لُكَّ 5

عِيسَىٰ يَكِرَا أَلْمَجِرَنْسَ نَڢَرْكُواْ

﴿مَتْ 4‏.18‏-22؛ مَرْ 1‏.16‏-20﴾

1وَتَرَانَ عِيسَىٰ يَنَ ڟَيٜىٰ أَغٜىٰڢٜىٰنْ تٜىٰكُنْ جَنِيسَرَتْ؞ مُتَنٜىٰ سُكَيِ تَمَڟَاوَا كُسَدَشِ دُواْمِنْ سُجِ كَلْمَرْ اللَّهْ؞ 2عِيسَىٰ يَغَ جِضَاغٜىٰ بِيُ عَ أَجِيٜىٰ عَبَاكِنْ تٜىٰكُنْ؞ مَاسُ كَامُنْ كِيڢِنْ كُوَ سُنْ ڢِتَ سُنَ وَنْكٜىٰ رَاغَرْسُ تَكَامُنْ كِيڢِ؞ 3سَيْ عِيسَىٰ يَشِغَ طَيَ دَغَ ثِكِنْ جِضَاغٜىٰنْ، وَنْدَ يَكٜىٰ نَ بِتْرُسْ، يَكُمَ ضُواْڧٜىٰشِ يَتُورَ جِضْغٍ ذُوَا ثِكِنْ ضُوَ كَطَنْ؞ سَيْ يَذَوْنَ عَثِكِ يَنَ كُواْيَ وَمُتَنٜىٰ؞ #مَتْ 13‏.1‏-2؛ مَرْ 3‏.9‏-10؛ 4‏.1

4دَ يَغَمَ مَغَنَ، سَيْيَثٜىٰ وَ بِتْرُسْ ‏«‏كَڧَارَ تُورَ جِضْغٍ ذُوَا عِنْدَ أَݣَويْ ظُرْڢِ، كُسَكِ رَاغَرْ كَامُنْ كِيڢِنْكُ، كُجَٰوُاْ كِيڢِ؞»‏

5بِتْرُسْ يَثٜىٰ مَسَ ‏«‏يَا مَيْغِرْمَ، أَيْ، تُنْدَدَرٜىٰ مُنَ أَنَنْ مُنَ ڢَامَ بَمُ كَامَ كُواْمٜىٰبَ، عَمَّا إِنْكَثٜىٰ حَكَ، تُواْ، ذَنْيِ؞»‏ #يَحـ 21‏.3 6دَ سُكَسَا رَاغَرْ كَامُنْ كِيڢِنْ، سَيْ سُكَ كَامَ كِيڢِ دَيَوَ حَرْ رَاغَرْ كَامُنْ كِيڢِنْ تَڢَارَ ڟِنْڟِنْكٜىٰوَ؞ #يَحـ 21‏.6 7غَنِنْ حَكَ، سَيْ سُكَ كِرَا أَبُواْكَنْسُ نَطَيَنْ جِضْغٍ سُذُواْ سُتَيْمَكٜىٰسُ؞ سُكَذُواْ سُكَ ثِثِّكَ جِضَاغٜىٰنْ بِيُ دَ كِيڢِ، حَرْ جِضَاغٜىٰنْ سُكَ كُسَ نُڟٜىٰوَ سَبُواْدَ نَوْيِ؞ 8دَ بِتْرُسْ يَغَ أَبِنْدَ يَڢَرُ، سَيْ يَدُرْڧُسَ أَغَبَنْ عِيسَىٰ يَثٜىٰ ‏«‏رَبُ دَنِے، يَا عُبَنْ‌غِجِ!‏ غَمَا نِے مَيْ ذُنُوبِنٜىٰ!‏»‏

9غَمَا شِے دَ وَطَنْدَ سُكٜىٰ تَرٜىٰ دَشِ دُكَ، مَامَاكِ يَكَامَسُ سُواْسَيْ سَبُواْدَ يَوَنْ كِيڢِنَّنْ دَ سُكَ كَامَ، 10حَكَمَا يَعْڧُوبَ دَ يَحْيَى، یَیَنْ ظَبَدِ، أَبُواْكَنْ عَيْكِنْ بِتْرُسْ؞ سَيْ عِيسَىٰ يَثٜىٰ وَ بِتْرُسْ ‏«‏كَدَ كَجِڟُواْرُواْ دَغَ يَنْذُ مُتَنٜىٰنٜىٰ ذَاكَ دِنْ‌غَ كَمُواْوَ، بَكِيڢِبَ؞»‏

11سَيْ سُكَ جَٰوُاْ جِضَاغٜىٰنْسُ ذُوَا غٜىٰڢٜىٰنْ تٜىٰكُنْ، سُكَ بَرْ كُواْمٜىٰ دَكُواْمٜىٰ سُكَبِے عِيسَىٰ؞

عِيسَىٰ يَڟَبْتَثٜىٰ مَيْ ثُوتَرْ ڢَتَرْ جِكِے

﴿مَتْ 8‏.1‏-4؛ مَرْ 1‏.40‏-45﴾

12وَتَرَانَ عِيسَىٰ يَنَ أَوَنِ غَرِ، سَيْغَا وَنِ مُتُمِنْ دَ ثُوتَرْ ڢَتَرْ جِكِے تَثِ ڧَرْڢِنْسَ يَذُواْ؞ دَ غَنِنْ عِيسَىٰ، سَيْ يَدُرْڧُسَ، يَضُواْڧٜىٰشِ، يَنَ ثٜىٰوَ ‏«‏يَا مَيْغِرْمَ، عِدَنْ كَا يَرْدَ، كَنَ عِيَ كَڟَبْتَثٜىٰنِ إِنْ ذَمَ مَرَرْ ڧَظَنْتَا!‏»‏#5‏.12كَڟَبْتَثٜىٰنِ: بِسَغَ أَدِّينِنْ يَهُودَاوَا مَيْ ثُوتَرْ ڢَتَرْ جِكِے مَيْ ڧَظَنْتَا نٜىٰ، بَايَ عِيَ يَشِغَ هَيْكَلِ؞ #لِـ ڢِرْ 14‏.1‏-32

13 عِيسَىٰ يَمِيڧَ حَنُّنْسَ يَتَٻَشِ، يَنَ ثٜىٰوَ ‏«‏نَيَرْدَ، نَڟَبْتَثٜىٰكَ، كَا ذَمَ مَرَرْ ڧَظَنْتَا!‏»‏ نَنْ دَنَنْ، سَيْ ثُوتَرْ ڢَتَرْ جِكِنْسَ تَبَرْ شِ؞ 14سَيْ عِيسَىٰ يَعُمَرْثٜىٰشِ يَثٜىٰ ‏«‏كَدَ كَغَيَوَ كُواْوَ، عَمَّا كَجٜىٰ كَنُونَ كَنْكَ أَوُرِنْ ڢِرِسْتِ، كَكُمَيِ هَدَايَ كَمَرْ يَدَّ مُوسَٰى يَثٜىٰ عَيِ دُوانْ ڟَبْتَثٜىٰوَ؞ كَيِ حَكَ دُوانْ كَتَبَّتَرْ وَجَمَعَ ثٜىٰوَ أَنْڟَبْتَثٜىٰكَ؞»‏ #لِـ ڢِرْ 14‏.1‏-32

15عَمَّا دُكْدَهَكَ سَيْ غَبَ غَبَ لَابَرِنْ عِيسَىٰ يَكٜىٰ تَيِ، مُتَنٜىٰ دَيَوَ سُكَ دِنْ‌غَ ذُوَا دُواْمِنْ سُجِيشِ، سُنَ نٜىٰمَنْ وَرْكٜىٰوَ دَغَ دُكَنْ ثُوتُتُّكَنْسُ؞ 16عَمَّا عِيسَىٰ يَكَنْ تَڢِے وَنِ وُرِنْ دَ بَابُ كُواْوَ دُواْمِنْ يِنْ أَدُّعَ؞

عِيسَىٰ يَوَرْكَرْ دَ شَنْيَيّٜىٰ

﴿مَتْ 9‏.1‏-8؛ مَرْ 2‏.1‏-12﴾

17وَتَرَانَ عِيسَىٰ يَنَ كُواْيَرْوَا سَيْ وَطَنْسُ ڢَرِسِيَاوَا#5‏.17 ڢَرِسِيَاوَا: دُوبِے مَعَنَرْ وَطَنْسُ كَلْمُواْمِ؞ دَ مَلَمً كُواْيَرْوَرْ مُوسَٰى#5‏.17 مَلَمً كُواْيَرْوَرْ مُوسَٰى: دُوبِے مَعَنَرْ وَطَنْسُ كَلْمُواْمِ؞ وَطَنْدَ سُكَذُواْ دَغَ كُواْوَنٜىٰ ڧَوْيٜىٰ دَيَكٜىٰ عَيَنْكِنْ غَلِيلِ دَ نَ يَهُودِيَ دَ كُمَ دَغَ بِرْنِنْ عُرُوشَلِيمَ، سُنَ ظَوْنٜىٰ أَوُرِنْ؞

إِيكُوانْ عُبَنْ‌غِجِ كُوَ يَنَ تَرٜىٰ دَشِ دُواْمِنْ يَوَرْكَرْدَ مَاسُثِيوُاْ؞ 18أَنَانً سَيْغَا وَطَنْسُ مُتَنٜىٰ سُنْ كَٰوُاْ وَنِ شَنْيَيّٜىٰ ݣُونْثٜىٰ عَكَنْ تَبَرْمَ؞ سُنَ ڧُواْڧَرِ سُكَيْشِ ثِكِنْ غِدَا دُواْمِنْ سُݣُونْتَرْ دَشِ أَغَبَنْ عِيسَىٰ، 19عَمَّا بَسُ سَامِ حَنْيَبَ سَبُواْدَ يَوَنْ مُتَنٜىٰ؞ دَسُكَغَ بَابُ دَامَ، سَيْ سُكَ هَوْ كَنْ رُڢِنْ طَاكِنْ، سُكَ ٻَلّٜىٰ رُڢِنْ سُكَ سَوْكَرْ دَشِ دُكْ دَ تَبَرْمَرْ دَيَكٜىٰ ݣُونْثٜىٰ عَكَيْ، سُكَ أَجِيٜىٰشِ أَڟَكِيَرْ مُتَنٜىٰ أَغَبَنْ عِيسَىٰ 20دَ عِيسَىٰ يَغَ بَنْ‌غَسْكِيَرْسُ، سَيْيَثٜىٰ وَمُتُمِنْ دَيَكٜىٰ ݣُونْثٜىٰ ‏«‏أَنْ غَاڢَرْتَا مَكَ ذُنُبَنْكَ، أَبُواْكِينَ؞»‏

21مَلَمً كُواْيَرْوَرْ مُوسَٰى تَرٜىٰدَ ڢَرِسِيَاوَا سُكَ ڢَارَثٜىٰ وَجُونَنْسُ ‏«‏وَنٜىٰنٜىٰ وَنَّنْ دَ يَكٜىٰيِنْ مَغَنَرْ صَاٻُواْ وَ اللَّهْ حَكَ!‏ اللَّهْ نٜىٰ كَطَيْ يَكٜىٰدَ إِيكُواْ يَغَاڢَرْتَ ذُنُبَيْ!‏»‏

22دَ عِيسَىٰ يَغَانٜىٰ أَبِنْدَ سُكٜىٰ تُنَانِ، سَيْيَثٜىٰ مُسُ ‏«‏دُوانْمٜىٰ كُكٜىٰ وَنَّنْ تُنَانِ؟ 23وَنّٜىٰ يَڢِ سَوْڧِ، عَثٜىٰ، ‏‹‏أَنْ‌غَاڢَرْتَا مَكَ ذُنُبَنْكَ،›‏ كُواْ كُوَ عَثٜىٰ، ‏‹‏تَاشِ، كَيِ تَڢِيَ›‏؟ 24عَمَّا إِنَ سُواْ كُسَنِ ثٜىٰوَ طَنْ مُتُمْ يَنَدَ إِيكُواْ يَغَاڢَرْتَ ذُنُبَيْ عَدُونِيَا؞»‏ سَيْ يَثٜىٰوَ شَنْيَيّٜىٰنْ ‏«‏نَثٜىٰمَكَ، تَاشِ، كَطَوْكِ تَبَرْمَرْكَ كَتَڢِے غِدَا!‏»‏

25نَنْ دَنَنْ مُتُمِنَّنْ يَتَاشِ أَعِدُوانْ كُواْوَ، يَطَوْكِ تَبَرْمَرْدَ دَا يَكٜىٰ ݣُونْثٜىٰ عَكَيْ، يَتَڢِے غِدَا، يَنَ يَبُوانْ اللَّهْ؞ 26دُكَنْسُ سُكَ كَامَ بَاكِ سُنَ مَامَاكِ!‏ ثِكٜىٰدَ ڟُواْرُواْ، سُكَ يَبِے اللَّهْ، سُنَ ثٜىٰوَ ‏«‏يَوْ مُنْ غَ أَبِنْ مَامَاكِ!‏»‏

عِيسَىٰ يَكِرَا لَوِ

﴿مَتْ 9‏.9‏-13؛ مَرْ 2‏.13‏-17﴾

27بَايَنْ حَكَ، عِيسَىٰ يَڢِتَ، يَغَ وَنِ مَيْ كَرْٻَرْ هَرَاجِ مَيْ سُونَ لَوِ، يَنَ ظَوْنٜىٰ أَوُرِنْ كَرْٻَرْ هَرَاجِ؞ سَيْ عِيسَىٰ يَثٜىٰ مَسَ ‏«‏بِينِ!‏»‏ 28سَيْ لَوِ، يَبَرْ كُواْمٜىٰ دَكُواْمٜىٰ، يَتَاشِ يَبِيشِ؞

29سَيْ لَوِ يَشِرْيَ بَبَّنْ بِكِ أَغِدَنْسَ، يَكُمَ غَيَّثِ عِيسَىٰ؞ مَاسُ كَرْٻَرْ هَرَاجِ دَيَوَ تَرٜىٰدَ وَطَنْسُ مُتَنٜىٰ سُنَانَنْ سُنَ ثِنْ عَبِنْثِ تَرٜىٰدَسُو؞ 30عَمَّا ڢَرِسِيَاوَا دَ مَلَمً كُواْيَرْوَرْ مُوسَٰى سُكَ ڢَارَ غُنَغُنِ، سُنَ ثٜىٰوَ أَلْمَجِرَنْ عِيسَىٰ ‏«‏دُوانْمٜىٰ كُكٜىٰثِ، كُكٜىٰ كُمَ شَا تَرٜىٰدَ مَاسُ كَرْٻَرْ هَرَاجِ دَ مَاسُ ذُنُوبِ؟»‏ #لُكْ 15‏.1‏-2

31 عِيسَىٰ يَأَمْسَ مُسُ يَثٜىٰ ‏«‏مَاسُ لَاڢِيَرْ جِكِے بَاسَ بُڧَاتَرْ لِكِتَ، سَيْدَيْ مَرَسَ لَاڢِيَ؞ 32بَنْ ذُواْ دُوانْ إِنْكِرَا مَاسُ أَدَلْثِبَ، سَيْدَيْ دُوانْ مَاسُ ذُنُوبِ سُتُوبَ، سُكُمَ ثَنْجَ رَايُوَرْسُ؞»‏

تَمْبَيَ عَكَنْ يِنْ أَظُمِ

﴿مَتْ 9‏.14‏-17؛ مَرْ 2‏.18‏-22﴾

33وَطَنْسُ سُكَثٜىٰ وَ عِيسَىٰ ‏«‏أَلْمَجِرَنْ يَحْيَى سُكَنْيِ أَظُمِ عَكَيْ عَكَيْ سُكَنْ كُمَيِ أَدُّعَ، حَكَمَا نَ ڢَرِسِيَاوَا، عَمَّا نَاكَ سَيْثِ دَ شَا سُكٜىٰيِ كُلُّمْ؞»‏

34سَيْ عِيسَىٰ يَأَمْسَ مُسُ يَثٜىٰ ‏«‏كُنَ ڟَمَّنِ ذَاكُ عِيَ حَنَ أَبُواْكَنْ أَنْ‌غُواْ عَبِنْثِ، إِنْ سُنَ تَرٜىٰدَ أَنْ‌غُوانْ؟ 35لُواْكَثِ يَنَ ذُوَا دَ ذَاعَ طَوْكِ أَنْ‌غُوانْ عَبَرْسُ؞ تُواْ، أَلُواْكَثِنْ نٜىٰ ذَاسُيِ أَظُمِ؞»‏

36سَيْ عِيسَىٰ يَبَاسُ وَنِ مِصَالِ يَثٜىٰ ‏«‏بَاوَنْدَ ذَيْ يَاغٜىٰ ڨَلّٜىٰ دَغَ سَابُوَرْ رِغَا يَايِ وَڟُواْهُوَرْ رِغَا ڢَاثِ دَشِ؞ عِدَنْ يَا يِهَكَ، سَيْ يَذَمَ يَنَطٜىٰ سَابُوَرْ رِغَرْسَ، كُمَ ڢَاثِنْ بَذَيْ يِوَڟُواْهُوَرْ رِغَرْ ݣَوْبَ؞ 37كُمَ بَاوَنْدَ ذَيْ ظُبَ سَابُوانْ ضُوً إِنَبِے#5‏.37 ضُوً إِنَبِے: عَكَنْ سَامِ وَنَّنْ دَغَ یَیَنْ إِنَبِنْدَ عَكَ مَڟٜىٰ؞ أَنْ ثِكَ يِنْ أَمْڢَانِ دَ ضُوً إِنَبِے كَمَرْ ضُوً شَا عَڧَسَرْ إِسْرَٰٓءِيلَ؞ عَثِكِنْ ڟُواْڢَڢِّنْ سَلْكُنَ؞ عِدَنْ يَا يِهَكَ، سَيْ سَابُوانْ ضُوً إِنَبِے يَڢَرْڢَشٜىٰ سَلْكُنَنْ ضُوً إِنَبِنْ يَظُبٜىٰ سَلْكُنَ كُمَ سُلَلَثٜىٰ؞ 38سَابُوانْ ضُوً إِنَبِے دَيْ سَيْ أَ ظُبَ شِ عَثِكِنْ سَابَبِّنْ سَلْكُنَ!‏ 39بَاوَنْدَ ذَيْسُواْ شَنْ سَابُوانْ ضُوً إِنَبِے بَايَنْدَ يَشَا ڟُواْهُوانْ؞ أَيْ، يَكَنْثٜىٰ ڟُواْهُوانْ يَڢِ دَاطِے!‏»‏

अहिले सेलेक्ट गरिएको:

لُكَّ 5: hauAS

हाइलाइट

शेयर गर्नुहोस्

कपी गर्नुहोस्