لُكَّ 6

تَمْبَيَ عَكَنْ كِيَايٜىٰ رَانَرْ هُوتُ

﴿مَتْ 12‏.1‏-8؛ مَرْ 2‏.23‏-28﴾

1وَتَ رَانَرْ هُوتُ تَمَكُواْ عِيسَىٰ دَ أَلْمَجِرَنْسَ سُكَبِے تَغُواْنَكِنْ حَڟِنْ أَلْكَمَ، سَيْ أَلْمَجِرَنْ سُكَ كَرْيَ وَطَنْسُ كَنْ أَلْكَمَ سُنَ مُرْجٜىٰوَ سُنَثِ؞ #مَيْ شَـ 23‏.25 2سَيْ وَطَنْسُ ڢَرِسِيَاوَا سُكَثٜىٰ ‏«‏مٜىٰيَسَا كُكٜىٰيِنْ أَبِنْدَ كُواْيَرْوَرْ مُوسَٰى تَحَنَ عَيِ أَ رَانَرْ هُوتُ تَمَكُواْ؟»‏

3 عِيسَىٰ يَأَمْسَ مُسُ يَثٜىٰ ‏«‏أَشٜىٰ، بَكُ كَرَنْتَ أَبِنْدَ دَاوُدَ يَيِبَ سَعَدَّ شِ تَرٜىٰدَ مُتَنٜىٰنْسَ سُكَجِ يُنْوَ؟ 4يَدَّ دَاوُدَ يَشِغَ غِدَنْ اللَّهْ، يَطَوْكِ غُرَاسَرْ دَ عَكَ كٜىٰٻٜىٰ، يَثِ، حَرْ مَا يَبَا أَبُواْكَنْ تَڢِيَرْسَ أَبِنْدَ بَيْ كَمَاتَ كُواْوَ يَثِبَ سَيْ ڢِرِسْتُواْثِے كَطَيْ؟»‏ #1 سَمْ 21‏.1‏-6 #لِـ ڢِرْ 24‏.9

5سَيْ يَغَمَ مَغَنَرْ نَنْ دَ ثٜىٰوَ ‏«‏أَيْ، طَنْ مُتُمْ عُبَنْ‌غِجِ نٜىٰ نَ رَانَرْ هُوتُ تَمَكُواْ؞»‏

مَيْ شَنْيَيّٜىٰنْ حَنُّ

﴿مَتْ 12‏.9‏-14؛ مَرْ 3‏.1‏-6﴾

6أَوَتَ رَانَرْ هُوتُ تَمَكُواْ كُمَ، عِيسَىٰ يَشِغَ مَجَمِعَ يَنَ كُواْيَرْوَا؞ أَݣَويْ وَنِ مُتُمْ أَوُرِنْ وَنْدَ حَنُّنْ دَامَنْسَ يَشَنْيٜىٰ؞ 7سَيْ مَلَمً كُواْيَرْوَرْ مُوسَٰى دَ ڢَرِسِيَاوَا سُكَ ظُبَ عِدُواْ، سُغَ كُواْ عِيسَىٰ ذَيْ يِوَرْكَرْوَ أَ رَانَرْ هُوتُ، دُواْمِنْ سُسَامٜىٰشِ دَ لَيْڢِے؞ 8عَمَّا عِيسَىٰ يَسَنْ أَبِنْدَ سُكٜىٰ تُنَانِ؞ سَيْ يَثٜىٰ وَمُتُمِنَّنْ ‏«‏تَاشِ كَذُواْ كَڟَيَ أَنَنْ؞»‏ سَيْ مُتُمِنْ يَتَاشِ يَذُواْ يَڟَيَ أَوُرِنْ؞ 9عِيسَىٰ يَثٜىٰ مُسُ ‏«‏إِنَ تَمْبَيَرْكُ، مٜىٰنٜىٰنٜىٰ يَدَاثٜىٰ عَيِ أَ رَانَرْ هُوتُ؟ عَيِ أَلْحٜىٰرِ كُواْ عَيِ مُغُنْتَا؟ عَثٜىٰثِ رَيْ، كُواْ أَ هَلَكَاشِ؟»‏ 10سَيْ يَدُدُّوبٜىٰسُ دُكَ، سَعَنً يَثٜىٰ وَمُتُمِنْ ‏«‏كَمِيڧَ حَنُّنْكَ؞»‏ شِے كُوَ يَمِيڧٜىٰ حَنُّنْ، سَيْ حَنُّنْسَ يَوَرْكٜىٰ؞

11سَيْ هَوْشِ يَكَامَ ڢَرِسِيَاوَا دَ مَلَمً كُواْيَرْوَرْ مُوسَٰى سُواْسَيْ، سُكَ ڢَارَ مَغَنَ دَ جُونَنْسُ عَكَنْ أَبِنْدَ ذَاسُيِ دَ عِيسَىٰ؞

عِيسَىٰ يَذَاٻِ أَلْمَجِرَيْ شَا بِيُ

﴿مَتْ 10‏.1‏-4؛ مَرْ 3‏.13‏-19﴾

12عَݣُونَكِنْنَنْ، عِيسَىٰ يَجٜىٰ يَهَوْ بَبَّنْ تُدُ دُواْمِنْ يَيِ أَدُّعَ؞ يَݣُونَ يَنَ أَدُّعَ غَ اللَّهْ؞ 13دَ غَرِ يَوَايٜىٰ، سَيْ يَكِرَا أَلْمَجِرَنْسَ، يَذَاٻِ غُدَا غُواْمَشَا بِيُ دَغَ ثِكِنْسُ، وَطَنْدَ يَثٜىٰدَسُو مَنْذَنِّے؞ غَا سُونَيٜىٰنْسُ،

14سِيمَنْ، وَنْدَ عِيسَىٰ يَسَا مَسَ سُونَ بِتْرُسْ،

أَنْدَرَوُسْ طَنْعُوَنْ بِتْرُسْ،

يَعْڧُوبَ،

يَحْيَى،

ڢِلِبُسْ،

بَرْتَلُواْمِ،

15مَتِيُ،

تُواْمَ،

يَعْڧُوبَ طَنْ هَلْڢَ،

سِيمَنْ، وَنْدَ عَكٜىٰثٜىٰ دَشِ مَيْ كِيشِنْ ڧَسَرْسَ،

16يَهُودَ طَنْ يَعْڧُوبَ،

يَهُودَ إِسْكَرِيُواْتِ، وَنْدَ يَبَاشٜىٰشِ؞

عِيسَىٰ يَكُواْيَرْ دَ مُتَنٜىٰ، يَكُمَ وَرْكَرْ دَسُو

﴿مَتْ 4‏.23‏-25﴾

17سَيْ عِيسَىٰ يَسَوْكُواْ تَرٜىٰدَ مَنْذَنِّےنْسَ، يَڟَيَ أَوَنِ وُرِے مَيْ ڢِيلِ سُواْسَيْ، تَرٜىٰدَ مُتَنٜىٰ دَيَوَ وَطَنْدَ سُكٜىٰ أَلْمَجِرَنْسَ؞ أَ نَنْ كُمَ غَا مُتَنٜىٰ دَيَوَ دَ سُكَذُواْ دَغَ كُواْعِنَ عَيَنْكِنْ يَهُودِيَ دَ عُرُوشَلِيمَ دَ كُمَ يَنْكِنْ غَرُضُوً تَيَ دَ سِدُوانْ وَطَنْدَ سُكٜىٰ عَبَاكِنْ بَبَّرْ تٜىٰكُ؞ 18سُنْ ذُواْ دُواْمِنْ سُجِيشِ، سُكُمَ سَامِ وَرْكٜىٰوَ دَغَ دُكَنْ ثُوتُتُّكَنْسُ؞ عَكَ كُمَ وَرْكَرْدَ مُتَنٜىٰنْ دَ ڧَظَامَنْ رُوحُواْحِ سُكٜىٰ دَامُنْسُ؞ 19كُواْوَ يَيِ ڧُواْڧَرِ يَتَٻَشِ، دُواْمِنْ إِيكُواْ يَنَ ڢِتُواْوَ دَغَ غَرٜىٰشِ، يَكُوَ وَرْكَرْ دَسُو دُكَ؞

أَلْبَرْكُ

﴿مَتْ 5‏.1‏-12﴾

20سَيْ عِيسَىٰ يَدُوبِے أَلْمَجِرَنْسَ يَثٜىٰ،

‏«‏مَاسُ أَلْبَرْكَنٜىٰ، كُو مَتَلَوْتَ،

غَمَا مُلْكٍ اللَّهْ نَاكُنٜىٰ!‏

21مَاسُ أَلْبَرْكَنٜىٰ كُو دَ كُكٜىٰ جِنْ يُنْوَ يَنْذُ،

غَمَا ذَاكُ ڧُواْشِ!‏

مَاسُ أَلْبَرْكَنٜىٰ كُو دَ كُكٜىٰ كُوكَا يَنْذُ،

غَمَا ذَاكُيِ دَارِيَا!‏

22مَاسُ أَلْبَرْكَنٜىٰ كُو عِدَنْ مُتَنٜىٰ سُكَڧِيكُ،

سُكَ وَارٜىٰكُ، سُنَ ذَاغِنْكُ،

سُنَ ثٜىٰوَ كُو مُوغَيٜىٰنٜىٰ سَبُواْدَ طَنْ مُتُمْ!‏ #1 بِتْ 4‏.14

23‏«‏إِنْ وَنَّنْ يَڢَرُ، كُيِ ڢَضٍ ثِكِ!‏ كُكُمَيِ ضَوَ دُواْمِنْ ڢَضٍ ثِكِ، غَمَا لَادَنْكُ يَنَ دَيَوَ أَ سَمَ؞ غَمَا حَكَ كَاكَنِّنْسُ مَا سُكَيِ وَ أَنَّبَاوَنْ دَ سُكَ رِغَاكُ؞»‏ #2 تَارْ 36‏.16؛ أَيُّكَنْ 7‏.52

أَلْعَمُرَنْ كَيْتُواْ

24‏«‏عَمَّا كَيْتُوانْكُ،

كُو دَ كُكٜىٰ دَ أَرْزِڧِ يَنْذُ،

غَمَا كُنْ رِغَا كُنْجِ دَاطِنْكُ كُواْ!‏

25كَيْتُوانْكُ، كُو دَ كُكَ ڧُواْشِ يَنْذُ،

غَمَا ذَاكُ ذَوْنَ دَ يُنْوَ!‏

كَيْتُوانْكُ، كُو دَ كُكٜىٰ دَارِيَا يَنْذُ،

غَمَا ذَاكُيِ بَڧِنْ ثِكِ، كُنَ كُوكَا!‏

26كَيْتُوانْكُ، كُو دَ مُتَنٜىٰ سُكٜىٰ يَبُوانْكُ،

غَمَا حَكَ كَاكَنِّنْسُ مَا سُكَيِ وَ أَنَّبَاوَنْ ڧَضْيَا؞»‏

كُنُونَ ڧَوْنَ غَ مَاسُ غَابَادَكُو

﴿مَتْ 5‏.38‏-48؛ 7‏.12﴾

27‏«‏إِنَ غَيَ مُكُ، كُو دَ كُكٜىٰ جِنَ، كُڧَوْنَثِ مَاسُ غَابَادَكُو، كُيِ وَ وَطَنْدَ بَاسَ سُوانْ غَنِنْكُ أَلْحٜىٰرِ؞ 28كُسَا وَمَاسُ ذَاغِنْكُ أَلْبَرْكَ، كُكُمَيِ وَمَاسُ بَاكُ وَهَلَ أَدُّعَ؞ 29عِدَنْ وَنِ يَمَرٜىٰكَ أَوَنَّنْ كُمَتُ، كَجُويَا مَسَ طَيَنْ مَا؞ عِدَنْ وَنِ يَڨُوثٜىٰ مَكَ بَبَّرْ رِغَا، كَثِرٜىٰ رِغَرْ ثِكِنْ مَا كَبَاشِ؞ 30دُكْ وَنْدَ يَضُواْڧٜىٰكَ أَبُ، كَبَاشِ؞ وَنْدَ كُمَ يَيِ مَكَ ڨُوثٜىٰ، كَدَ مَا كَنٜىٰمِ أَ مَيَرْ مَكَ؞ 31كُيِ وَمُتَنٜىٰ أَبِنْدَ كُكٜىٰسُواْ سُيِمُكُ؞ #مَتْ 7‏.12

32‏«‏عِدَنْ كُنَ ڧَوْنَرْ وَطَنْدَ سُكٜىٰ ڧَوْنَرْكُ نٜىٰ كَوَيْ، يَيَ ذَاكُ سَامِ أَلْبَرْكَ؟ كُواْ مَاسُ ذُنُوبِ مَا سُنَ ڧَوْنَرْ وَطَنْدَ سُكٜىٰ ڧَوْنَرْسُ نٜىٰ!‏ 33عِدَنْ كُمَ كُنَ يِنأَلْحٜىٰرِ غَ مَاسُ يِمُكُ نٜىٰ كَوَيْ، يَيَ ذَاكُ سَامِ أَلْبَرْكَ؟ كُواْ مَاسُ ذُنُوبِ مَا سُنَيِنْ حَكَ؞ 34إِنْ كُمَ مُتَنٜىٰنْ دَ ذَاسُ عِيَ بِيَنْكُ نٜىٰ كُكٜىٰبَاسُ بَاشِ، يَيَ ذَاكُ سَامِ أَلْبَرْكَ؟ كُواْ مَاسُ ذُنُوبِ مَا سُنَ بَادَ بَاشِ غَ مَاسُ ذُنُوبِ دُوانْ عَبِيَسُ دَيْدَيْ!‏ 35عَمَّا كُو، كُڧَوْنَثِ مَاسُ غَابَادَكُو، كُكُمَيِ مُسُ أَلْحٜىٰرِ، كُبَادَ بَاشِ بَدَنُڢِ سَيْ أَنْبِيَكُبَ؞ تَيِنْ حَكَنٜىٰ ذَاكُسَامِ لَادَ مَيْ يَوَ، كُكُمَ ذَمَ یَیَنْ اللَّهْ مَڢِے طَوْكَكَ؞ غَمَا شِے مَيْ أَلْحٜىٰرِ نٜىٰ غَ مُتَنٜىٰنْ دَ بَاسَغُواْدِيَ دَ كُمَ مُوغَيٜىٰ؞ 36كُذَمَ مَاسُ تَوْسَيِ كَمَرْ يَدَّ عُبَنْكُ يَكٜىٰ مَيْ تَوْسَيِ؞

كَدَ كُبَا كُواْوَ لَيْڢِ

﴿مَتْ 7‏.1‏-5﴾

37‏«‏كَدَ كُشَرْعَنْتَ كُواْوَ، كُو كُمَ بَذَاعَيِ مُكُبَ؞ كَدَ كُحُكُنْتَ كُواْوَ، كُو كُمَ بَذَاعَ حُكُنْتَ كُبَ؞ كُيَاڢٜىٰ وَكُواْوَ، كُو كُمَ ذَاعَ يَاڢٜىٰ مُكُ؞ 38كُبَايَرْ، كُو مَا ذَاعَ بَاكُ مُودُ عَثِكٜىٰ، عَثِكَ حَرْ يَيِ تُدُ يَنَ ظُبَ، حَرْ أَ جُويٜىٰ مُكُ سَوْرَنْ أَهَنُّنْ رِغَا؞ غَمَا دَ مُودُنْ دَ كُكٜىٰ عَوْنَاوَا مُتَنٜىٰ دَشِ، دَشِے ذَاعَ عَوْنَ مُكُ؞»‏

39 عِيسَىٰ يَكُمَبَاسُ وَنِ مِصَالِ يَثٜىٰ ‏«‏مَكَهُواْ ذَيْ عِيَيِ وَوَنِ مَكَهُواْ جَغُواْرَ؟ عِدَنْ يَا يِهَكَ، تُواْ، دُكَنْسُ ذَاسُ ڢَاطِ أَ رَامِ؞ #مَتْ 15‏.14 40بَا طَنْ مَكَرَنْتَنْدَ يَڢِ مَلَمِنْسَ، عَمَّا كُواْوَنٜىٰ طَنْ مَكَرَنْتَ وَنْدَ يَغَمَ كَرَاتُنْسَ، ذَيْذَمَ كَمَرْ مَلَمِنْسَ؞ #مَتْ 10‏.24‏-25؛ يَحـ 13‏.16؛ 15‏.20

41‏«‏دُوانْمٜىٰ كَكٜىٰ غَنِنْ طَنْ ڟِنْكٜىٰنْ دَيَكٜىٰ أَعِدُوانْ طَنْعُوَنْكَ، عَمَّا بَكَ كُلَ دَ غُنْ‌غُمٜىٰنْ دَيَكٜىٰ ثِكِنْ عِدُوانْكَبَ؟ 42يَيَ كُمَ ذَاكَ عِيَثٜىٰ وَطَنْعُوَنْكَ، ‏‹‏كَيْ، طَنْعُوَنَ، بَرِ إِنْثِرٜىٰ مَكَ طَنْ ڟِنْكٜىٰنَّنْ دَيَكٜىٰ عِدُوانْكَ،›‏ بَايَنْ كُمَ بَكَ عِيَ غَنِنْ غُنْ‌غُمٜىٰنْ دَيَكٜىٰ أَ نَاكَ عِدُوانْ بَ؟ كَيْ مُنَاڢُكِ!‏ كَڢَارَ ثِرٜىٰ غُنْ‌غُمٜىٰنْ دَيَكٜىٰ ثِكِنْ عِدُوانْكَ تُكُنَ، دُوانْ كَاعِيَ غَنِ سُواْسَيْ يَدَّ ذَاكَ عِيَ ثِرٜىٰ طَنْ ڟِنْكٜىٰنْ دَيَكٜىٰ ثِكِنْ عِدُوانْ طَنْعُوَنْكَ؞

أَنَ سَنِنْ إِتَاثٜىٰ تَ إِرِنْ یَیَنْسَ

﴿مَتْ 7‏.16‏-20؛ 12‏.33‏-35﴾

43‏«‏إِتَاثٜىٰ مَيْݣَوْ بَا يَيِنْ یَیَ مَرَسَ ݣَوْ، كُمَ مُومُّنَنْ إِتَاثٜىٰ بَا يَيِنْ یَیَ مَاسُ ݣَوْ؞ 44أَنَ سَنِنْ كُواْوَنٜىٰ إِتَاثٜىٰ تَ إِرِنْ یَیَنْسَ؞ بَايَدَّ ذَاعَ ڟِنْكٜىٰ ٻَوْرٜىٰ أَجِكِنْ ڧَيَ، كُواْ كُوَ إِنَبِے أَجِكِنْ إِتَاثٜىٰنْ ڧَيَ؞ #مَتْ 12‏.33 45مُتُمِنْ كِرْكِ يَنَ ڢِتَرْدَ أَبُبُوَ مَاسُ ݣَوْ دَغَ أَجِيَرْ أَبُبُوَ مَاسُ ݣَوْ وَطَنْدَ سُكٜىٰ أَ ذُوثِيَارْسَ؞ عَمَّا مُوغُنْ مُتُمْ يَنَ ڢِتَرْدَ أَبُبُوَ مَرَسَ ݣَوْ دَغَ أَجِيَرْ أَبُبُوَ مَرَسَ ݣَوْ وَطَنْدَ سُكٜىٰ أَ ذُوثِيَارْسَ؞ أَبِنْ دَيَكٜىٰ ثِكِنْ ذُوثِيَا، أَيْ، شِے يَكٜىٰ ڢِتُواْوَ عَبَاكِ؞ #مَتْ 12‏.35

مُتَنٜىٰ بِيُ مَاسُ غِنِ

﴿مَتْ 7‏.24‏-27﴾

46‏«‏دُوانْمٜىٰ كُكٜىٰثٜىٰ دَنِے ‏‹‏عُبَنْ‌غِجِ، عُبَنْ‌غِجِ،›‏ عَمَّا كُنْڧِ يِنْ أَبِنْدَ نَثٜىٰ كُيِ؟ 47دُكْ وَنْدَ يَذُواْ وُرِينَ يَسَوْرَرَتَ، يَكُمَيِ أَبِنْدَ نَثٜىٰ يَيِ، ذَنْ ݣُوتَنْتَا مُكُ يَدَّ مُتُمِنَّنْ يَكٜىٰ؞ 48شِے كَمَرْ مُتُمْ نٜىٰ وَنْدَ دَ ذَيْ غِنَا غِدَنْسَ، سَيْ يَحَڧَ ڧَسَا دَ ظُرْڢِ، يَكُمَ كَڢَ تُوشٜىٰنْ غِنِنْ عَكَنْ دُوڟٜىٰ؞ دَ عَكَيِ أَمْبَلِيَرْ ضُوَ، سَيْ تَبُغِ غِدَنْ، عَمَّا بَتَ عِيَ غِرْغِظَ غِدَنْبَ، سَبُواْدَ أَنْ‌غِنَاشِ دَݣَوْ؞ 49عَمَّا دُكْ وَنْدَ يَجِ مَغَنَاتَ بَيْكُمَيِ أَبِنْدَ نَثٜىٰ يَيِبَ دَيْدَيْ يَكٜىٰ دَ مُتُمِنْدَ يَغِنَ غِدَنْسَ بَاتَرٜىٰدَ يَيِ وَغِدَنَّنْ تُوشٜىٰ مَيْݣَوْبَ؞ دَ عَكَيِ أَمْبَلِيَرْ ضُوَ، سَيْ تَبُغِ غِدَنْ، سَيْ يَڢَاطِ غَبَاطَيَ؞ ڢَاطُوَرْ غِدَنَّنْ كُوَ تَيِ مُونِ سُواْسَيْ؞»‏

अहिले सेलेक्ट गरिएको:

لُكَّ 6: hauAS

हाइलाइट

शेयर गर्नुहोस्

कपी गर्नुहोस्