Va'Atəŋ ƏTOŊ ADDƏVƏN
ƏTOŊ ADDƏVƏN
Iya Va'atəŋ tay va ənah na «ətəŋga». Ɗerewel nan tay əpel aka əzəməɗ na dəlvafuŋgu, əzəməɗ na Ɗəfa, ətoŋ na mambray gəm na tatwãh addəv ənziya egge, gəm aka tive məs ɗiy na Maŋgəlva adadawaŋgə. Ɗerewel na Va'atəŋ awɗakək gəlan sula: (1) Əzəməɗ na dəlvafuŋ gəm ətəŋ na alabara na zev ɗəfa. Adak na tay əpel wən na Adam dət Hawa, Kayin də Abel, Nuwe dit iŋkile dəbulyumun təkiya, gəm məzarŋgazla na Babilon (Duɗak 1:1—11:32). (2) Ətəŋ na alabara net dihiŋgiɗit mə Israyelɗe məkuturkutur. Ɗəf maddaabəŋ na Abrahami, məsənən də wətaf nan gəm əɓe' nan sən Maŋgəlva. An dəzban na, alabara na wətən an Isakə gəm dəhən Yakob (məyan əmpa na Israyel), gəm net kirtin Yakob kəlaw kiyit sula məs dəmpanən mahəlfa kəlaw kiyən sula na Israyel. An dərbə temme dəgəm maɗɗula ɗəf na, əvəl na wəyin taka, Yosef, gəm zəga an dətoŋ məs dəka Yakob dit kirtin mbirit də gəla net kaddassa də gəla a Eziptə (Duɗak 12:1—50:26).
Gala ɗereweləŋ adawboton alabara net ɗiyi, tay ərban na ndəni maddaabəŋ an tutu na əzban alabara va mbar Maŋgəlva arban kiyən di. Tay ətəŋ də ərban va Maŋgəlva azəməɗ dəlvafuŋgu, gəm əggrak nan də wənmiyna na Maŋgəlva məs adazban wərban zən sit ɗiy nani. Addəv ɗerewel vani, ɗəf maddaabəŋ na Maŋgəlva yi, ndəni məzətaw wən aka wən an təstesi ɓa gəm məzəzgesit məzəɗɗaŋ mbərayən, məzərban tive gəm məzəbbah sit ɗiy nani, ndəni məzəgilgin alabara neti. Ɗerewel məzvanəs məverin na ka kawziwgin alabara na ətaf net ɗiyi gəm dəbbahgən ərma ətafəs madarani.
Va muɗakani
Va'atəŋ (1:1—11:32)
Maŋgəlva azəməɗək zəga pakə gəm ɗəfa (1:1—2:25)
Mərɓahani ɗəf dət ɗak sə guli na Eden (3:1-24)
Kayin də Abel (4:1-26)
Ɗiy gugriɗ təŋ səza Adam hã aza Nuwe (5:1-32)
Nuwe dit iŋkile məs dəbulyumun təkiya (6:1—10:32)
Gəlaməɓayən na Babilon (11:1-9)
Təŋ səza Sem aza Abram (11:10-32)
Dəha məkuturkutur: Abraham, Isak, Yakob (12:1—35:29)
Uwa net kirtin Esaw (36:1-43)
Yosef (37:1—50:26)
अहिले सेलेक्ट गरिएको:
Va'Atəŋ ƏTOŊ ADDƏVƏN: GBD
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
All right reserved