भजनसंग्रह 146
146
भजन 146
1याहवेहको प्रशंसा गर!#146:1 मूल भाषामा हल्लेलूयाह ; 10 पदमा पनि
हे मेरो प्राण, याहवेहको प्रशंसा गर्!
2म मेरो जीवनभरि याहवेहको प्रशंसा गर्नेछु;
म बाँचुन्जेल मेरा परमेश्वरको प्रशंसा गाउनेछु।
3शासकहरूमाथि भरोसा नगर;
मानव-जातिमाथि, जसले बचाउन सक्दैन।
4जब तिनीहरूको आत्मा निस्कन्छ; तिनीहरू माटोमै फर्कन्छन्;
त्यही दिन नै तिनीहरूका योजनाहरू पनि व्यर्थ हुन्छन्।
5धन्य हुन् तिनीहरू, जसका सहायक याकोबका परमेश्वर हुनुहुन्छ,
जसको आशा याहवेह तिनीहरूका परमेश्वरमा हुन्छ।
6उहाँ स्वर्ग र पृथ्वी,
समुद्र र त्यसमा भएका सबै थोकका सृष्टिकर्ता हुनुहुन्छ;
उहाँ सदाकाल विश्वासयोग्य रहनुहुन्छ।
7उहाँले थिचोमिचोमा परेकाहरूको पक्षमा भएर न्याय गर्नुहुन्छ;
र भोकाएकाहरूलाई भोजन दिनुहुन्छ।
याहवेहले कैदीहरूलाई स्वतन्त्र गरिदिनुहुन्छ;
8याहवेहले दृष्टिविहीनहरूका आँखा खोलिदिनुहुन्छ;
र दबिएकाहरूलाई उठाउनुहुन्छ;
याहवेहले धर्मी जनहरूलाई प्रेम गर्नुहुन्छ।
9याहवेहले विदेशीहरूको रक्षा गर्नुहुन्छ;
अनाथ र विधवाहरूलाई सम्हाल्नुहुन्छ;
तर दुष्टहरूको योजनालाई विफल पारिदिनुहुन्छ।
10याहवेहले सदासर्वदा राज्य गर्नुहुन्छ।
हे सियोन, तेरा परमेश्वरले सारा पुस्तौँ-पुस्तासम्म राज्य गर्नुहुनेछ।
याहवेहको प्रशंसा गर!
अहिले सेलेक्ट गरिएको:
भजनसंग्रह 146: NCV
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
पवित्र बाइबल, नेपाली समकालीन संस्करण
प्रतिलिपि अधिकार © 1998, 2006, 2021, 2024 Biblica, Inc.
अनुमतिसहित प्रयोग गरिएको छ।
सम्पूर्ण अधिकार विश्वव्यापी रूपमा सुरक्षित रहनेछ।
Holy Bible, Nepali Contemporary Version
Copyright © 1998, 2006, 2021, 2024 by Biblica, Inc.
Used with permission. All rights reserved worldwide.