مَرْكُسْ 1

وَعَظِنْ يَحْيَى مَيْ بَڢْتِسْمَ

﴿مَتْ 3‏.1‏-12؛ لُكْ 3‏.1‏-9‏،15‏-17؛ يَحـ 1‏.19‏-28﴾

1وَنَّنْ شِينٜىٰ لَابَرِ مَيْ دَاطِے غَمٜىٰدَ عِيسَىٰ أَلْمَسِيحُ،#1‏.1 أَلْمَسِيحُ: كَلْمَرْ نَنْأَلْمَسِيحُ، دَ إِبْرَانِيَنْثِ أَنْرُبُوتَ مَشِيحْ، كُمَ دَ هٜىٰلٜىٰنَنْثِ، كِرِسْتِ؞ مَعَنَرْ أَلْمَسِيحُ عِتَثٜىٰ وَنْدَ عَكَ شَاڢٜىٰ عَكَ كُمَ كٜىٰٻٜىٰ؞ طَنْ اللَّهْ؞#1‏.1 طَنْ اللَّهْ: وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا بَاسُدَ وَطَنَّنْ كَلْمُواْمِ؞ 2تَا ڢَارَ كَمَرْ يَدَّ عَكَ رُبُوتَ أَ لِتَّڢِنْ أَنَّبِے عِشَايَ ثٜىٰوَ

‏«‏غَاشِ، نَا عَيْكَرْ دَ مَنْذُوانَ يَرِغَاكَ غَبَ،

وَنْدَ ذَيْ شِرْيَ مَكَ حَنْيَ؞»‏#مَلْ 3‏.1

3مُرْيَ مَيْ كِرَا أَدَاجِ تَنَ ثٜىٰوَ

‏«‏كُشِرْيَ وَ عُبَنْ‌غِجِ حَنْيَ،

كُڠَرَ هَنْيُواْيِنْسَ؞»‏#عِشـ 40‏.3

4يَحْيَى مَيْ بَڢْتِسْمَ يَكُوَ بَيَّنَ أَدَاجِ يَنَ وَعَظِ ثٜىٰ وَمُتَنٜىٰ سُتُوبَ عَيِ مُسُ بَڢْتِسْمَ دُواْمِنْ أَيَاڢٜىٰ مُسُ ذُنُبَنْسُ؞ 5دُكَنْ مُتَنٜىٰنْ يَنْكِنْ يَهُودِيَ دَ دُكَنْ مُتَنٜىٰنْ عُرُوشَلِيمَ سُكَيِ تَظُوَ وُرِنْسَ سُنَ ڢَطِنْ ذُنُبَنْسُ سُنَ تُوبَ؞ يَكُوَ يِمُسُ بَڢْتِسْمَ أَ كُواْغِنْ يُواْدَنْ؞

6رِغَرْ يَحْيَى كُوَ أَنْيِتَ دَ غَاشِنْ رَاڧُمِنٜىٰ؞ يَنَ كُوَ طَوْرٜىٰ دَ طَمَرَ تَڢَتَ؞ عَبِنْثِنْسَ كُوَ ڢَارِ نٜىٰ دَ ضُوً ظُمَ؞#2 سَرْ 1‏.8 7يَيِ وَعَظِ، يَثٜىٰ ‏«‏وَنِ يَنَ ذُوَا عَبَايَنَ وَنْدَ يَڢِينِ غِرْمَ، وَنْدَ بَنْ إِسَ كُواْ إِنْ سُنْكُيَ إِنْكُنْثٜىٰ إِغِيَرْ تَاكَلْمَنْسَبَ؞ 8نَيِمُكُ بَڢْتِسْمَ دَ ضُوَ، عَمَّا شِے دَ رُوحُ مَيْ ڟَرْكِے ذَيْ يِمُكُ؞»‏

أَنْيِ وَ عِيسَىٰ بَڢْتِسْمَ

﴿مَتْ 3‏.13‏-17؛ لُكْ 3‏.21‏-22﴾

9أَنَانً عَثِكِنْ ݣُونَكِنَّنْ، سَيْ عِيسَىٰ يَذُواْ دَغَ نَظَرٜىٰتْ نَيَنْكِنْ غَلِيلِ، سَيْ يَحْيَى يَيِ مَسَ بَڢْتِسْمَ أَ كُواْغِنْ يُواْدَنْ؞ 10دَ عِيسَىٰ يَنَ ڢِتُواْوَ دَغَ ضُوَ، سَيْ يَغَ سَمَ يَبُوطٜىٰ، رُوحٌ اللَّهْ يَنَ سَوْكُواْوَ عَكَنْسَ عَكَمَنِّنْ كُرْثِيَ؞ 11سَيْ عَكَجِ وَتَ مُرْيَ دَغَ سَمَ تَثٜىٰ ‏«‏كَيْنٜىٰ طَانَ وَنْدَ نَكٜىٰ ڧَوْنَ؞ إِنَ جِنْ دَاطِنْكَ ڨُورَيْ؞»‏#ڢَارْ 22‏.2؛ زَبُو 2‏.7؛ عِشـ 42‏.1؛ مَتْ 3‏.17؛ 12‏.18؛ مَرْ 9‏.7؛ لُكْ 3‏.22

شَيْطَنْ يَا ڠُودَ عِيسَىٰ

﴿مَتْ 4‏.1‏-11؛ لُكْ 4‏.1‏-13﴾

12نَنْ دَ نَنْ سَيْ رُوحُ يَكَيْ عِيسَىٰ ثِكِنْ دَاجِ، 13عِنْدَ يَذَوْنَ حَرْ ݣُونَ أَرْبَعِنْ؞ شَيْطَنْ يَنَ ڠُودَاشِ؞ عِيسَىٰ يَنَ تَرٜىٰدَ نَمُواْمِنْ دَاجِ، عَمَّا مَلاَىِٕكُ سُكَيِ مَسَ حِدِمَ؞

عِيسَىٰ يَڢَارَ حِدِمَرْسَ أَ غَلِيلِ

﴿مَتْ 4‏.12‏-17؛ لُكْ 4‏.14‏-15﴾

14بَايَنْدَ عَكَسَا يَحْيَى عَكُرْكُكُ، عِيسَىٰ يَشِغَ غَلِيلِ يَنَ شٜىٰلَرْ لَابَرِ مَيْ دَاطِے وَنْدَ يَڢِتُواْ دَغَ وُرِنْ اللَّهْ؞ 15يَنَ ثٜىٰوَ ‏«‏لُواْكَثِ يَا ثِكَ!‏ مُلْكٍ اللَّهْ يَيِ كُسَ!‏ كُتُوبَ، كُغَسْكَتَادَ لَابَرِ مَيْ دَاطِے؞»‏#مَتْ 3‏.2

عِيسَىٰ يَكِرَا مَاسُ كَامُنْ كِيڢِ غُدَا حُطُ

﴿مَتْ 4‏.18‏-22؛ لُكْ 5‏.1‏-11﴾

16دَ عِيسَىٰ يَنَ وُثٜىٰوَ أَغٜىٰڢٜىٰنْ تٜىٰكُنْ غَلِيلِ، سَيْ يَغَ سِيمَنْ دَ طَنْعُوَنْسَ أَنْدَرَوُسْ، سُنَ جٜىٰڢَ رَاغَرْ كَامُنْ كِيڢِ عَتٜىٰكُ دُواْمِنْ سُو مَاسُ كَامُنْ كِيڢِنٜىٰ؞ 17سَيْ عِيسَىٰ يَثٜىٰ مُسُ ‏«‏كُبِيُواْنِ، ذَنْ مَيْدَكُو مَاسُ جَٰوُاْ مُتَنٜىٰ ذُوَا وُرِينَ؞»‏ 18نَنْ دَ نَنْ سَيْ سُكَ بَرْ كَايَنْسُ نَكَامَ كِيڢِ، سُكَبِيشِ؞

19دَ يَجٜىٰ غَبَ كَطَنْ، سَيْ يَغَ يَعْڧُوبَ طَنْ ظَبَدِ دَ طَنْعُوَنْسَ يَحْيَى، سُنَ ثِكِنْ جِضْغٍ ضُوَنْسُ سُنَڠَرَنْ رَاغَرْ كَامُنْ كِيڢِ؞ 20نَنْ دَ نَنْ يَكِرَاسُ، سُكَ كُوَ بَرْ بَابَنْسُ ظَبَدِ ثِكِنْ جِضْغٍ تَرٜىٰدَ لٜىٰبُرُواْرِنْ دَ سُكَ طَوْكَ، سُكَبِيشِ؞

مَيْ ڧَظَمِنْ رُوحُ

﴿لُكْ 4‏.31‏-37﴾

21 عِيسَىٰ دَ مَاسُبِنْسَ سُكَ شِغَ كَڢَرْنَهُمْ؞ دَ رَانَرْ هُوتُ تَمَكُواْ، سَيْ يَشِغَ مَجَمِعَ يَنَ كُواْيَرْوَا؞ 22سُكَيِ تَمَامَاكِ يَدَّ يَكٜىٰ كُواْيَرْوَا، دُواْمِنْ يَكُواْيَ مُسُ كَمَرْ مُتُمِنْ دَ يَكٜىٰدَ إِيكُواْ، بَكَمَرْ مَلَمً كُواْيَرْوَرْ مُوسَٰى بَ؞#مَتْ 7‏.28‏-29

23بَا لَابَرِ سَيْغَا وَنِ مُتُمْ مَيْ ڧَظَامِنْ رُوحُ عَثِكِنْ مَجَمِعَرْسُ، 24يَنَ إِيهُ، يَنَ ثٜىٰوَ ‏«‏إِنَا ضُوَنْكَ دَمُو، عِيسَىٰ بَنَظَرٜىٰتْ؟ كُواْ كَذُواْ نٜىٰ كَهَلَكَامُ؟ نَا سَنْ كُواْ وَنٜىٰنٜىٰ كَيْ، كَيْنٜىٰ مَيْ ڟَرْكِنَّنْ نَ اللَّهْ!‏»‏

25سَيْ عِيسَىٰ يَڟَاوَتَاوَ أَلْجَنِنْ، يَثٜىٰ ‏«‏كَيِ شِضُ!‏ كَڢِتَ دَغَ ثِكِنْ مُتُمِنَّنْ!‏»‏

26سَيْ ڧَظَامِنْ رُوحُ يَجِجِّغَ مُتُمِنْ؞ يَيِ إِيهُ، يَڢِتَ دَغَ ثِكِنْسَ؞ 27دُكْ مُتَنٜىٰ سُكَيِ مَامَاكِ، حَرْ سُكَيِ تَتَمْبَيَرْ جُونَ سُنَ ثٜىٰوَ ‏«‏كَيْ، مٜىٰنٜىٰنٜىٰ حَكَ؟ تَبْطِ!‏ يَوْ غَا سَابُوَرْ كُواْيَرْوَا!‏ وَنَّنْ مُتُمْ يَنَدَ إِيكُواْ يَبَا ڧَظَامَنْ رُوحُواْحِ عُمَرْنِ، سُنَ كُوَيِ مَسَ بِيَيَّ!‏»‏

28نَنْ دَ نَنْ سَيْ لَابَرِنْسَ يَبَظُو كُواْعِنَ عَكٜىٰوَيٜىٰنْ يَنْكِنْ غَلِيلِ؞

عِيسَىٰ يَوَرْكَرْ دَ مَامَرْ مَاتَرْ بِتْرُسْ

﴿مَتْ 8‏.14‏-15؛ لُكْ 4‏.38‏-39﴾

29دَ ڢِتَرْسُ دَغَ مَجَمِعَرْ، سَيْ سُكَ شِغَ غِدَنْ سُو بِتْرُسْ دَ أَنْدَرَوُسْ، تَرٜىٰدَ يَعْڧُوبَ دَ يَحْيَى؞ 30مَامَرْ مَاتَرْ بِتْرُسْ كُوَ تَنَ ݣُونْثٜىٰ تَنَ ڢَامَ دَ ظَظْذَاٻِ؞ دَ عِيسَىٰ يَشِغَ، سُكَ بَاشِ لَابَرِنْتَ؞ 31سَيْ يَتَڢِے وُرِنْتَ، يَكَامَ حَنُّنْتَ يَطَغَتَ؞ ظَظْذَاٻِنْ كُوَ يَبَرْتَ، حَرْ تَتَاشِ تَيِ مُسُ حِدِمَ؞

عِيسَىٰ يَوَرْكَرْ دَ مُتَنٜىٰ دَ يَوَ

﴿مَتْ 8‏.16‏-17؛ لُكْ 4‏.40‏-41﴾

32دَ يَمَّ، بَايَنْ ڢَاطُوَرْ رَانَ، عَكَ كَٰوُاْوَ عِيسَىٰ دُكَنْ مَرَسَ لَاڢِيَ دَ مَاسُ أَلْجَنُ؞ 33سَيْ دُكَنْ مُتَنٜىٰنْ غَرِنْ سُكَ تَارُ عَڧُواْڢَرْ غِدَنْ؞ 34يَوَرْكَرْدَ مَرَسَ لَاڢِيَ دَيَوَ، مَاسُثِيوُاْ إِرِ إِرِ، يَكُمَ ڢِتَرْ وَمُتَنٜىٰ أَلْجَنُ دَيَوَ؞ بَيْ كُواْ يَرْدَ أَلْجَنُنْ سُيِ مَغَنَبَ، دُواْمِنْ سُنْ سَنْشِ؞

عِيسَىٰ يَتَڢِے يِنْ أَدُّعَ عِنْدَ بَا كُواْوَ

﴿لُكْ 4‏.42‏-44﴾

35دَ سَسَّڢٜىٰ، تُنْدَ سَوْرَنْ دُهُ، عِيسَىٰ يَتَاشِ يَڢِتَ، يَتَڢِے وَنِ وُرِے عِنْدَ بَا كُواْوَ، يَيِ أَدُّعَ عَثَنْ؞ 36سَيْ سِيمَنْ دَ وَطَنْدَ سُكٜىٰ تَرٜىٰ دَشِ سُكَجٜىٰ نٜىٰمَنْسَ؞ 37دَ سُكَ سَامٜىٰشِ، سُكَثٜىٰ مَسَ ‏«‏أَيْ، دُكَنْ مُتَنٜىٰ سُنَ نٜىٰمَنْكَ؞»‏

38 عِيسَىٰ يَأَمْسَ يَثٜىٰ ‏«‏مُجٜىٰ غَرُضُوً دَسُكٜىٰ غَبَ، إِنْيِ وَعَظِ عَثَنْ كُمَ؞ دَلِيلِنْ ذُوَانَ كٜىٰنَنْ؞»‏

39يَظَظْذَاغَ دُكَنْ غَلِيلِ يَنَ وَعَظِ أَ مَجَمِعُنْسُ، يَنَ كُمَ ڢِتَرْ وَمُتَنٜىٰ أَلْجَنُ؞#مَتْ 4‏.23؛ 9‏.35

عِيسَىٰ يَڟَبْتَثٜىٰ مَيْ ثُوتَرْ ڢَتَرْ جِكِے

﴿مَتْ 8‏.1‏-4؛ لُكْ 5‏.12‏-16﴾

40وَنِ مَيْ ثُوتَرْ ڢَتَرْ جِكِے يَذُواْ وُرِنْ عِيسَىٰ، يَدُرْڧُسَ يَنَ ضُواْڧُواْ يَنَ ثٜىٰوَ ‏«‏عِدَنْ كَايَرْدَ، كَنَ عِيَ كَڟَبْتَثٜىٰنِ إِنْذَمَ مَرَرْ ڧَظَنْتَا؞»‏#1‏.40كَڟَبْتَثٜىٰنِ: بِسَغَ أَدِّينِنْ يَهُودَاوَا مَيْ ثُوتَرْ ڢَتَرْ جِكِے مَيْ ڧَظَنْتَا نٜىٰ، بَايَ عِيَ يَشِغَ هَيْكَلِ؞

41سَيْ تَوْسَيِ يَكَامَ عِيسَىٰ، يَمِيڧَ حَنُّنْسَ يَتَٻَ شِ، يَثٜىٰ مَسَ ‏«‏نَايَرْدَ، نَا ڟَبْتَثٜىٰكَ، كَا ذَمَ مَرَرْ ڧَظَنْتَا!‏»‏ 42نَنْ دَ نَنْ سَيْ ثُوتَرْ ڢَتَرْ جِكِنْسَ تَبَرْشِ، يَكُوَ ذَمَ مَرَرْ ڧَظَنْتَا؞

43سَعَنً عِيسَىٰ يَسَلَّمٜىٰشِ دَ غَرْغَطِے مَيْ ڧَرْڢِے ثٜىٰوَ 44‏«‏كَلُورَ ڢَا كَدَ كَغَيَوَ كُواْوَ؞ عَمَّا كَجٜىٰ كَنُونَ كَنْكَ أَوُرِنْ ڢِرِسْتِ، كَكُمَيِ هَدَايَ كَمَرْ يَدَّ مُوسَٰى يَثٜىٰ عَيِ دُوانْ ڟَبْتَثٜىٰوَ؞ كَيِ حَكَ دُوانْ كَتَبَّتَرْوَ جَمَعَ ثٜىٰوَ كَوَرْكٜىٰ؞»‏#لِـ ڢِرْ 14‏.1‏-32

45أَ مَيْمَكُوانْ حَكَ، سَيْ مُتُمِنْ يَڢِتَ يَنَ تَبَظَ لَابَرِنْ كُواْعِنَ؞ وَنَّنْ يَسَا عِيسَىٰ بَيْ عِيَ شِغَ وَنِ غَرِ أَ ڢِيلِبَ، سَيْ يَدِنْ‌غَ ذَمَ أَوَجٜىٰ أَوُرَارٜىٰنْدَ بَا كُواْوَ؞ دُكْدَهَكَ، مُتَنٜىٰ سُكَيِ تَظُوَ وُرِنْسَ دَغَ كُواْعِنَ؞

अहिले सेलेक्ट गरिएको:

مَرْكُسْ 1: hauAS

हाइलाइट

शेयर गर्नुहोस्

कपी गर्नुहोस्

तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्

أَتَّوْرَتْ دَ أَنَّبَاوَا बारे थप जान्नुहोस्

बाट लोकप्रिय बाइबल पदहरू
{{chapter}
}