भजनसंग्रह 26
26
भजन 26
दावीदको भजन।
1हे याहवेह, मलाई निर्दोष प्रमाणित गर्नुहोस्;
किनकि मैले दोषरहित जीवन जिएको छु;
ढलपल नभइकन
मैले याहवेहमा भरोसा राखेको छु।
2हे याहवेह, मलाई जाँच्नुहोस्; र मेरो पारख गर्नुहोस्।
मेरो हृदय र मन जाँचेर हेर्नुहोस्;
3किनकि तपाईंको अचुक प्रेम सधैँ मेरो सामु छ;
र म तपाईंको विश्वासयोग्यतामा हिँडेको छु।
4म छली मानिसहरूसँग बस्दिनँ,
न त पाखण्डीहरूसँग म सङ्गत गर्छु।
5कुकर्मीहरूको झुण्डलाई म घृणा गर्दछु;
म दुष्ट काम गर्नेहरूसँग बस्न इन्कार गर्दछु।
6हे याहवेह, म आफ्ना हात निर्दोषतामा धुन्छु,
र तपाईंका वेदीको परिक्रमा गर्दछु।
7उच्च सोरले म तपाईंको प्रशंसाको घोषणा गर्दछु,
र म तपाईंका सबै अचम्मका कामहरूको वर्णन गर्दछु।
8हे याहवेह, तपाईंको वासस्थान,
र तपाईंको महिमा रहने ठाउँलाई म प्रेम गर्दछु।
9पापीहरूसँग मेरो प्राण,
रक्तपिपासुहरूसँग मेरो जीवन नलिनुहोस्;
10जसका हातहरू दुष्ट योजनाहरूले भरिएका छन्,
र जसका दाहिने हात घूसले भरिएका छन्।
11तर म त निर्दोष जीवन जिउँछु;
मेरो उद्धार गर्नुहोस् र ममाथि कृपालु हुनुहोस्।
12मेरा खुट्टाहरू समतल ठाउँमा खडा छन्;
ठूलो महासभामा म याहवेहको प्रशंसा गर्नेछु।
अहिले सेलेक्ट गरिएको:
भजनसंग्रह 26: NCV
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
पवित्र बाइबल, नेपाली समकालीन संस्करण
प्रतिलिपि अधिकार © 1998, 2006, 2021, 2024 Biblica, Inc.
अनुमतिसहित प्रयोग गरिएको छ।
सम्पूर्ण अधिकार विश्वव्यापी रूपमा सुरक्षित रहनेछ।
Holy Bible, Nepali Contemporary Version
Copyright © 1998, 2006, 2021, 2024 by Biblica, Inc.
Used with permission. All rights reserved worldwide.