لُكَّ 9
9
عِيسَىٰ يَعَيْكِ أَلْمَجِرَنْسَ
﴿مَتْ 10.5-15؛ مَرْ 6.7-13﴾
1أَنَانً سَيْ عِيسَىٰ يَكِرَا شَا بِيُنَّنْ وُرِے طَيَ، يَبَاسُ إِيكُواْ دَ كُمَ إِظْنِ عَكَنْ دُكَنْ أَلْجَنُ، سُكُمَ وَرْكَرْدَ ثُوتُتُّكَ؞ 2يَكُمَ عَيْكٜىٰسُ سُجٜىٰ سُيِ وَعَظِنْ مُلْكٍ اللَّهْ، سُكُمَ وَرْكَرْدَ مَرَسَ لَاڢِيَ؞ 3يَثٜىٰ مُسُ «كَدَ كُطَوْكِ كُواْمٜىٰ دُواْمِنْ تَڢِيَرْكُ، كَدَ مَا كُرِڧٜىٰ سَنْدَا، كُواْ جَكَ، كُواْ عَبِنْثِ، كُواْ كُطِ، كُواْ كُمَ كُطَوْكِ رِيغُنَ بِيُ؞ 4دُكْ غِدَنْ دَ عَكَ كَرْٻٜىٰكُ، كُذَوْنَ أَنَنْ سَيْ لُواْكَثِنْ دَ ذَاكُ بَرْ غَرِنْ؞ 5دُكْ عِنْدَ عَكَڧِ كَرْٻَرْكُ، إِنْ ذَاكُ بَرْ غَرِنْ سَيْ كُكَكَّٻٜىٰ ڧُورَرْ ڧَڢَاڢُنْكُ دُواْمِنْ يَذَمَ شَيْدَ عَكَنْسُ؞»#لُكْ 10.4-11؛ أَيُّكَنْ 13.51
6سَيْ سُكَتَاشِ سُكَ ظَظْذَاغَ ڧَوْيُكَ سُنَ وَعَظِنْ لَابَرِ مَيْ دَاطِے، سُنَ وَرْكَرْدَ مَرَسَ لَاڢِيَ عَكُواْعِنَ؞
هِرُدُسْ يَدَامُ
﴿مَتْ 14.1-12؛ مَرْ 6.14-29﴾
7سَعَدَّ هِرُدُسْ مَيْ مُلْكٍ غَلِيلِ يَجِ لَابَرِنْ دُكَنْ أَبُبُوَنَّنْ دَسُكٜىٰ ڢَرُوَ، سَيْ يَدَامُ سُواْسَيْ، دُواْمِنْ وَطَنْسُ مُتَنٜىٰ سُنَ ثٜىٰوَ أَنْتَادَ يَحْيَى مَيْ بَڢْتِسْمَ نٜىٰ دَغَ مَتَتُّو؞ 8وَطَنْسُ كُمَ سُنَ ثٜىٰوَ أَنَّبِے إِلْيَاسُ نٜىٰ يَسَاكٜىٰ بَيَّنَ؞ وَطَنْسُ كُمَ هَرْوَيَوْ، سُنَ ثٜىٰوَ طَيَ دَغَ ثِكِنْ أَنَّبَاوَا نَدَا نٜىٰ يَتَاشِ؞#مَتْ 16.14؛ مَرْ 8.28؛ لُكْ 9.19 9سَيْ هِرُدُسْ يَثٜىٰ «يَحْيَى دَيْ نَسَا عَكَ ثِرٜىٰ مَسَ كَيْ؞ تُواْ، وَنٜىٰنٜىٰ وَنَّنْ وَنْدَ نَكٜىٰ جِنْ أَبُبُوَنَّنْ عَكَنْسَ؟» سَيْ يَيِ تَڧُواْڧَرِ يَغَ عِيسَىٰ؞
عِيسَىٰ يَثِيَرْ دَ مُتُمْ دُبُو بِيَرْ
﴿مَتْ 14.13-21؛ مَرْ 6.30-44؛ يَحـ 6.1-14﴾
10دَ مَنْذَنِّےنْ سُكَ دَاوُاْ، سَيْ سُكَ ڢَطَا وَ عِيسَىٰ دُكَنْ أَبِنْدَ سُكَيِ؞ سَيْ يَطَوْكٜىٰسُ سُو كَطَيْ سُكَ تَڢِے وَنِ غَرِنْ دَ عَكٜىٰثٜىٰ دَشِ بٜىٰڟَيْدَ؞ 11دَ مُتَنٜىٰ سُكَجِ يَنَ ثَنْ، سَيْ سُكَبِيشِ؞ يَكُوَ يِمُسُ مَرَبَ، يَيِ مُسُ مَغَنَ عَكَنْ مُلْكٍ اللَّهْ، يَكُمَ وَرْكَرْدَ دُكَنْ مَاسُ بُڧَاتَ أَوَرْكَرْ دَسُو؞
12دَ رَانَ تَكُسَنْ ڢَاطُوَ، سَيْ شَا بِيُنْ سُكَذُواْ وُرِنْسَ سُكَثٜىٰ «كَسَلَّمِ مُتَنٜىٰ سُشِغَ ڧَوْيُكَ دَ كَرْكَرَ دُواْمِنْ سُنٜىٰمِ عَبِنْثِ دَ وُرِنْ ݣُونَ، دُوانْ عِنْدَ مُكٜىٰ بَا مُتَنٜىٰ؞»
13عَمَّا عِيسَىٰ يَثٜىٰ مُسُ «كُو، كُبَاسُ وَنِ أَبُ سُثِ مَنَ؞»
سَيْ سُكَثٜىٰ مَسَ «دُكْ أَبِنْدَ مُكٜىٰ دَشِ أَنَنْ بَيْ وُثٜىٰ غُرَاسَ بِيَرْ دَ كِيڢِ بِيُبَ؞ سَيْ دَيْ إِنْ ذَامُجٜىٰ مُسَيَ وَدُكَنْ جَمَعَرْ نَنْ عَبِنْثِ؞» 14غَمَا مَظَا كَطَيْ سُنْ كَيْ وَجٜىٰنْ دُبُو بِيَرْ؞
عِيسَىٰ يَثٜىٰ وَ أَلْمَجِرَنْسَ «كُغَيَ وَمُتَنٜىٰنْ سُظَظْذَوْنَ عَڧُنْغِيُواْيِ حَمْسِنْ حَمْسِنْ؞»
15سَيْ أَلْمَجِرَنْ سُكَبِے عُمَرْنِنْ سُكَسَا دُكَنْ مُتَنٜىٰ سُكَ ظَظْذَوْنَ؞ 16سَيْ عِيسَىٰ يَطَوْكِ غُرَاسَ بِيَرْ دَ كِيڢِ بِيُ طِنَّنْ، يَطَغَ كَنْسَ سَمَ يَيِ وَ اللَّهْ غُواْدِيَ، سَعَنً يَكَكَّرْيَسُ، يَبَا أَلْمَجِرَنْسَ سُرَرَّبَا وَمُتَنٜىٰنْ؞ 17دُكَ كُوَ سُكَثِ سُكَ ڧُواْشِ؞ أَلْمَجِرَنْ سُكَ ݣُوشٜىٰ سَوْرَنْدَ يَرَغُ حَرْ سُكَ ثِكَ ݣُونْدُنَ غُواْمَشَا بِيُ؞
بِتْرُسْ يَشَيْدَ عِيسَىٰ شِينٜىٰ أَلْمَسِيحُ
﴿مَتْ 16.13-19؛ مَرْ 8.27-29﴾
18وَتَرَانَ عِيسَىٰ يَنَ أَدُّعَ شِ كَطَيْ، أَلْمَجِرَنْسَ كُمَ سُكَذُواْ وُرِنْسَ؞ سَيْ يَتَمْبَيٜىٰسُ يَثٜىٰ «وَ مُتَنٜىٰ سُكٜىٰثٜىٰ دَنِے؟»
19أَلْمَجِرَنْسَ سُكَثٜىٰ مَسَ «وَطَنْسُ سُنَ ثٜىٰوَ كَيْنٜىٰ يَحْيَى مَيْ بَڢْتِسْمَ، وَطَنْسُ كُمَ سُنَ ثٜىٰوَ كَيْنٜىٰ أَنَّبِے إِلْيَاسُ؞ هَرْوَيَوْ وَطَنْسُ سُنَ ثٜىٰوَ طَيَ دَغَ ثِكِنْ أَنَّبَاوَنْ دَا نٜىٰ يَتَاشِ؞»#مَتْ 14.1-2؛ مَرْ 6.14-15؛ لُكْ 9.7-8
20سَيْ عِيسَىٰ يَثٜىٰ مُسُ «عَمَّا كُو ڢَا، وَنٜىٰنٜىٰنِے أَغَنِنْكُ؟»
بِتْرُسْ يَأَمْسَ يَثٜىٰ «كَيْنٜىٰ أَلْمَسِيحُ نَ اللَّهْ؞»#يَحـ 6.68-69
عِيسَىٰ يَڢَطَا إِرِنْ مُتُوَرْ دَ ذَيْ يِ
﴿مَتْ 16.20-28؛ مَرْ 8.30—9.1﴾
21سَيْ عِيسَىٰ يَجَا مُسُ كُنّٜىٰ سُواْسَيْ كَدَ سُغَيَ وَكُواْوَ وَنَّنْ مَغَنَ؞ 22يَسَاكٜىٰ غَيَ مُسُ ثٜىٰوَ «لَلَّيْ نٜىٰ طَنْ مُتُمْ يَشَا وُيَ إِرِ إِرِ، شُوغَبَنِّنْ جَمَعَ دَ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى سُڧِيشِ، حَرْ عَكَشٜىٰشِ، عَمَّا رَانَ تَ عُكُ عَتَاشٜىٰشِ كُمَ؞»
23سَيْيَثٜىٰ وَدُكَنْسُ «دُكْ مَيْسُواْ يَبِينِ، سَيْيَڧِ كَنْسَ، يَطَوْكِ غِثِّيٜىٰنْسَ كُواْوَثٜىٰ رَانَ، يَبِينِ؞#مَتْ 10.38؛ لُكْ 14.27 24غَمَا دُكْ وَنْدَ يَكٜىٰسُواْ يَثٜىٰثِ رَنْسَ، ذَيْ رَسَشِ؞ عَمَّا دُكْ وَنْدَ يَرَسَ رَنْسَ سَبُواْدَنِ، ذَيْثٜىٰثٜىٰشِ؞#مَتْ 10.39؛ لُكْ 17.33؛ يَحـ 12.25 25وَنٜىٰ أَمْڢَانِ نٜىٰ مُتُمْ ذَيْسَامُ، إِنْ يَسَامِ دُونِيَا دُكَ عَكَنْ هَسَرَرْ رَنْسَ كُواْ عَبَاكِنْ رَنْسَ؟ 26غَمَا دُكْ وَنْدَ يَكٜىٰ جِنْ كُنْيَاتَادَ كُمَ كُنْيَرْ مَغَنَاتَ، طَنْ مُتُمْ مَا ذَيْجِے كُنْيَرْسَ لُواْكَثِنْ دَ ذَيْذُواْ عَثِكِنْ طَوْكَكَرْسَ دَ كُمَ طَوْكَكَرْ عُبَنْسَ دَ تَمَلاَىِٕكُ مَاسُ ڟَرْكِے؞ 27حَڧِيڧَ إِنَ غَيَ مُكُ، أَݣَويْ وَطَنْسُ أَنَنْ ڟَيٜىٰ دَ بَذَاسُ مُتُبَ سَيْ سُنْ غَا مُلْكٍ اللَّهْ؞»
سَاكٜىٰوَرْ كَمَنِّنْ عِيسَىٰ
﴿مَتْ 17.1-8؛ مَرْ 9.2-8﴾
28بَايَنْ كَمَرْ ݣُونَ تَݣُوسْ دَ يِنْ وَنَّنْ مَغَنَ، سَيْ عِيسَىٰ يَطَوْكِ بِتْرُسْ دَ يَحْيَى دَ كُمَ يَعْڧُوبَ، سُكَ هَوْ كَنْ تُدُ تَرٜىٰ دُواْمِنْ سُيِ أَدُّعَ؞ 29يَنَ ثِكِنْ أَدُّعَ، سَيْ ڢُسْكَرْسَ تَثَنْجَ كَمَنِّ، رِيغُنَنْسَ كُمَ سُكَيِ ڢَرِ ڢَتْ، حَرْ سُنَ كَشٜىٰ عِدُواْ؞ 30بَا لَابَرِ سَيْغَا وَطَنْسُ مُتُمْ بِيُ سُنَ مَغَنَ دَشِ، وَتُواْ، أَنَّبِے مُوسَٰى نٜىٰ دَ أَنَّبِے إِلْيَاسُ؞ 31سُنْ بَيَّنَ دَ طَوْكَكَ، سُنَ مَغَنَ دَ عِيسَىٰ عَكَنْ يَدَّ ذَيْثِكَ نُڢِنْ اللَّهْ تَمُتُوَرْ دَ ذَيْ يِ أَ عُرُوشَلِيمَ؞ 32بِتْرُسْ تَرٜىٰدَ أَبُواْكَنْ تَڢِيَرْسَ كُوَ سُنَ بَرْثِ؞ دَ سُكَ ڢَرْكَ سَيْ سُكَغَ طَوْكَكَرْ عِيسَىٰ دَ كُمَ مُتُمْ بِيُنَّنْ دَسُكٜىٰ ڟَيٜىٰ تَرٜىٰ دَشِ؞ 33دَ مُتَنٜىٰنَّنْ ذَاسُبَرْ عِيسَىٰ كٜىٰنَنْ، سَيْ بِتْرُسْ يَثٜىٰ مَسَ «مَيْغِرْمَ، يَيِݣَوْ دَمُكٜىٰ أَنَنْ! بَرِ مُيِ بُكُّواْكِ عُكُ، طَيَ دُواْمِنْكَ، طَيَ دُواْمِنْ أَنَّبِے مُوسَٰى، طَيَ كُمَ دُواْمِنْ أَنَّبِے إِلْيَاسُ؞» بَيْ مَا سَنْ أَبِنْدَ يَكٜىٰ ڢَطَابَ؞
34بَيْ رُڢٜىٰ بَاكِبَ سَيْغَا غِرْغِجٜىٰ يَرُڢٜىٰسُ؞ دَ غِرْغِجٜىٰنْ يَرُڢٜىٰسُ، سَيْ أَلْمَجِرَنْ سُكَجِڟُواْرُواْ؞ 35سَيْ مُرْيَ تَڢِتُواْ دَغَ ثِكِنْ غِرْغِجٜىٰنْ تَنَ ثٜىٰوَ «وَنَّنْ طَانَ نٜىٰ وَنْدَ نَذَاٻَا؞ كُسَوْرَرٜىٰشِ!»#2 بِتْ 1.17-18#عِشـ 42.1؛ مَتْ 3.17؛ 12.18؛ مَرْ 1.11؛ لُكْ 3.22
36دَ مُرْيَرْ تَيِ شِضُ، سَيْ عَكَغَ عِيسَىٰ شِ كَطَيْ؞ أَلْمَجِرَنْ كُوَ سُكَيِ شِضُ دَ بَاكِنْسُ؞ عَݣُونَكِنْنَنْ كُوَ بَسُ ڢَطَا وَكُواْوَ أَبِنْدَ سُكَ غَنِبَ؞
عِيسَىٰ يَوَرْكَرْ دَ يَرُواْ مَيْ أَلْجَنِ
﴿مَتْ 17.14-18؛ مَرْ 9.14-27﴾
37وَشٜىٰغَرِ سَعَدَّ عِيسَىٰ دَ أَلْمَجِرَنَّنْ غُدَا عُكُ سُكَ سَوْكَ دَغَ كَنْ تُدُنْ، سَيْغَا وَنِ بَبَّنْ تَارُواْ يَا ذُواْ يَسَامٜىٰشِ؞ 38سَيْ وَنِ دَغَ تَارُوانْ يَيِ كِرَا دَ ڧَرْڢِے يَثٜىٰ «مَلَمْ! إِنَ ضُواْڧُوانْكَ كَجِ تَوْسَيِنْ طَنَّنْ نَوَ، شِينٜىٰ كَطَيْ نَكٜىٰ دَشِ! 39غَاشِ، وَنِ رُوحُ يَكَنْ هَوْ شِ، يَكَنْسَاشِ يَيِ إِيهُ كَوَيْ بَادَلِيلِ؞ رُوحٌ كُمَ يَكَنْ بُغٜىٰشِ، جِكِنْسَ يَنَ ضَوَ، حَرْ بَاكِنْسَ يَيِ كُمْڢَ؞ بَايَ بَرِنْسَ سَيْ يَيِ مَسَ ثِيوُاْ سُواْسَيْ؞ 40تُواْ، نَضُواْڧِ أَلْمَجِرَنْكَ سُڢِتَرْ دَشِ، عَمَّا بَسُ عِيَبَ؞»
41سَيْ عِيسَىٰ يَأَمْسَ، يَثٜىٰ «كُو مُتَنٜىٰنْ ڟَارَرْ نَنْ مَرَسَ بَنْغَسْكِيَ، مَاسُ مُغُنْتَا! حَرْ ذُوَا يَوْشٜىٰ ذَنْ ذَوْنَ دَكُو إِنَ جِمْرٜىٰ مُكُ؟ كَٰوُاْ يَرُوانْكَ أَنَنْ؞»
42يَرُوانْ يَنَ ذُوَا كٜىٰنَنْ سَيْ أَلْجَنِنْ يَطَغَشِ يَبُغَ عَڧَسَا، جِكِنْسَ يَڢَارَ ضَوَ؞ عَمَّا عِيسَىٰ يَڟَاوَتَا وَڧَظَامِنْ رُوحٌ يَوَرْكَرْدَ يَرُوانْ يَمَيْدَشِ غَ بَابَنْسَ؞ 43دُكَنْ مُتَنٜىٰنْ دَسُكٜىٰ وُرِنْ سُكَ كَامَ بَاكِ سُنَ مَامَاكِنْ إِيكُوانْ اللَّهْ؞
عِيسَىٰ يَسَاكٜىٰ يِنْ مَغَنَ غَمٜىٰدَ مُتُوَرْسَ
﴿مَتْ 17.22-23؛ مَرْ 9.30-32﴾
مُتَنٜىٰ سُنَ ثِكِنْ مَامَاكِنْ أَبُبُوَنْ دَ عِيسَىٰ يَكٜىٰيِ، سَيْيَثٜىٰ وَ أَلْمَجِرَنْسَ، 44«كُكَسَ كُنّٜىٰ غَ أَبِنْدَ ذَنْ ڢَطَا مُكُ! ذَاعَ بَادَ طَنْ مُتُمْ غَ حَنُّنْ مُتَنٜىٰ؞» 45عَمَّا أَلْمَجِرَنْ بَسُ غَانٜىٰ أَبِنْدَ يَكٜىٰ نُڢِ دَ وَنَّنْ مَغَنَبَ، أَنْٻُواْيٜىٰ مُسُ عِتَ نٜىٰ دُواْمِنْ كَدَ سُغَانٜىٰ؞ سُو كُمَ سُكَجِڟُواْرُواْ سُتَمْبَيٜىٰشِ غَمٜىٰدَ وَنَّنْ مَغَنَ؞
وَيَڢِ غِرْمَ؟
﴿مَتْ 18.1-5؛ مَرْ 9.33-37﴾
46سَيْ مُسُو يَتَاشِ أَڟَكَانِنْ أَلْمَجِرَنْ عَكَنْ كُواْ وَنٜىٰنٜىٰ عَثِكِنْسُ يَڢِ غِرْمَ؞#لُكْ 22.24 47عِيسَىٰ يَغَانٜىٰ تُنَانِنْسُ، سَيْ يَطَوْكِ وَنِ طَنْ ڧَرَمِنْ يَرُواْ، يَسَا شِ يَڟَيَ كُسَدَشِ، 48يَثٜىٰ مُسُ «دُكْ وَنْدَ يَكَرْٻِ وَنَّنْ طَنْ يَرُواْ سَبُواْدَنِ، يَكَرْٻٜىٰنِنٜىٰ، كُمَ دُكْ وَنْدَ يَكَرْٻٜىٰنِ، يَكَرْٻِ وَنْدَ يَعَيْكُواْ نِنٜىٰ؞ دُواْمِنْ وَنْدَ يَڢِ ڧَنْڧَنْتَ عَثِكِنْكُ دُكَ، شِينٜىٰ يَڢِ غِرْمَ؞»#مَتْ 10.40؛ لُكْ 10.16؛ يَحـ 13.20
دُكْ وَنْدَ بَايَ غَابَادَكُو، نَاكُ نٜىٰ
﴿مَرْ 9.38-40﴾
49سَيْ يَحْيَى يَثٜىٰ «مَيْغِرْمَ، مُنْ غَا وَنِ يَنَ ڢِتَرْدَ أَلْجَنُ عَثِكِنْ سُونَنْكَ، مُكَ هَنَشِ، دُوانْ بَايَ بِنْمُ؞»
50 عِيسَىٰ يَأَمْسَ، يَثٜىٰ «كَدَ كُهَنَشِ، أَيْ، دُكْ وَنْدَ بَايَ غَابَادَكُو، نَاكُ نٜىٰ؞»
سَمَرِيَاوَنْ وَنِ ڧَوْيٜىٰ سُنْڧِے سُكَرْٻِ عِيسَىٰ
51دَ لُواْكَثِ يَيِكُسَدَ عِيسَىٰ ذَيْ كُواْمَ ذُوَا سَمَ، سَيْ يَسَا كَيْ ذُوَا عُرُوشَلِيمَ؞ 52سَيْ يَعَيْكِ یَنْ عَيْكَ سُيِ غَبَ، سُو كُوَ سُكَجٜىٰ ثِكِنْ وَنِ ڧَوْيٜىٰ نَ سَمَرِيَ، دُواْمِنْ سُشِشِرْيَ مَسَ أَبُبُوَ؞ 53عَمَّا مُتَنٜىٰنْ ڧَوْيٜىٰنْ سُكَڧِ سُكَرْٻٜىٰشِ، دُواْمِنْ يَسَا كَيْ ذُوَا عُرُوشَلِيمَ؞ 54دَ أَلْمَجِرَنْسَ يَعْڧُوبَ دَ يَحْيَى سُكَغَ حَكَ، سَيْ سُكَثٜىٰ «عُبَنْغِجِ، كَنَ سُواْ مُ عُمَرْثِ وُتَا يَسَوْكَ دَغَ سَمَ يَثِنْيٜىٰسُ؟»#9.54 وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا سُنْ ڧَارَ «كَمَرْ يَدَّ أَنَّبِے إِلْيَاسُ يَيِ؞»#2 سَرْ 1.9-16
55عَمَّا عِيسَىٰ يَجُويَ، يَڟَاوَتَا مُسُ؞#9.55وَطَنْسُ كُواْڢٜىٰ نَرُبُوثٜىٰ رُبُوثٜىٰنْ حَنُّ نَدَا سُنْ ڧَارَ دَ ثٜىٰوَ «بَكُسَنْ إِرِنْ رُوحٌ دَ كُكٜىٰ دَشِيبَ؞ طَنْ مُتُمْ بَيْ ذُواْ دُواْمِنْ يَهَلَّكَ رَايُكَنْ مُتَنٜىٰ بَنٜىٰ، عَمَّا يَثٜىٰثٜىٰسُ؞» 56سَيْ سُكَجٜىٰ وَنِ ڧَوْيٜىٰ؞
مَاسُ ثٜىٰوَ ذَاسُبِے عِيسَىٰ
﴿مَتْ 8.19-22﴾
57دَ سُنَ كَنْ حَنْيَ، سَيْ وَنِ مُتُمْ يَثٜىٰ وَ عِيسَىٰ «ذَنْبِيكَ دُكْ عِنْدَ ذَاكَ؞»
58 عِيسَىٰ يَأَمْسَمَسَ يَثٜىٰ «كَرْنُكَنْ دَاجِ سُنَدَ رَامُكَنْسُ، ڟُنْڟَيٜىٰ كُمَ سُنَدَ وُرِنْ ݣُونَنْسُ، عَمَّا طَنْ مُتُمْ بَاشِ دَ وُرِنْ ݣُونَ؞»
59يَكُمَثٜىٰ وَوَنِ «بِينِ؞» عَمَّا مُتُمِنَّنْ يَثٜىٰ «مَيْغِرْمَ، بَرِ إِنْجٜىٰ إِنْبِنّٜىٰ بَابَنَ تُكُنَ؞»
60 عِيسَىٰ يَأَمْسَ مَسَ يَثٜىٰ «بَرِ وَطَنْدَ سُكَ مُتُ سُبِنّٜىٰ یَنْعُوَنْسُ مَتَتُّو؞ عَمَّا كَيْ، كَجٜىٰ كَيِ شٜىٰلَرْ مُلْكٍ اللَّهْ؞»
61وَنِ مُتُمْ كُمَ يَثٜىٰ «نِے ذَنْبِيكَ، مَيْغِرْمَ، عَمَّا كَبَرْنِ إِنْجٜىٰ إِنْيِ بَنْݣُونَ دَ مُتَنٜىٰنْ غِدَانَ تُكُنَ؞»#1 سَرْ 19.20
62 عِيسَىٰ يَثٜىٰمَسَ «دُكْ وَنْدَ يَڢَارَ نُواْمَ دَ كٜىٰكٜىٰنْ نُواْمَ، يَنَ كُمَ دُوبَنْ بَايَ، بَيْ دَاثٜىٰ دَ مُلْكٍ اللَّهْ بَ؞»
अहिले सेलेक्ट गरिएको:
لُكَّ 9: hauAS
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Hausa Common Language Ajami Bible © The Bible Society of Nigeria, 2020
