لُكَّ غَبَاتَرْوَ
غَبَاتَرْوَ
مَرُبُوثِنْ وَنَّنْ لِتَّڢِ شِينٜىٰ لُكَّ؞ شِ بَ بَيَهُودٜىٰ بَنٜىٰ كُمَ شِ لِكِتَنٜىٰ؞ شِ كُمَ بَطَيَ بَنٜىٰ دَغَ ثِكِنْ أَلْمَجِرَنْ عِيسَىٰ كَمَرْ سَوْرَنْ مَرُبُوتَنْ لِتَّتَّڢَيْ مَاسُ بَادَ لَابَرِنْ عِيسَىٰ بَ، كُواْدَيَكٜىٰ أَݣَويْ عَلَمَ يَسَدُ دَ وَطَنْسُ دَغَ ثِكِنْ أَلْمَجِرَنْ عِيسَىٰ ﴿لِتَّڢِنْلُكَّ 1.2﴾؞ أَنَ ظَتُواْ أَنْرُبُوتَ لِتَّڢِنَّنْ ڟَكَانِنْ شٜىٰكَرَا تَ 59-63 كُواْ كُوَ 70-80 بَايَنْ حَيْڢُوَرْ عِيسَىٰ؞ مَيْ يِوُوَ نٜىٰ أَنْرُبُوتَ شِ أَ رُواْمَ؞ أَنْ رُبُوتَ لِتَّڢِنَّنْ ذُوَاغَ تِيُواْڢِلُسْ نٜىٰ كُواْدَيَكٜىٰ سَڧُوانْ دُواْمِنْ كُواْوَ دَ كُواْوَ نٜىٰ؞
لَابَرِ مَيْ دَاطِے دَغَ حَنُّنْ لُكَّ يَڢَارَ غَبَاتَرْ دَ عِيسَىٰ ثٜىٰوَ شِينٜىٰ مَيْ ثٜىٰتُوانْ إِسْرَٰٓءِيلَ دَ نَدُونِيَا دُكَ؞ لِتَّڢِنَّنْ يَڢَارَ دَ لَابَرِنْ ڢَضٍ ثِكِ نَسَنَرْوَرْ حَيْڢُوَرْ عِيسَىٰ، يَكُمَ ڧَارٜىٰ دَ لَابَرِنْ ڢَضٍ ثِكِ نَتَاشِنْ عِيسَىٰ ذُوَا سَمَ؞ عَثِكِنْ لَابَرِنْ، لُكَّ يَنُونَ يَدَّ عِيسَىٰ يَدَامُ سُواْسَيْ دَ مُتَنٜىٰنْ دَسُكٜىٰ دَ دَامُوَ؞
أَݣَويْ لَابَرُنْ دَ لِتَّڢِنَّنْ نٜىٰ كَطَيْ يَبَايَرْ، مُسَمَّنْ سُورَ 1-2 دَ سُورَ 9-19؞ مِصَالِنْ إِرِنْ وَطَنَّنْ لَابَرُ سُونٜىٰ، حَيْڢُوَرْ يَحْيَى مَيْ بَڢْتِسْمَ دَ نَظُوَنْ مَلاَىِٕكَ وَجٜىٰنْ مَرْيَمُ دَ كُمَ يَبُوانْ دَ مَلاَىِٕكُ سُكَيِ دَ زِيَارَرْ مَكِيَايَ لُواْكَثِنْ حَيْڢُوَرْ عِيسَىٰ دَ كُمَ أَدُّعَرْ سِمٜىٰيُوانْ دَ تَ هَنَّةُ أَ هَيْكَلِ؞ وَطَنْسُ لَابَرُنْ كُمَ سُونٜىٰ مِيڧَاوَرْ عِيسَىٰ أَ هَيْكَلِ ﴿2.41-52﴾ دَ تَادَ يَرُوانْ مَثٜىٰنْ دَ مِجِنْتَ يَمُتُ دَ زِيَارَرْ عِيسَىٰ غَ مَرْيَمُ دَ مَرْتَ دَ زِيَارَرْ غِدَنْ زَكَّ دَ عِيسَىٰ يَيِ؞ حَرْ يَنْذُ أَݣَويْ مِصَالِنْ مُتُمِنْ سَمَرِيَ وَنْدَ يَنُونَ تَوْسَيِ دَ مِصَالِنْ مَيْ أَرْزِڧِ دَ لِعَظَرُ دَ لَابَرِنْ بَڢَرِسِيٜىٰ دَ مَيْ كَرْٻَرْ هَرَاجِ دَ كُمَ بَيَّنَرْسَ غَ أَلْمَجِرَنَّنْ بِيُ دَسُكٜىٰ تَڢِيَ أَ حَنْيَ ذُوَا إِمَوُسْ؞
عَثِكِنْ وَنَّنْ لِتَّڢِ أَنْيِ مَغَنَ سُواْسَيْ عَكَنْ أَدُّعَ دَ رُوحُ مَيْ ڟَرْكِے دَ حِدِمَرْ دَ مَاتَا سُكَيِ وَ عِيسَىٰ ثِكِنْ عَيْكِنْسَ دَ كُمَ إِرِنْ تَوْسَيِنْ دَ اللَّهْ يَنُونَ وَ یَنْ أَدَمْ حَرْ يَيَاڢٜىٰ ذُنُبَنْسُ؞
مَرُبُوثِنْ وَنَّنْ لِتَّڢِ يَثِيغَبَدَ بَادَ لَابَرِنْ أَ لِتَّڢِنْ أَيُّكَنْ مَنْذَنِّے يَدَّ مَاسُبِنْ عِيسَىٰ سُنْ ڧَارُ سُنْ كُمَ ثِيغَبَدَ بَظَ لَابَرِنَّنْ مَيْ دَاطِے؞
أَبُبُوَنْ دَ سُكٜىٰ ثِكِ
غَبَاتَرْوَ 1.1-4
حَيْڢُوَ دَ غِرْمَنْ يَحْيَى مَيْ بَڢْتِسْمَ دَ نَ عِيسَىٰ 1.5—2.52
عَيْكِنْ يَحْيَى مَيْ بَڢْتِسْمَ 3.1-20
بَڢْتِسْمَرْ عِيسَىٰ 3.21-22
تَارِيحِنْ أَصَلِنْ عِيسَىٰ 3.23-38
ڠُوجِنْ عِيسَىٰ أَدَاجِ 4.1-13
عَيْكِنْ عِيسَىٰ أَ غَلِيلِ 4.14—9.50
عِيسَىٰ يَبَرْ غَلِيلِ ذُوَا عُرُوشَلِيمَ 9.51—19.27
أَيُّكَنْ عِيسَىٰ نَڧَرْشٜىٰ دَ حُكُنْثِنْسَ دَ مُتُوَرْسَ 19.28—23.56
تَاشِنْ عِيسَىٰ دَغَ مَتَتُّو دَ بَيَّنَرْسَ دَ كُمَ تَاشِنْسَ ذُوَا سَمَ 24.1-53
لَابَرِ مَيْ دَاطِے دَغَ حَنُّنْ لُكَّ
अहिले सेलेक्ट गरिएको:
لُكَّ غَبَاتَرْوَ: hauAS
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Hausa Common Language Ajami Bible © The Bible Society of Nigeria, 2020