مَرْكُسْ 16

تَاشِنْ عِيسَىٰ دَغَ مَتَتُّو

﴿مَتْ 28‏.1‏-8؛ لُكْ 24‏.1‏-12؛ يَحـ 20‏.1‏-10﴾

1دَ رَانَرْ هُوتُ تَمَكُواْ تَوُثٜىٰ، مَرْيَمُ دَغَ مَغَدَلَ دَ مَرْيَمُ مَامَرْ يَعْڧُوبَ دَ كُمَ سَلُواْمِ، سُكَ سَيُواْ كَايَنْ ڧَنْشِ دُواْمِنْ سُجٜىٰ سُشَاڢَ وَ جِكِنْ عِيسَىٰ؞ 2أَ رَانَرْ ڢَرْكُواْ تَمَكُواْ دَ سَسَّڢٜىٰ وَجٜىٰنْ ڢِتُواْوَرْ رَانَ سُكَ تَڢِے كَبَرِنْ؞ 3دَ سُكٜىٰ كَنْ حَنْيَ، سُكَثٜىٰ وَجُونَ ‏«‏وَ ذَيْ تُرٜىٰ مَنَ دُوڟٜىٰنْ دَغَ بَاكِنْ كَبَرِنْ؟»‏ 4عَمَّا دَ سُكَ كَيْ وُرِنْ، سُكَ طَغَ كَيْ سُكَغَ، أَشٜىٰ، أَنْرِغَا أَنْتُرٜىٰ دُوڟٜىٰنْ؞ بَبَّنْ دُوڟٜىٰ نٜىٰ كُوَ؞

5دَ سُكَ شِغَ كَبَرِنْ، سَيْ سُكَغَ وَنِ سَوْرَيِ أَ ظَوْنٜىٰ أَغٜىٰڢٜىٰنْ دَامَ دَ ڢَرَرْ رِغَا أَجِكِنْسَ، سَيْ سُكَجِڟُواْرُواْ؞

6سَيْ سَوْرَيِنْ يَثٜىٰ مُسُ ‏«‏كَدَ كُيِ مَامَاكِ؞ كُنَ نٜىٰمَنْ عِيسَىٰ بَنَظَرٜىٰتْ وَنْدَ عَكَ غِثِّيٜىٰ؟ أَيْ، يَتَاشِ؞ بَايَ نَنْ؞ غَا عِنْدَ عَكَ ݣُونْتَرْ دَشِ!‏ 7يَنْذُ سَيْ كُتَڢِے كُغَيَوَ أَلْمَجِرَنْسَ، حَرْ دَ بِتْرُسْ، ثٜىٰوَ ذَيْ رِغَاسُ ذُوَا غَلِيلِ، عَثَنْ نٜىٰ ذَاسُ غَنْشِ كَمَرْ يَدَّ يَڢَطَا مُسُ؞»‏#مَتْ 26‏.32؛ مَرْ 14‏.28

8مَاتَانْ كُوَ سُكَ ڢِتَ دَ غُدُ، سُنْ رُوطٜىٰ سُنَ ضَوَرْ جِكِے؞ بَسُ كُمَ ڢَطَا وَكُواْوَ كُواْمٜىٰبَ، دُواْمِنْ سُنَ جِنْ ڟُواْرُواْ؞

عِيسَىٰ يَبَيَّنَ كَنْسَ غَ مَرْيَمُ

﴿مَتْ 28‏.9‏-10؛ يَحـ 20‏.11‏-18﴾

‏[‏ 9دَ عِيسَىٰ يَتَاشِ دَغَ مَتَتُّو دَ سَسَّڢٜىٰ أَ رَانَ تَڢَرْكُواْ تَمَكُواْ، يَڢَارَ نُونَ كَنْسَ غَ مَرْيَمُ دَغَ مَغَدَلَ، وَتُواْ مَثٜىٰنَّنْ دَ عِيسَىٰ يَڢِتَرْ مَتَ دَ أَلْجَنُ بَݣَويْ؞ 10عِتَ كُوَ تَتَڢِے تَڢَطَا وَمُتَنٜىٰنْ دَسُكٜىٰ تَرٜىٰدَشِ تُنْدَا، وَطَنْدَ سُكٜىٰ بَڧِنْ ثِكِ سُنَ تَكُوكَا؞ 11عَمَّا دَ سُكَجِ ثٜىٰوَ عِيسَىٰ يَنَدَ رَيْ، حَرْ مَا تَغَنْشِ، بَسُ بَادَ غَسْكِيَابَ؞

عِيسَىٰ يَنُونَ كَنْسَ غَ أَلْمَجِرَيْ بِيُ

﴿لُكْ 24‏.13‏-35﴾

12بَايَنْ حَكَ عِيسَىٰ يَثَنْجَ كَمَنِّ يَنُونَ كَنْسَ غَ وَطَنْسُ بِيُ دَغَ ثِكِنْ أَلْمَجِرَنْ أَ لُواْكَثِنْ دَسُكٜىٰ تَڢِيَ ڧَوْيٜىٰ؞ 13سَيْ بِيُنَّنْ سُكَ كُواْمَ سُكَ ڢَطَا وَسَوْرَنْ، عَمَّا حَرْ يَنْذُ سُكَڧِ سُيَرْدَ دَ لَابَرِنْ؞

عَيْكِنْدَ عِيسَىٰ يَبَا أَلْمَجِرَنْسَ

﴿مَتْ 28‏.16‏-20؛ لُكْ 24‏.36‏-49؛ يَحـ 20‏.19‏-23؛ أَيُّكَنْ 1‏.6‏-8﴾

14دَغَ بَايَ عِيسَىٰ يَنُونَ كَنْسَ غَ شَا طَيَنْ أَدَيْدَيْ لُواْكَثِنْ دَسُكٜىٰثِنْ عَبِنْثِ؞ سَيْ يَڟَاوَتَا مُسُ عَكَنْ رَشِنْ بَنْ‌غَسْكِيَرْسُ دَ تَوْرِنْ كَنْسُ، دُوانْ بَسُ غَسْكَتَ وَطَنْدَ سُكَ غَنْشِ بَايَنْ تَاشِنْسَبَ؞

15يَكُمَ ثٜىٰمُسُ ‏«‏كُتَڢِے كُواْعِنَ أَدُكَنْ دُونِيَا، كُيِ وَدُكَنْ یَنْ أَدَمْ شٜىٰلَرْ لَابَرِنَّنْ مَيْ دَاطِے؞#أَيُّكَنْ 1‏.8 16دُكْ وَنْدَ يَبَادَ غَسْكِيَ، عَكَ كُمَيِ مَسَ بَڢْتِسْمَ، ذَيْسَامِ ثٜىٰتُواْ؞ عَمَّا دُكْ وَنْدَ يَڧِ بَادَ غَسْكِيَ ذَاعَ حُكُنْتَ شِ؞ 17غَا أَبُبُوَنْ دَ مَاسُبِينَ ذَاسُيِ دُوانْ شَيْدَرْ غَسْكِيَرْسُ؞ عَثِكِنْ سُونَنَ ذَاسُ ڢِتَرْدَ أَلْجَنُ، ذَاسُ كُمَيِ مَغَنَ دَ سَابَبِّنْ هَرْسُنَ؞ 18ذَاسُ طَوْكِ مَثِيظَيْ دَ حَنُّوَنْسُ؞ عِدَنْ كُمَ سُكَشَا دَڢِ، بَذَيْ يِمُسُ كُواْمٜىٰبَ؞ ذَاسُ كُمَسَا حَنُّوَنْسُ عَكَنْ مَرَسَ لَاڢِيَ، سُوَرْكٜىٰ؞»‏

أَنْ طَوْكِ عِيسَىٰ ذُوَا سَمَ

﴿لُكْ 24‏.50‏-53؛ أَيُّكَنْ 1‏.9‏-11﴾

19بَايَنْدَ عُبَنْ‌غِجِ عِيسَىٰ يَيِ مُسُ وَنَّنْ جَوَابِے، سَيْ عَكَ طَوْكٜىٰشِ عَكَ كَيْشِ ثِكِنْ سَمَ، يَذَوْنَ أَ حَنُّنْ دَامَ نَ اللَّهْ؞#أَيُّكَنْ 1‏.9‏-11 20أَلْمَجِرَنْ كُوَ سُكَ ڢِتَ، سُكَيِ تَوَعَظِ كُواْعِنَ؞ عُبَنْ‌غِجِ كُوَ يَيِ عَيْكِ تَرٜىٰدَسُو، يَنَ تَبَّتَرْ دَ غَسْكِيَرْ مَغَنَرْسُ تَوُرِنْ عَلَمُ مَاسُ بَنْ مَامَاكِنْدَ يَسَاسُ سُكَيِ تَرٜىٰدَ مَغَنَرْ؞]‏

अहिले सेलेक्ट गरिएको:

مَرْكُسْ 16: hauAS

हाइलाइट

शेयर गर्नुहोस्

कपी गर्नुहोस्

तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्

أَتَّوْرَتْ دَ أَنَّبَاوَا बारे थप जान्नुहोस्

बाट लोकप्रिय बाइबल पदहरू
{{chapter}
}