مَرْكُسْ 3

مَيْ شَنْيَيّٜىٰنْ حَنُّ أَ كَڢَرْنَهُمْ

﴿مَتْ 12‏.9‏-14؛ لُكْ 6‏.6‏-11﴾

1دَ عِيسَىٰ يَسَاكٜىٰ شِغَ ثِكِنْ مَجَمِعَ، سَيْغَا وَنِ مُتُمْ مَيْ شَنْيَيّٜىٰنْ حَنُّ عَثِكِنْ مَجَمِعَرْ؞ 2وَطَنْسُ مُتَنٜىٰ كُوَ سُنَ نٜىٰمَنْ حَنْيَ سُسَامِ عِيسَىٰ دَ لَيْڢِے، سَبُواْدَ حَكَ سَيْ سُكَ ظُبَ عِدُواْ سُغَ كُواْ عِيسَىٰ ذَيْ وَرْكَرْدَ مُتُمِنْ أَ رَانَرْ هُوتُ تَمَكُواْ؞

3سَيْ عِيسَىٰ يَثٜىٰ وَ مَيْ شَنْيَيّٜىٰنْ حَنُّنْ ‏«‏ڢِتُواْ كَڟَيَ نَنْ غَبَ؞»‏ 4سَعَنً عِيسَىٰ يَتَمْبَيٜىٰسُ يَثٜىٰ ‏«‏مٜىٰنٜىٰنٜىٰ يَدَاثٜىٰ عَيِ أَ رَانَرْ هُوتُ تَمَكُواْ؟ عَيِ أَلْحٜىٰرِ كُواْ عَيِ مُغُنْتَا؟ عَثٜىٰثِ رَيْ، كُواْ عَكَشٜىٰ رَيْ؟»‏

عَمَّا مُتَنٜىٰنْ سُكَيِ شِضُ؞ 5عِيسَىٰ يَدُدُّوبٜىٰسُ ثِكِنْ ڢُشِے، يَنَ كُمَ بَڧِنْ ثِكِ دُواْمِنْ تَوْرِنْ ذُوثِيَارْسُ؞ سَيْيَثٜىٰ وَمَيْ شَنْيَيّٜىٰنْ حَنُّنْ ‏«‏كَمِيڧٜىٰ حَنُّنْكَ؞»‏ سَيْ يَمِيڧٜىٰ، حَنُّنْسَ كُوَ يَوَرْكٜىٰ نَنْ دَنَنْ؞ 6دَ غَنِنْ حَكَ كُوَ ڢَرِسِيَاوَا سُكَ ڢِتَ دَغَ مَجَمِعَرْ؞ نَنْ دَ نَنْ سُكَيِ شَوَرَا دَ مُتَنٜىٰنْ هِرُدُسْ عَكَنْ يَدَّ ذَاسُ كَشٜىٰ عِيسَىٰ؞

بَبَّنْ تَرُواْ عَبَاكِنْ تٜىٰكُ

7سَيْ عِيسَىٰ يَتَاشِ تَرٜىٰدَ أَلْمَجِرَنْسَ، سُكَ بَرْ غَرِنْ سُكَجٜىٰ بَاكِنْ تٜىٰكُنْ غَلِيلِ؞ سَيْ مُتَنٜىٰ دَ يَوَنْ غَسْكٜىٰ دَغَ غَلِيلِ سُكَبِيشِ، حَرْ دَ مُتَنٜىٰنْ يَهُودِيَ، 8دَ نَ عُرُوشَلِيمَ دَ نَيَنْكِنْ عٜىٰدُوامْ دَ نَڧٜىٰتَرٜىٰنْ كُواْغِنْ يُواْدَنْ دَ كُمَ مُتَنٜىٰنْ وَجٜىٰنْ تَيَ دَ كُمَ سِدُوانْ؞ دَ يَوَنْسُ سُكَذُواْ سَبُواْدَ سُنْ جِ دُكَنْ أَبِنْدَ يَكٜىٰيِ؞ 9دُوانْ غُدُنْ كَدَ مُتَنٜىٰ سُمَڟٜىٰ شِ، سَيْ عِيسَىٰ يَڢَطَا وَ أَلْمَجِرَنْسَ سُكَٰوُاْ مَسَ ڧَرَمِنْ جِضْغٍ ضُوَ طَيَ؞ 10يَيِ حَكَ دُواْمِنْ يَارِغَا يَوَرْكَرْدَ مُتَنٜىٰ دَيَوَ، حَرْ يَكَيْ غَ دُكْ مَاسُثِيوُاْ سُنَ تَظُوَ كُسَدَشِ دُواْمِنْ سُتَٻَ شِ؞ #مَرْ 4‏.1؛ لُكْ 5‏.1‏-3 11دُكْ لُواْكَثِنْ دَ ڧَظَامَنْ رُوحُواْحِ سُكَ غَنْ شِ، سَيْ سُڢَاطِ أَغَبَنْسَ سُنَ إِيهُ سُنَ ثٜىٰوَ ‏«‏كَيْ طَنْ اللَّهْ نٜىٰ؞»‏

12عَمَّا يَعُمَرْثٜىٰسُ كَدَ سُغَيَ وَ كُواْوَ وَنٜىٰنٜىٰشِ؞

عِيسَىٰ يَذَاٻِ أَلْمَجِرَيْ شَا بِيُ

﴿مَتْ 10‏.1‏-4؛ لُكْ 6‏.12‏-16﴾

13أَنَانً، سَيْ عِيسَىٰ يَهَوْ بَبَّنْ تُدُ، يَكِرَا وَطَنْدَ يَكٜىٰسُواْ، سُكَجٜىٰ وُرِنْسَ؞ 14سَعَنً يَذَاٻِ مُتُمْ شَا بِيُ#3‏.14 يَذَاٻِ مُتُمْ شَا بِيُ: وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا سُنْ ڧَارَ ‏«‏يَسَا مُسُ سُنَ مَنْذَنِّے»‏ نٜىٰ أَنَنْ؞ دَغَ ثِكِنْسُ سُكَسَنْثٜىٰ دَشِ؞ يَنَ سُواْ يَدِنْ‌غَ عَيْكَرْسُ سُيِ وَعَظِ، 15سُكُمَ سَامِ إِيكُوانْ ڢِتَرْدَ أَلْجَنُ؞ 16غَا شَا بِيُنْدَ يَذَاٻَا؞

سِيمَنْ، وَنْدَ عِيسَىٰ يَسَا مَسَ سُونَ بِتْرُسْ،

17يَعْڧُوبَ طَنْ ظَبَدِ دَ طَنْعُوَنْسَ يَحْيَى،

وَطَنْدَ يَسَا مُسُ سُونَ بُوَرْنَجِسْ، وَتُواْ یَیَنْ ڟَاوَ،

18أَنْدَرَوُسْ،

ڢِلِبُسْ،

بَرْتَلُواْمِ،

مَتِيُ،

تُواْمَ،

يَعْڧُوبَ طَنْ هَلْڢَ،

تَدِّيُسْ،

سِيمَنْ مُتُمِنْ كَنْعَنَ،

19يَهُودَ إِسْكَرِيُواْتِ وَنْدَ يَبَاشٜىٰشِ؞

عِيسَىٰ دَ بَعَلْظَبُلْ

﴿مَتْ 12‏.22‏-32؛ لُكْ 11‏.14‏-23؛ 12‏.10﴾

20سَعَنً عِيسَىٰ يَشِغَ وَنِ غِدَا، مُتَنٜىٰ كُمَ سُكَسَاكٜىٰ حَطُوَ حَرْ شِ دَ أَلْمَجِرَنْسَ بَسُ عِيَثِنْ عَبِنْثِبَ؞ 21دَ یَنْعُوَنْسَ سُكَجِ حَكَ، سَيْ سُكَ تَڢِے دُواْمِنْ سُكَامَشِ، سَبُواْدَ مُتَنٜىٰ سُنَ ثٜىٰوَ ‏«‏أَيْ، يَهَوْكَثٜىٰ!‏»‏

22مَلَمً كُواْيَرْوَرْ مُوسَٰى كُوَ دَ سُكَذُواْ دَغَ عُرُوشَلِيمَ سُكَثٜىٰ ‏«‏أَيْ، بَعَلْظَبُلْ سَرْكِنْ أَلْجَنُ نٜىٰ يَشِغَ ثِكِنْسَ!‏ دَ إِيكُوانْسَ كُمَ يَكٜىٰ ڢِتَرْدَ أَلْجَنُ؞»‏ #مَتْ 9‏.34؛ 10‏.25

23سَيْ عِيسَىٰ يَكِرَا مُتَنٜىٰنْ، يَيِ مُسُ مِصَلَيْ ثٜىٰوَ ‏«‏شَيْطَنْ ذَيْڢِتَرْدَ شَيْطَنْ كُمَ؟»‏ 24أَيْ، عِدَنْ مُلْكِ يَرَبُ، طَيَ غٜىٰڢٜىٰنْ يَنَ غَابَادَ طَيَنْ، وَنَّنْ مُلْكِ بَذَيْ ڟَيَبَ؞ 25حَكَكُمَ عِدَنْ غِدَا يَرَبُ بِيُ، طَيَ غٜىٰڢٜىٰنْ يَنَ غَابَادَ طَيَنْ، وَنَّنْ غِدَا بَذَيْ ڟَيَبَ؞ 26عِدَنْ شَيْطَنْ كُمَ يَتَيَرْ وَكَنْسَ يَكُمَ رَبُ، بَذَيْ ڟَيَبَ؞ ڧَرْشٜىٰنْسَ يَذُواْ كٜىٰنَنْ؞

27‏«‏بَاوَنْدَ ذَيْ عِيَ شِغَ غِدَنْ مُتُمْ مَيْ ڧَرْڢِے يَݣُوشِ كَايَنْسَ، سَيْدَيْ يَڢَارَ كَامَ مُتُمِنْ، يَطَوْرٜىٰ؞ سَعَنً ذَيْ عِيَ ݣُوشِ كَايَنْ غِدَنْسَ؞

28‏«‏إِنَ ڢَطَا مُكُ غَسْكِيَ، ذَاعَ يَاڢٜىٰ وَمُتَنٜىٰ كُواْوَنٜىٰ إِرِنْ ذُنُوبِ دَ مَغَنَرْ صَاٻُواْ غَ اللَّهْ دَ سُكَيِ؞ 29عَمَّا ڢَا، دُكْ وَنْدَ يَيِ مَغَنَرْ صَاٻُواْ غَمٜىٰدَ رُوحُ مَيْ ڟَرْكِے بَذَاعَ تَٻَ يَاڢٜىٰمَسَبَ حَرْ أَبَدَا؞ يَيِ ذُنُوبِ نَهَرْ أَبَدَا كٜىٰنَنْ؞»‏ #لُكْ 12‏.10 30عِيسَىٰ يَڢَطِ وَنَّنْ نٜىٰ كُوَ دُوانْ سُنْثٜىٰ ‏«‏يَنَ دَ ڧَظَامِنْ رُوحُ نٜىٰ؞»‏

مَامَرْ عِيسَىٰ دَ یَنْعُوَنْسَ

﴿مَتْ 12‏.46‏-50؛ لُكْ 8‏.19‏-21﴾

31سَيْ مَامَرْ عِيسَىٰ دَ یَنْعُوَنْسَ سُكَذُواْ؞ سُكَ ڟَيَ أَوَجٜىٰ سُكَ عَيْكَ وَنِ يَكِرَا شِ؞ 32مُتَنٜىٰ كُوَ سُنَ ظَوْنٜىٰ كٜىٰوَيٜىٰ دَشِ، سَيْ سُكَثٜىٰ مَسَ ‏«‏غَا مَامَرْكَ دَ یَنْعُوَنْكَ سُنَ نٜىٰمَنْكَ أَوَجٜىٰ؞»‏

33سَيْ يَتَمْبَيٜىٰسُ يَثٜىٰ ‏«‏سُو وَنٜىٰنٜىٰ مَامَاتَ دَ یَنْعُوَنَ؟»‏ 34يَدُدُّوبِے وَطَنْدَ سُكٜىٰ ظَوْنٜىٰ كٜىٰوَيٜىٰ دَشِ، سَيْيَثٜىٰ ‏«‏غَا مَامَاتَ دَ یَنْعُوَنَ!‏ 35أَيْ، دُكْ وَنْدَ يَيِ أَبِنْدَ اللَّهْ يَكٜىٰسُواْ، شِينٜىٰ طَنْعُوَنَ، عِتَثٜىٰ یَرْعُوَتَ، عِتَثٜىٰ كُمَ مَامَاتَ؞»‏

अहिले सेलेक्ट गरिएको:

مَرْكُسْ 3: hauAS

हाइलाइट

शेयर गर्नुहोस्

कपी गर्नुहोस्

तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्

أَتَّوْرَتْ دَ أَنَّبَاوَا बारे थप जान्नुहोस्

बाट लोकप्रिय बाइबल पदहरू
{{chapter}
}