑳ ᑭᒋᐅᑭᒪᐎᑦ ᐦᐁᕋᑦ, ᒫᑎᑲ, ᑮ ᑕᑯᔑᓋᒃ ᑫᑫᑕᐌᓕᑕᑭᒃ ᐃᓕᓕᐗᒃ ᒋᕉᓴᓚᒥᒃ ᐙᐸᓄᑖᒃ ᐅᒋ, 2ᐁ ᐃᑗᒋᒃ, ᑖᓐᑌ ᐁᑖᑦ ᐊᓇ ᑳ ᓂᑖᐎᑭᑦ ᒎᐗᒃ ᐅᑭᒋᐅᑭᒫᒥᐙᐗ? ᐌᓴ ᓂ ᑮ ᐙᐸᒥᒫᓈᓐ ᐅᑦ ᐊᒐᑯᒪ ᐙᐸᓄᑖᒃ, ᓂ ᑮ ᐯᒋ ᐃᑐᑖᓈᓐ ᒫᑲ ᑭᒋ ᓇᐗᑮᔅᑕᐗᑭᑦ᙮
3ᐃᔅᐱ ᐦᐁᕋᑦ ᑭᒋᐅᑭᒪᐤ ᑳ ᑮ ᐯᑕᒃ ᐅᐅ ᑫᒀᓇ, ᑮ ᒥᑯᔥᑳᑌᓕᑕᒻ, ᓀᔥᑕ ᒥᓯᐌ ᒋᕉᓴᓚᒥᒃ ᑳ ᐃᑖᒋᒃ ᐊᓯᒋ᙮ 4ᐃᔅᐱ ᒫᑲ ᑳ ᑮ ᒫᒪᐎᓇᑐᒫᑦ ᒥᓯᐌ ᑭᒋ ᓵᓵᑭᐎᓕᐌᐎᓕᓕᐗ ᓀᔥᑕ ᐃᓕᓕᐗ ᐅ ᒪᓯᓇᐃᑫᐎᓕᓕᒥᓕᐗ, ᑮ ᑲᑴᒋᒣᐤ ᑖᓐᑌ ᑫ ᐃᔑ ᓂᑖᐎᑭᔅᐸᓐ ᙭᙮
5ᑮ ᐃᑌᐗᒃ ᒫᑲ ᐯᑦᓕᔭᒥᒃ ᒎᑎᐊ ᐊᔅᑮᒃ: ᐌᓴ ᐁᐗᑴᓕᐤ ᑳ ᐃᑕᓯᓇᐊᒃ ᐅᑭᔅᑭᐙᐃᑫᐤ, 6ᑭᓚ ᒫᑲ ᐯᑦᓕᔭᒻ, ᒎᑕ ᐅᑦ ᐊᔅᑮᒃ, ᓇᒪᐎᓚ ᑮ ᒫᐗᒋ ᐋᐱᔅᑌᓕᑖᑯᓯᓐ ᐁ ᐃᑕᓯᒋᒃ ᐌᑭᒪᐎᒋᒃ ᒎᑕᐃᒃ: ᐌᓴ ᑭᓚ ᐁᑯᑕ ᑫ ᐅᒌᑦ ᐊᓇ ᑭᒋᐅᑭᒪᐤ ᑫ ᑎᐯᓕᒫᑦ ᓂᑦ ᐃᓕᓕᒪ ᐃᔅᕃᐃᓚ᙮
7ᐁᑯ ᒫᑲ ᐦᐁᕋᑦ, ᐃᔅᐱ ᑭᒧᒡ ᑳ ᑮ ᓇᑐᒫᑦ ᑫᑫᑕᐌᓕᑕᒥᓕᒋ ᐃᓕᓕᐗ, ᐌᐌᓕᑦ ᑮ ᑲᑴᒋᒣᐤ ᑖᓂᔅᐱ ᑳ ᓄᑯᓯᓕᒋ ᐊᒐᑾ᙮ 8ᑮ ᐃᔑᑎᔕᐌᐤ ᒫᑲ ᐯᑦᓕᔭᒥᒃ, ᑮ ᐃᑌᐤ ᒫᑲ, ᑭᑐᑌᒃ, ᐌᐌᓕᑦ ᒫᑲ ᓈᓇᑐᓈᒃ ᐊᓇ ᐅᔥᑲᐙᔑᔥ; ᑮ ᒥᔅᑲᐌᑴ ᒫᑲ, ᒥᓇ ᐯᒋ ᐎᑕᒪᐎᒃ᙮ ᓂᓚ ᓀᔥᑕ ᑭᒋ ᐯᒋ ᓇᐗᑭᔅᑕᐗᒃ᙮
9ᐃᔅᐱ ᒫᑲ ᑳ ᑮ ᐯᑕᐙᒋᒃ ᑭᒋᐅᑭᒪᐗ, ᑮ ᑭᑐᑌᐗᒃ; ᒫᑎᑲ, ᒫᑲ, ᐊᓂᐃ ᐊᒐᑾ ᑳ ᑮ ᐙᐸᒫᒋᒃ ᐙᐸᓄᑖᒃ, ᑮ ᓂᑳᓂᐸᓖᔅᑖᑯᐗᒃ, ᐱᓕᔥ ᑳ ᐅᑎᒋᐸᓕᓕᒋ ᑎᐱᔅᑯᒃ ᑳ ᐃᔑ ᐃᑖᓕᒋ ᐊᓂᐃ ᐅᔥᑲᐙᔑᔕ᙮ 10ᐃᔅᐱ ᐎᐋᐸᒫᒋᒃ ᐊᒐᑾ ᑮ ᒧᒋᑫᓕᑕᒶᒃ ᓈᔅᐱᒡ ᐁ ᒥᓚᐙᑕᑭᒃ᙮ 11ᐃᔅᐱ ᒫᑲ ᑳ ᐱᑐᑫᒋᒃ ᐙᔅᑳᔨᑲᓂᒃ, ᑮ ᐙᐸᒣᐗᒃ ᐊᓂᐃ ᐅᔥᑲᐙᔑᔕ ᓀᔥᑕ ᐅᑳᐎᓕᐗ ᒣᕆᔭ, ᐁ ᐅᑎᑕᐱᔅᑕᐙᒋᒃ ᒫᑲ, ᑮ ᓇᐗᑮᔅᑕᐌᐗᒃ: ᐃᔅᐱ ᒫᑲ ᑳ ᑮ ᐋᐸᐊᑭᒃ ᐅᑦ ᐋᔮᓂᐙᐗ, ᑮ ᒥᓓᐗᒃ ᒥᓕᐌᐎᓇ; ᐅᓵᐎᔔᓕᐊᓈᐱᔅᑾ, ᓀᔥᑕ ᑳ ᐎᑭᒫᑯᓯᓕᒋ ᐱᑭᐤᐗ᙮
12ᐁ ᑮ ᐃᑎᑯᒋᒃ ᒫᑲ ᑭᒋᒪᓂᑐᐗ ᐸᐙᒧᐎᓂᒃ ᐁᑳ ᑭᒋ ᑭᐌᑐᑕᐙᒋᒃ ᐦᐁᕋᑕ, ᐱᑐᔥ ᐃᔑ ᑮ ᑭᐌᐗᒃ ᑎᐱᓚᐌ ᐅᑦ ᐊᔅᑭᐙᒃ᙮
ᐅᔑᒧᐗᒃ ᐃᒋᑉᑎᒃ ᐃᔑ
13ᐃᔅᐱ ᒫᑲ ᑳ ᑮ ᑭᑐᑌᒋᒃ, ᒫᑎᑲ, ᒍᓯᑉ ᑮ ᓄᑯᓰᔅᑖᑯ ᐅᑎᐯᓕᒋᑫᐗ ᐅᑦ ᐁᓐᒐᓕᒥᓕᐗ ᐸᐙᒧᐎᓂᒃ, ᐁ ᐃᑗᓕᒋ, ᐗᓂᔥᑳ, ᐅᑎᓐ ᒫᑲ ᐅᔥᑲᐙᔑᔥ ᓀᔥᑕ ᐅᑳᐎᔭ, ᐃᒋᑉᑎᒃ ᒫᑲ ᐃᑎᔑᒧ, ᐁᑯᑕ ᒫᑲ ᑕᔑᑫ ᐹᑎᒫ ᐯᒋ ᐎᑕᒫᑖᓀ: ᐌᓴ ᐦᐁᕋᑦ ᑲᑕ ᓇᓇᑐᓇᐌᐤ ᐅᔥᑲᐙᔑᔕ ᑭᒋ ᓂᔑᐗᓈᒋᐋᑦ᙮
14ᐃᔅᐱ ᐌᓂᔥᑳᑦ, ᑮ ᐅᑎᓀᐤ ᐅᔥᑲᐙᔑᔕ ᓀᔥᑕ ᐅᑳᐎᓕᐗ ᓂᐹᑎᐱᔉ, ᐃᒋᑉᑎᒃ ᒫᑲ ᑮ ᐃᑐᑌᐤ: 15ᐁᑯᑕ ᒫᑲ ᑳ ᐃᑖᑦ ᐱᓕᔥ ᑳ ᓂᐱᓕᒋ ᐦᐁᕋᑕ: ᑭᒋ ᑎᐱᐸᓕᓕᒃ ᑳ ᑮ ᐃᑗᐋᑦ ᐅᑎᐯᓕᒋᑫᐤ ᐅᑭᔅᑭᐙᐃᑫᐗ, ᐁ ᐃᑗᑦ, ᐃᒋᑉᑎᒃ ᓂ ᑮ ᐅᒋ ᓇᑐᒪᐤ ᓂᑯᓯᔅ᙮
ᐁ ᓂᐸᐃᒋᒃ ᐊᐙᔑᔕᒃ
16ᐁᑯ ᒫᑲ ᐦᐁᕋᑦ, ᐃᔅᐱ ᐎᐋᐸᑕᒃ ᐁ ᑮ ᐙᔦᔑᒥᑯᑦ ᑫᑫᑕᐌᓕᑕᒥᓕᒋ ᐃᓕᓕᐗ, ᓈᔅᐱᒡ ᑮ ᑭᓯᐙᓯᐤ, ᑮ ᑭᒋᑎᔕᐌᐤ ᒫᑲ ᐊᐌᓕᐗ ᑭᒋ ᓂᐸᐋᓕᒋ ᒥᓯᐌ ᐊᐙᔑᔕ ᐯᑦᓕᔭᒥᒃ ᑳ ᐃᑖᓕᒋ, ᓀᔥᑕ ᒥᓯᐌ ᐙᔅᑲ ᐊᓐᑕ, ᐁ ᓂᔓ ᐱᐴᓀᓯᓕᒋ ᐅᒋ, ᓀᔥᑕ ᐊᐙᓯᑌ ᐁ ᐊᐙᔑᔑᐎᓕᒋ ᐁ ᑎᐸᑭᑕᒃ ᐊᓂᒪ ᐃᔅᐱ ᐌᐌᓕᑦ ᐁ ᑮ ᑲᑴᒋᒫᑦ ᑫᑫᑕᐌᓕᑕᒥᓕᒋ ᐃᓕᓕᐗ᙮
17ᐁᑯ ᑳ ᑎᐱᐸᓕᒃ ᑳ ᑮ ᐃᑗᑦ ᒉᕆᒫᔭ ᐅᑭᔅᑭᐙᐃᑫᐤ, ᐁ ᐃᑗᑦ, 18ᐁᑯᑕ ᕃᒪᐃᒃ ᑮ ᓄᑕᑾᓐ ᐯᑖᑯᓯᐎᓐ, ᓇᓀᑳᑌᐎᑕᒧᐎᓐ, ᓀᔥᑕ ᒫᑐᐎᓐ, ᓀᔥᑕ ᑭᒋ ᒫᐎᑳᔑᐌᐎᓐ, ᕃᒋᓪ ᐁ ᒪᐎᑲᑖᑦ ᐅᑦ ᐊᐙᔑᒥᔕ, ᓇᒪᐎᓚ ᒫᑲ ᑮ ᐎ ᒥᓜᓕᒧᐃᑯᓯᐤ, ᐁᑳ ᐁ ᐃᑖᓕᒋ᙮
ᑭᐌᐗᒃ ᐃᒋᑉᑎᒃ ᐅᒋ
19ᒫᑲ ᐃᔅᐱ ᐦᐁᕋᑦ ᑳ ᓂᐱᑦ, ᒫᑎᑲ, ᒍᓯᑉ ᑮ ᓄᑯᓰᔅᑖᑯ ᐅᑎᐯᓕᒋᑫᐗ ᐅᑦ ᐁᓐᒐᓕᒥᓕᐗ ᐸᐙᒧᐎᓂᒃ ᐊᓐᑕ ᐃᒋᑉᑎᒃ, 20ᐁ ᐃᑗᓕᒋ, ᐗᓂᔥᑳ, ᐅᑎᓐ ᐅᔥᑲᐙᔑᔥ ᓀᔥᑕ ᐅᑳᐎᔭ, ᐃᑐᑌ ᒫᑲ ᐃᔅᕃᐃᓪ ᐊᔅᑮᒃ: ᐌᓴ ᐋᔕᔾ ᓂᐱᐗᒃ ᐊᓂᑭ ᑳ ᑮ ᓈᓇᑕᐌᓕᑕᒸᒋᒃ ᐅᔥᑲᐙᔑᔕ ᐅ ᐱᒫᑎᓯᐎᓂᓕᐤ᙮ 21ᑮ ᐗᓂᔥᑲᐤ ᒫᑲ, ᑮ ᐅᑎᓀᐤ ᒫᑲ ᐅᔥᑲᐙᔑᔕ ᓀᔥᑕ ᐅᑳᐎᓕᐗ, ᑮ ᐯᒋ ᐃᑐᑌᐤ ᒫᑲ ᐃᔅᕃᐃᓪ ᐊᔅᑮᒃ᙮
22ᒫᑲ ᐃᔅᐱ ᐱᐁᑕᒃ ᐋᕐᑭᓓᔭᓴ ᐁ ᑎᐯᓕᒋᑫᓕᒋ ᒎᑎᐊᐃᒃ ᐁ ᒦᔅᑯᑎᔥᑲᐙᓕᒋ ᐅᑖᐎᓕᐗ ᐦᐁᕋᑕ, ᑮ ᑯᔅᑖᒋᐤ ᐊᓐᑕ ᑭᒋ ᐃᑐᑌᑦ: ᐁᓕᐌᒃ ᒫᑲ, ᐁ ᐃᑎᑯᑦ ᑭᒋᒪᓂᑐᐗ ᐸᐙᒧᐎᓂᒃ ᑮ ᐸᔅᑫᐤ ᑳᓕᓕᒃ ᑭᒋ ᐃᑐᑌᑦ: 23ᑮ ᑕᑯᔑᓐ ᒫᑲ, ᓀᔥᑕ ᑮ ᑕᔑᑫᐤ ᐃᑖᐎᓂᒃ ᓈᓴᕆᑦ ᑳ ᐃᔑᓂᑳᑌᒃ: ᑭᒋ ᑎᐱᐸᓕᓕᒃ ᑳ ᑮ ᐃᑗᒋᒃ ᐅᑭᔅᑭᐙᐃᑫᐗᒃ, ᓈᓴᕇᓐ ᑲᑕ ᐃᔑᓂᑳᑖᑲᓂᐎᐤ᙮
अहिले सेलेक्ट गरिएको:
ᐅᐸᓓᑭᔅ ᒫᑎᐤ 2: MCNT91
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
The text of the Bible in Moose Cree is in the public domain.
Moose Cree New Testament © Canadian Bible Society, 1991.
