مَتِيُ 28
28
تَاشِنْ عِيسَىٰ دَغَ مَتَتُّو
﴿مَرْ 16.1-8؛ لُكْ 24.1-12؛ يَحـ 20.1-10﴾
1رَانَرْ هُوتُ تَمَكُواْ تَا وُثٜىٰ كٜىٰنَنْ، أَ رَانَرْ ڢَرْكُواْ تَمَكُواْ دَ سَسَّڢٜىٰ سَيْ مَرْيَمُ دَغَ مَغَدَلَ دَ طَيَنْ مَرْيَمُ سُكَجٜىٰ سُدُوبَ كَبَرِنْ؞ 2غَاشِ كُوَ أَنْيِ وَتَ بَبَّرْ ضَوَرْ ڧَسَا، غَمَا وَنِ مَلاَىِٕكَنْ عُبَنْغِجِ يَسَوْكُواْ دَغَ سَمَ، يَتُرٜىٰ دُوڟٜىٰنْ دَ عَكَ رُڢٜىٰ كَبَرِنْ، يَذَوْنَ عَكَيْ؞ 3يَنَ حَصْكٜىٰ كَمَرْ وَلْڧِيَ، رِيغُنَنْسَ كُمَ ڢَرَرٜىٰ ڢَتْ كَمَرْ أَوْدُغَ؞ 4دَ مَاسُ غَادِنْ سُكَ غَنْشِ، ڟُواْرُواْ يَكَامَسُ سُواْسَيْ، سُنَ ضَوَرْ جِكِے، سُكَ ڢَاطِ عَڧَسَا كَمَرْ مَتَتُّو؞
5عَمَّا مَلاَىِٕكَنْ يَثٜىٰ وَمَاتَنْ «كَدَ كُجِڟُواْرُواْ، نَسَنِ كُنَ نٜىٰمَنْ عِيسَىٰ نٜىٰ وَنْدَ عَكَ غِثِّيٜىٰ؞ 6بَايَنَنْ؞ يَتَاشِ يَدَّ يَڢَطَا؞ كُذُواْ كُغَ عِنْدَ عَكَسَاشِ؞ 7كُجٜىٰ دَسَوْرِ كُغَيَوَ أَلْمَجِرَنْسَ ثٜىٰوَ ‹يَتَاشِ دَغَ مَتَتُّو؞ غَاشِ كُمَ ذَيْ رِغَاكُ ذُوَا غَلِيلِ، عَثَنْ نٜىٰ ذَاكُ غَنْشِ؞› أَبِنْدَ نَذُواْ إِنْغَيَ مُكُ كٜىٰنَنْ؞»
8سَيْ سُكَبَرْ كَبَرِنْ دَ سَوْرِ ثِكٜىٰ دَ ڟُواْرُواْ، تَرٜىٰدَ ڢَضٍ ثِكِ مَيْ يَوَ؞ سُنَ غُدُ دُواْمِنْ سُجٜىٰ سُڢَطَا وَ أَلْمَجِرَنْ عِيسَىٰ كٜىٰنَنْ، 9سَيْ عِيسَىٰ دَ كَنْسَ يَسَدُ دَسُو، يَثٜىٰ مُسُ «سَلَّمَرْكُ دَيْ!» سُكَ مَڟُواْ كُسَ سُكَ ضُنْغُمٜىٰ ڧَڢَاڢُنْسَ، سُكَيِ مَسَ سُجَّدَ؞ 10سَيْ عِيسَىٰ يَثٜىٰ مُسُ «كَدَ كُجِڟُواْرُواْ؞ كُجٜىٰ كُڢَطَا وَیَنْعُوَنَ سُتَڢِے غَلِيلِ، عَثَنْ نٜىٰ ذَاسُ غَنْ نِے؞»
رَهُواْتُوانْ مَاسُ غَادِنْ كَبَرِنْ
11دَمَاتَنْ سُنَ ثِكِنْ تَڢِيَ، سَيْ وَطَنْسُ دَغَ ثِكِنْ مَاسُ غَادِنْ كَبَرِنَّنْ سُكَ شِغَ غَرِ، سُكَ بَا مَنْيَنْ ڢِرِسْتُواْثِے لَابَرِنْ دُكَنْ أَبِنْدَ يَڢَرُ؞ 12سَيْ ڢِرِسْتُواْثِنْ دَ شُوغَبَنِّنْ مُتَنٜىٰ سُكَ تَارُ سُكَيِ شَوَرَا، سُكَ بَا سُواْجُواْجِنْ كُطِ مَيْ يَوَ؞ 13سُكَثٜىٰ «كُثٜىٰ وَمُتَنٜىٰ، ‹أَلْمَجِرَنْسَ نٜىٰ سُكَجٜىٰ دَ دَرٜىٰ سُكَ سَاثٜىٰشِ لُواْكَثِنْ دَمُكٜىٰ بَرْثِ؞› 14عِدَنْ كُوَ لَابَرِنْ يَكَيْ كُنّٜىٰنْ ڠُومْنَ، ذَامُيِ مَسَ مَغَنَ، بَذَاكُ شِغَ وَهَلَبَ؞»
15سَيْ سُواْجُواْجِنْ سُكَ كَرْٻِ كُطِنْ سُكَيِ يَدَّ عَكَثٜىٰ سُيِ؞ وَنَّنْ لَابَرِنْ كُوَ هَرْوَيَوْ يَهُودَاوَا سُنَ بَادَشِ؞
عَيْكِنْ دَ عِيسَىٰ يَبَا أَلْمَجِرَنْسَ
﴿مَرْ 16.14-18؛ لُكْ 24.36-49؛ يَحـ 20.19-23؛ أَيُّكَنْ 1.6-8﴾
16تُواْ، أَلْمَجِرَيْ غُواْمَشَا طَيَنَّنْ سُكَ تَڢِے غَلِيلِ، سُكَجٜىٰ بَبَّنْ تُدُنْ دَ عِيسَىٰ يَثٜىٰ سُسَدُ؞#مَتْ 26.32؛ مَرْ 14.28 17دَ سُكَ غَنْشِ سَيْ سُكَيِ مَسَ سُجَّدَ، عَمَّا وَطَنْسُنْسُ سُكَيِ شَكَّ؞ 18سَيْ عِيسَىٰ يَذُواْ كُسَ يَثٜىٰ «أَنْ بَانِ دُكَنْ إِيكُواْ أَ سَمَ دَ كُمَ نَنْ دُونِيَا؞ 19سَبُواْدَ حَكَ كُجٜىٰ كُڢَطَا وَدُكَنْ أَلْعُمَّنْ دُونِيَا سُبِينِ، كُسَا سُذَمَ أَلْمَجِرَيْنَ، كُنَيِ مُسُ بَڢْتِسْمَ ثِكِنْ سُونَنْ عُبَادَ نَ طَا دَ نَرُوحُ مَيْ ڟَرْكِے؞#أَيُّكَنْ 1.8 20كُكُمَ كُواْيَ مُسُ سُيِ بِيَيَّ دَ دُكَنْ أَبُبُوَنْدَ نَعُمَرْثٜىٰكُ؞ غَاشِ كُوَ، إِنَ تَرٜىٰدَكُو كُلُّمْ حَرْ ڧَرْشٜىٰنْ زَامَانِ؞»
अहिले सेलेक्ट गरिएको:
مَتِيُ 28: hauAS
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Hausa Common Language Ajami Bible © The Bible Society of Nigeria, 2020
