S. Mat 11
11
Krie XI.
1E streksi, kur𝑒 sosi Dz̆esúi, t𝑒 jipj𝑒 urδurímet𝑒 dimb𝑒δiét𝑒 dis̆ípuj𝑒vet tîγj𝑒, se andis̆𝑒 s̆kói t𝑒 mp𝑒soγj𝑒, e t𝑒 ligj𝑒roγj𝑒 te χor𝑒t’ e tire.
2E Dz̆uáni t𝑒 gjégjurit te fulakjía t𝑒 bémat’ e Krís̆tit𝑒, d𝑒rgói dî ka dis̆ipuj𝑒t’ e tîγj𝑒,
3E i θa: Jê ti aí, ts̆𝑒 kat𝑒 vinj𝑒, ô présj𝑒m𝑒 njetr𝑒?
4E si u‐p𝑒rgjekj𝑒 Dz̆esúi θa atire: Kur𝑒 t𝑒 veni, rr𝑒fíeni Dz̆uánit𝑒 até ts̆𝑒 gjégjiχj𝑒, eδé s̆íχ𝑒ni.
5T𝑒 vérb𝑒rit𝑒 s̆óχ𝑒j𝑒n pameta, t𝑒 s̆klépurit𝑒 jetsj𝑒n, lebrust𝑒 kj𝑒rónen𝑒, t𝑒 s̆úrδurit𝑒 gjégjen𝑒, t𝑒 vdékurit𝑒 ngjáγen𝑒, e t𝑒 vápkj𝑒vet kal𝑒zónet𝑒 vangjeji:
6E i lum𝑒, kus̆ ng𝑒 u‐sk𝑒ndaγiars̆it mbi mua.
7E si atá u‐nis𝑒n, Dz̆esúi zû t𝑒 θos̆ gjíndevet p𝑒r Dz̆uánin: Ts̆𝑒 dúaχt𝑒 t𝑒 v𝑒rréij𝑒t𝑒 te diserti? káγ𝑒min túndur𝑒 ka era?
8Se po ts̆𝑒 dúaχt𝑒 t𝑒 s̆íχ𝑒t𝑒? ndô njerî vés̆ur𝑒 nd𝑒 t𝑒 χoγa? Ši atá ts̆𝑒 kjéγ𝑒j𝑒n t𝑒 vés̆ura t𝑒 χoγa, jan𝑒 te s̆pît𝑒 e mbrétravet.
9Se po ts̆𝑒 dúaχt𝑒 t𝑒 s̆íχ𝑒t𝑒? ndô profet𝑒? Êχj ju θom𝑒, eδé mê se profet𝑒.
10Se kî is̆t’ aí p𝑒r k𝑒 kle s̆krúar𝑒: Ši ú d𝑒rgonj𝑒 éngj𝑒γin tim𝑒 p𝑒rpara fákjes𝑒 sate, ts̆𝑒 kat𝑒 p𝑒rgatonj𝑒 δromin t𝑒nt𝑒 p𝑒rpara tîj.
11Me ftet𝑒 ju θom𝑒, ka t𝑒 lêrit𝑒 e grâvet ng𝑒 doγi nj𝑒 njerî mê i maθ𝑒 se Dz̆uán Batista: mb𝑒gjíθ aí ts̆𝑒 is̆t𝑒 mê i vóg𝑒li te mbret𝑒ría e kjíeγiavet, is̆t𝑒 mê i maθ𝑒 se aí.
12E ts̆𝑒 te dít𝑒t𝑒 e Dz̆uán Batíst𝑒s𝑒 njera m𝑒 naní, mbret𝑒ría e kjíeγiavet do bûr𝑒 fukjî, e t𝑒 fukjís̆mit’ e rr𝑒mbenj𝑒n.
13Se gjiθ𝑒 profétrat𝑒, e ligja profetidzartin njera te Dz̆uáni:
14E n𝑒 jû doni t’ e prini mir𝑒, aí is̆t𝑒 Elía, ts̆𝑒 kis̆ viγj𝑒.
15Kus̆ kâ ves̆ p𝑒r t𝑒 gjégjur𝑒, gjekjt𝑒.
16E kûγj𝑒 ú kat’ e glas𝑒 kt𝑒 j𝑒nî? Is̆t𝑒 gjâχ𝑒 djélm𝑒t𝑒 ts̆𝑒 rrîn újur𝑒 te kjatsa: ts̆𝑒 tue θirr𝑒 s̆ók𝑒vet,
17Θon𝑒: Ju kemi râr𝑒, e s’ kini bréδur𝑒: kemi vaj𝑒túar𝑒, e s’ kini klâr𝑒.
18Se jerδi Dz̆uáni ts̆𝑒 ng𝑒 χâγj𝑒, e ng𝑒 pîγj𝑒, e θon𝑒: Kâ t𝑒 maχkúamin.
19Jerδi i Biri i njeríut𝑒 ts̆𝑒 χâ, eδé pî, e θon𝑒: Ši njerî ts̆𝑒 po χâ, e pî ver𝑒, miku i gabilót𝑒vet eδé t𝑒 m𝑒katrúamvet. E urtesía pati likj𝑒 ka bíj𝑒t’ e sâγj𝑒.
20Aχiérna zû t𝑒 mirrj𝑒 dzarr𝑒 χór𝑒t𝑒, ku u‐bûn mê t𝑒 s̆úmat𝑒 θavmasm𝑒 t𝑒 tîγj𝑒, p𝑒rts̆é ng𝑒 béij𝑒n pendes𝑒.
21Χelm𝑒 tîj o Χorazín, χelm𝑒 tîj, o Betsáiδ𝑒: se nai nd𝑒 Tir𝑒, e nd𝑒 Siδon𝑒 u‐kis̆𝑒n bûr𝑒 θavmásm𝑒t𝑒, ts̆𝑒 u‐bûn tek𝑒 jû, sâ kâ ts̆𝑒 kis̆𝑒n bûr𝑒 pendes𝑒 nd𝑒 θes e nd𝑒 χî.
22Mb𝑒gjíθ ju θom𝑒: Tírit𝑒, e Siδónit𝑒 kat’ i nd𝑒jénet𝑒 mê s̆um𝑒 se juve te dita e gjikímit𝑒.
23E ti, Kapernaúm, ts̆𝑒 jê ngréitur𝑒 njera te kjíeγia? njera te pisa kat𝑒 sdrípes̆𝑒: se, n𝑒 nd𝑒 Sóδom𝑒 kis̆𝑒n kl𝑒n𝑒 θavmásm𝑒t𝑒, ts̆𝑒 u‐bûn𝑒 tek𝑒 ti, kis̆𝑒n rrîtur𝑒 njera m𝑒 sot𝑒.
24Prandái ju θom𝑒, se te dita e gjikímit𝑒 kat’ i nd𝑒jénet𝑒 mê s̆um𝑒 χór𝑒s𝑒 Sóδom𝑒s𝑒, se tîj.
25Tek’ aí kj𝑒ró si u‐p𝑒rgjekj𝑒 Dz̆esúi θa: T𝑒 δoksias𝑒, o Tat𝑒, Zot i kjíeγi𝑒s eδé i δéut𝑒, se fs̆eχe ktô s̆𝑒rbise t𝑒 dís̆m𝑒vet e t𝑒 ndelgúas̆m𝑒vet, e i a sblove f𝑒míj𝑒vet.
26 Êχj, o Tat𝑒: se k𝑒s̆tú kle mir𝑒 p𝑒rpara tíj.
27Gjiθkjis̆𝑒 klen𝑒 δ𝑒nn𝑒 te dúart𝑒 time ka Tata jim𝑒. E mosnjerî njeχ t𝑒 Birin, jatr𝑒 se i Jati: e miδé t𝑒 Jatin kus̆ e njeχ, mê se i Biri, e kûγj𝑒 i Biri t𝑒 dêt𝑒 t’ e sblonj𝑒.
28Éjani tek’ ú gjiθ𝑒 jû, ts̆𝑒 s̆𝑒rbeni, e ts̆𝑒 jini t𝑒 nglakúam𝑒, se kat𝑒 ju δrosis𝑒.
29Vuni dziγóin tim𝑒 mbi jû, e mpsoni kâ‐k’ ú, se jam i but’ e i új𝑒t𝑒 zémrie: e kat𝑒 gjeni t𝑒 préj𝑒tur𝑒 s̆pírtravet tâj𝑒.
30Se dziγói jim𝑒 is̆t i mir𝑒, e barra ime e lê.
अहिले सेलेक्ट गरिएको:
S. Mat 11: AAE1868
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Përktheu nga greqishtja 1868.
