मत्ती 5

येसुन बोयळामाईन प्रचार

1येसु इनी भीळ काजे देखीन बोयळा पोर चोळ गोयू, एने जेतार बोस गोयू ती तेरा चेला तेरेनचा आव्या. 2एने येसु तेरो मूय उगाळीन तीनु काजे यो सिकाळने बाज गोयू.

सोयावा बुले

3“सोयावा छे जे आत्मान दिन छे, काहाकि सोरगोन राज तिंदरो छे.”

4“सोयावा छे जे, दुख कोरतेला, काहाकि तीनुक शांती जोळसे.”

5“सोयावा छे, जे नम्र छे, काहाकि चे धोरतीन अधिकारी होयसे.”

6“सोयावा छे जे, धोरमोन भूकला एने तीसला छे, काहाकि चे आफराय जासे.”

7“सोयावा छे जे, जू दयावू छे, काहाकि तिंदरे पोर दया कोरायसे.”

8“सोयावा छे जे, जिंदरा मोने चुखला छे, काहाकि परमेश्वर काजे देखसे.”

9“सोयावा छे, जे मेवाळने वावा छे काहाकि चे परमेश्वरोन पुऱ्या कोवायसे.”

10“सोयावा छे जे, जे धोरमोन कोरता, वेला कोरसे, काहाकि सोरगोन राज तिंदरेमा छे.”

11“सोयावा तुमु, जेतार माणसे मारेन कोरता तुमरो छोळ कोरसे, एने तोकलीत देसे, झूट बुल बुलीन तुमरे खिलापमा आखा भातीन भुंडली वाते कोरसे.” 12तेत्यार खुशी कोरीन मुजामा रोयजू, काहाकि तुमरेन कोरता सोरगोमा मोटलो फोव छे, इनान कोरता, कि चे तीनु भविष्य कोरता काजे जे तुमरे पेहेले होता, इना रितीसी छळ कोरला होता.

मीठो एने विजावो

(मरकुस 9:50; 4:21; लुका 14:34-35; 8:16)

13तुमु धोरतीन मीठो छे; बाकीन अगर मीठान सोवाद बीगळी जाय ती चो पोछो काहना चीजोसी खारो कोरायसे? ओवतेन चो काय कामोन नी होय, निसतो एरू कि बारथे नाखाय जाय एने माणसोन पायो तोवे रोंदवाय जाय. 14तुमु जोगोन विजावो छे जो सोहोर बोयळा पोर बोसलो छे चो डीकाय नि सोके, 15एने माणसे दिवू धोपाळीन मापो तोवे नी बाकीन दिवठनीपोर मेकतला, तेत्यार तीनासी घोर मायला आखा माणसो काजे विजावो पुगतलो छे. 16इना रितीसी तुमरो विजावो, माणसोन सामने चोमके कि चे तुमरा वारला कामो काजे देखीन तुमरु बास जू सोरगोमा छे, महिमा कोरे.

नियम शास्त्रन शिक्षा

17यो मा सोमजू, कि मी नियमशास्त्र नीती भविष्य कोरतान किताब काजे ढाकणे आवलु छे, ढाकणे नि, बाकीन पुरो कोरणे आवलु छे. 18काहाकि मे तुमु काजे छाचलीन कोयो, कि जेतार तोक सोरग एने धोरती ढोव नि जाय तेत्यार तोक नियम शास्त्रामा गोथो एक मातरू या एक टिंबु बी बीना पुरू होये नि टोवे. 19इनान कोरता जू कुदू इना नानलीसी नानली आग्यामा गोथू काहना एक काजे तूळे, एने तोसोच माणसो काजे सिकाळे, चू सोरगोन राजोमा आखा गोथू नानलु कोवायसे; बाकीन जो कुदु तिनी आग्यान पालन कोरे एने तीनु काजे सिकाळसे, चू सोरगोन राजोमा महान कोवायसे. 20काहाकि मी तुमु काजे कोयो, कि कोदि तुमरी धारमिकता, पुजारा एने फरुशीन धारमिकतासी बोडीन नि रोये, ती सोरगोन राजोमा कोबी जाता नी आवळे.

रीस एने खुन

21“तुमु सोमवी लेदला छे, जूनला वाराण माणसो काजे यो कोयलो होतो कि ‘खुन मा कोरु,’ एने ‘जू कुदू खुन कोरसे चू बोंदीघोरोमा दोंडोन कोरता ठोहरसे.’” 22बाकीन मे तुमु काजे यो कोयो, कि यु कुदु आपना भाशो पोर रीस कोरसे, चू कुरोटमा दोंडोन लायक रोयसे, एने यु कुदू आपना भाशो काजे गांडवायलु कोयसे चू महासभान दोंडोन कोरता रोयसे; एने जो कुदु कोये, “हे बिना दिमाकोन चू नोरोग आगठान दोंडोन कोरता रोयसे.” 23इनान कोरता कोदि तू आपनी भेट वेदी पोर लावे, एने चा तू फोम कोरे, कि मारा भाशोन मोनोमा मारेन कोरता काहीन खिलाप छे, 24ती आपनी भेट वेदीन सामने छुळ दे, एने जायीन पेहेले आपना भाशो पुठी समजुता कोर एने ती आवीन आपनी भेट चोळाव. 25जेतार तोक तू आपना झोगळ्या पुठी वाटी पोर छे, तेरे पुठी मामार सोमजुता कोरले कोदि ओसो नि होये कि झगळू तुसेक न्याय कोरणे वावा काजे सोपे, एने न्याय कोरने वावू तुसेक सिपायळा काजे सोप देये एने तू बंदी घोरोमा नाखाय जासे. 26मे तुसे काजे छाचलीन कोयो कि जेतार तोक तू कोवडी-कोवडी भोर नि आपे तेत्यार तोक चा गोथू छुटी नि सोके.

भुंडलो काम

27“तुमु सोमवी लेदला कि कोवाय गोयलो होतो, ‘व्यभिचार नी कोरनो.’ 28बाकीन मे तुमु काजे यो कोय, कि जू कुदु बायर पोर भुंडली नोजोर नाखे चू आपना मोनोमा तिनी पुठी व्यभिचार कोर लेदू. 29कोदि तारू जेवळ्यु डूवू तुसेक ठूकर खावाळे, ती हिनाक निकावीन नाख दे; काहाकि तारेन कोरता यो वारलो छे कि तारा डीलोमा गोथो एक सोर जाय एने तारो डील नोरोगमा नि नाखाये. 30कोदि तारो जेवळ्यु हात तुसेक ठूकर खावाळे, ती हिनाक काटीन नाख दे; काहाकि तारेन कोरता यो वारलो छे कि तारा डीलोमा गोथो एक सोर जाय एने तारो आखो डील नोरोगमा नि नाखाये.”

छुळनेन चिट्ठी

31यो बी कोवाय गोयलो होतो, “जो कुदु आपनी लाडी काजे छुळनेन कोरे ती हिनीक छुळनेन चिट्ठी आप देये. 32बाकीन मे तुसे काजे यो कोय कि यो कुदु आपनी लाडी काजे भुंडला विचार सीवाय काहनला वोजेसी छुळ देये, ती चू तेरे जुव गोथू व्यभिचार कोरतेलु छे; एने यो कुदु तिनी छुळली पुठी वियाव कोरे, चू व्यभिचार कोरतेलू छे.”

कोसोम

33एने तुमु सोमवी लेदला छे कि जूनला वाराण माणसो काजे कोवाय गोयलो होतो, “झुटी कोसोम मा घाले, बाकीन प्रभून कोरता आपनी कोसोम काजे पुरी कोर”. 34बाकीन मे तुसे काजे यो कोयो कि कोबी कोसोम मा घाले; नि ते सोरगोन, काहाकि चो परमेश्वरोन सिहासन छे. 35नि धोरतीन, काहाकि तेरे पाय मेकनेन जागु छे, नि यरुशलेमोन, काहाकि चो महाराजोन सोहोर छे. 36आपना मुनकान बी कोसोम मा घाले काहाकि तू एक झोटा काजे बी धोव्वु, नि कावू कोर सोकलु छे. 37बाकीन तूमरी वात “होव कि होव, कि नि कि नि होये काहाकि जो काहीन इनासी जादा रोयतलो छे चू बुराईसी रोयतलु छे.”

प्रतिशोध

(मरकुस 9:50; 4:21; लुका 14:34-35; 8:16)

38“तुमु सोमवी लेदला छे कि कोवाय गोयलो होतो, डूवान बोदले डूवू, एने दातोन बोदले दात”. 39बाकीन मे तुमु काजे यो कोय कि बुराई कोरणेवावान सामना मा कोरु; बाकीन जू कुदू तारा जेवळ्या गालो पोर थापुळ देये, तेरे भूनी दिसरू बी फिराव दे. 40कोदि कुदू तारे पोर रावन्या कोरीन तारो डोगलो लेणे हिंडे, ती हिनाक कुट बी लेणे दे. 41जो कुदू तुसे काजे कूस भोर लीजाणे कोरे, ती तेरे पुठी दुय कूस जा. 42जो कुदू तारे जुव मांगे, तीनाक आप; जु तारे जुव उदारे लेणे कोरे, तिनाक मोना मा कोरे.

दुष्मोनसी मोंग

(लुका 6:27-28,32-36)

43“तुमु सोमवी लेदला छे कि कोवाय गोयलो होतो, आपना साते वावा पोर मोंग कोरुजू, एने आपना दुष्मोन साते दुष्मोनी”. 44बाकीन मे तुमु काजे यो कोय कि आपना दुष्मोन पोर मोंग कोरजू एने आपनुक तोकलीत आपनेवावान कोरता प्रार्थना कोरु, 45जीनासी तुमु आपना सोरग मायला बासोन पुऱ्या ठेरायसु काहाकि चू वारलो एने भुंडला दुयू पोर आपनु दाहळू उगाळतलु छे, एने धोरमी एने अधोरमी दुयू पोर पाणी पाळतेलू छे. 46काहाकि कोदि तुमु आपनेपोर मोंग कोरणे वावा पोर मोंग कोरे, ती तुमरेन कोरीन काय फायदू होयसे? काय फावू लेणे वावान बी ओसात नि कोरतेला?

47“कोदि तुमु आपना भाशो काजेत नमस्कार कोरे, ती काहनो मोटो काम कोरतेला? काय बिन यहुदि बी ओसा नी कोरतेला?, 48इनान कोरता जुवे कि तुमु पुरा बोनु, जोसू तुमरू सोरगो मायलु बास पुरु छे”.

अहिले सेलेक्ट गरिएको:

मत्ती 5: BFBNT

हाइलाइट

शेयर गर्नुहोस्

कपी गर्नुहोस्