Mattĕo 7

Dèsèkô̆ni Dècirraphame

(Lŭka 6.37,38,41,42)

1“Cirra ḿè, cab́ô̆htè thĭ kè tè b́è cirra ńò nu. 2Manè̄ kòd́òdo dō, acab́ô̆ thĭ cirra cadè̄ nu thĭ kèb́è cirrakò̆ gōnu, kîd́ò̆ acab́ô̆ thĭ gô thĭ htè̆ dè adĕ nu, thĭ kô gôcahtè̆cab́èkò̆. 3Na tcahtî ma dèkônô aò nè thè̆buwe agādŭ bu kî no do gomohtani ma zegle aòkèka na gādŭbu tòb́ò̆ ńò nè̄? 4‘Ibò̄ jè khwèhtakè̆ dèkônô aò na gādŭbu,’ ńò d́ò za ma nè thè̆buwe do nè̄? Tcabò̄, zegle òthè̆ na gādŭbu nî̄! 5Nè, awî tòpòkho, khwèhtaphlòkè̆ ŭsu zegle aò na gādŭbu; kîd́ò̆ b́ĕnu na gā tcahtî hlĭphru d́ō nè gè̄ khwèhtakè̆ zakò̆ dèkônô aò nè thè̆buwe agādŭ bu nu.

6“Dè atcahtĭ nu i ḿè htwi tòcò ḿè; kîd́ò̆ hwĕladē ḿè lo mòrra htò ahlò̆mò̄ ḿè; mè tèb́è ńò agî̄ jîhta khè̆hta hwă akho, akā b́adebe ane kî ake e lahlèlab́a thĭ d́òbĕ.

Dèthèb́è̆ Akhoaă

(Lŭka 11.9-13)

7“Dabò̄, kî dè kī ikò̆ thĭ; wāhlèbò̄, kî thĭ gā pahtîkò̆; tòklòbò̄, kî dè kā b́ăhtanikò̆ thĭ. 8Manè̄, bija adadè gŏ abwè nib́è tèpwè; kî awāhlè dèbwè gā pahtî tèpwè; kî atòklò dèbwè nu, dè kā b́ăhtanikò̆ cè. 9D́ŏ thĭ klè̆ nu, apho da a toko d́ō, akī iwè̄ cè lo òbò̄ dèbwèbwè ā? 10Ḿî̆dîḿî ńò za gā da a dāpho d́ō, akī iwè̄ cè wu òbò̄ dèbwèbwè ā? 11Mègōnu thĭ nu, thĭ ḿî nòthò̆ akî̆kkèpho hnò̆nu, thĭ thîhè̆ tepwè aki ib́è aphoali dè aè tòcò nu d́ō, thĭ Pa aò d́ŏ Mò̄kho dèbwè kī i d́okhlŏkò̆ bija ada Cè tòcò dè è pwĕdimi b́ĕ!

Dèhmèla Aglobu

12“Mègōnu, dè arră htè thĭ thaèni bija gè mèni thĭ nu, mènibò̄ bija bija. Manè̄, ajo ḿî dèhmèla kî prò̆fèt tòcò adèthôdèthò̆ aglobu lò.

Khòd́ĕda Aîhnè̆pho

(Lŭka 13.24)

13“Lenībò̄ khòd́ĕda aîhnè̆pho abu. Manè̄ kò̄ d́òdo dō, khòd́ĕda akhò̆ kî klè adoakhò̆ ḿî adonī d́ŏ dèkè̆dèô aklè̆ nu, kî bija alenī abu òèòò d́o. 14Khòd́ĕda adonī dèò aklè̆ dubu ḿî aîhnè̆pho kî aba, kîd́ò̆ alenīkô ḿî ò tîkîpho lò.

Thoamu kî Athè

(Lŭka 6.43,44)

15“Sòibò̄ thĭ ne kî prò̆fèt aplè kò̄ òhta htè alehtî thĭ, akô̆athò thŏphe, barasă d́ŏ atha bu ḿî htwimi khajab́ô aăwūăthèphlè dè tòcò nu. 16Thĭ gī thîhè̆ikò̆ cè tòcò kî zò phò̆ zè thè. Bija d́ebò̄ thobiscithè d́ŏ dèscu amulò nu ā? Ḿî̆dîḿî ńò thod́ohtĭthè d́ŏ dèscu amulò nu ā? 17Cab́ô̆ gōnu akhò̆, tho awî gô̆ ab́ò̆ thèhtai thothè awî, kîd́ò̆ tho adî wî ńò thèhtai thothè adî wî ńò. 18Tho awî dè thèhtai za tè thè adî wî ńò ńò, kîd́ò̆ tho adî wî ńò dè thèhtai za thothè awî ńò ńò. 19Tho gô̆ amu, htè adè thèhtai dèthè awî ńò nu kè̄ b́è gô̄kè̆, kî kè̄ b́è hwĕnīkò̆ hmî aklè̆. 20Dèmè ane gōnu d́ō, thĭ kî thîhè̆b́èkò̆ cè tòcò kî zò phò̆ cè thè.

Jî Dî Thîhè̆ Thĭ Ńò

(Lŭka 13.25-27)

21“Bija ajo Jè B́ĭcè, B́ĭcè tòcò nu, tè b́è ze gē lenīb́è Mò̄kho Ahtĭage bu gô̆ abwè ńò; agē lenīb́è Mò̄kho Ahtĭage ḿî bija htè amè Ja Pa aò Mò̄kho dèbwè adèthaèni tòcò nu lò. 22D́ŏ muni dini nu, bija òè̆bwè kò d́òkò̆ Jè, ‘B́ĭcè, B́ĭcè! Wò tò d́òdòlògè dè Ni mi abu ńò ā? Kî wa da hna hèhtagè dèscidèhnè Ni mi abu ńò ā? Kî wa dè mègè dèbòdèba pwĕdimi Ni mi abu ńò ā?’ 23Kîd́ò̆ b́ĕnu Jò d́òphlò̆htakò̆ cè tòcò; ‘Jî dî thîhè̆gè thĭ taplă ńò; sè dòbò Jè, thĭ htè amè dèkî̆kkèmèhlò̆ tòcò nu,’ Jò kò d́òkò̆ cè do.

Dèd́ò̆htô Akŭdu

(Lŭka 6.47-49)

24“Mègōnu d́ō, bija asòkhĕńe Jè dèjî̄b́è ajo tòcò kî amèkô akă gŏ abwè nu zi gī ḿîkò̆ acab́ô̆ bija ablî̄abla htè aprahtagè ahi sò akho dèbwè nu. 25Kîd́ò̆ hwè zula, htĭ dotòklò̆ kî Gīlli dobō nòthò̆, hi anu dawa de gephlò b́è ńò; manè̄ kòd́òdo dō, akhahtî d́ò̆lăhmegè sò akho.

26“Kîd́ò̆ bija asòkhĕńe Jè dèjî̄b́è ajo tòcò barasă adèmèkô akă ńò gŏ abwè nu, zi gī ḿîkò̆ acab́ô̆ bija agudu htè aprahtagè ahi lothĭḿikho dèbwè nu. 27Hwè zula, htĭd́otòklò̆, gīlli dobōb́è d́ō agephlò tèpwè, kî akè̆aôsôgè.”

28Kîd́ò̆ b́ĕ Jezŭ adèjî̄b́è ajo tòcò gudu hwă nu, bija aboahò htèdômô̄dahmă nigè Zè dèthôdèthò̆ ale. 29Manè̄ kòd́òdo dō, Cò d́òŭd́ò̆sagè lōwa tòcò acab́ô̆ aphlŭathere ò dèbwè nu, tè b́è acab́ô̆ Skrĭbāpho tòcò nu ńò.

अहिले सेलेक्ट गरिएको:

Mattĕo 7: GRNT21

हाइलाइट

शेयर गर्नुहोस्

कपी गर्नुहोस्

तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्

Geba Roman New Testament बारे थप जान्नुहोस्

बाट लोकप्रिय बाइबल पदहरू
{{chapter}
}

Videos for Mattĕo 7

मत्तीको सुसमाचार ७छ१-१४

Lumo Project

मत्तीको सुसमाचार ७छ१५-२९

Lumo Project

Mattĕo 7

बाट लोकप्रिय बाइबल पदहरू
{{chapter}
}

Videos for Mattĕo 7

मत्तीको सुसमाचार ७छ१-१४

मत्तीको सुसमाचार ७छ१५-२९

बाइबल:

Karen, Geba

भर्जन: Geba Roman New Testament - GRNT21

Mattĕo 7

Mattĕo 7

बाट लोकप्रिय बाइबल पदहरू {{chapter}}

Videos for Mattĕo 7

मत्तीको सुसमाचार ७छ१-१४

मत्तीको सुसमाचार ७छ१५-२९

बाइबल:

Karen, Geba

भर्जन: Geba Roman New Testament - GRNT21

Mattĕo 7

बाट लोकप्रिय बाइबल पदहरू
{{chapter}
}