भजनसंग्रह 138
138
भजन 138
सङ्गीत निर्देशकको निम्ति, दावीदको भजन।
1हे याहवेह, सम्पूर्ण हृदयले म तपाईंको प्रशंसा गर्नेछु;
“देवताहरूका” सामु म तपाईंको प्रशंसाको गीत गाउनेछु।
2म तपाईंको पवित्र मन्दिरतिर फर्केर दण्डवत् गर्नेछु;
अनि तपाईंको अचुक प्रेम र विश्वसनीयताको निम्ति
तपाईंको नामको प्रशंसा गर्नेछु;
किनकि तपाईंले आफ्नो आदेश यति उच्च पार्नुभयो कि,
यसले तपाईंको प्रसिद्धिलाई पनि पार गर्दछ।
3जब मैले पुकारेँ, तपाईंले मलाई जवाफ दिनुभयो;
तपाईंले मलाई बल दिएर ज्यादै साहसी बनाउनुभयो।
4हे याहवेह, तपाईंका आदेशहरू सुनेर,
यस पृथ्वीका सम्पूर्ण राजाहरूले तपाईंको प्रशंसा गरून्।
5तिनीहरूले याहवेहका मार्गहरूको जयजयकार गरून्;
किनकि याहवेहको महिमा महान् छ।
6याहवेह उच्चमा हुनुभए तापनि उहाँले नम्रहरूमाथि दयाले हेर्नुहुन्छ;
तर अहङ्कारीहरूलाई भने उहाँले टाढैबाट चिन्नुहुन्छ।
7म सङ्कष्टको बीच भएर हिँड्नुपरे तापनि
तपाईंले मेरो जीवनको रक्षा गर्नुहुन्छ;
मेरा वैरीहरूका क्रोधको विरुद्धमा तपाईंले हात बढाउनुहुन्छ;
र तपाईंको दाहिने हातले मलाई बचाउनुहुन्छ।
8याहवेहले मलाई निर्दोष प्रमाणित गर्नुहुनेछ;
हे याहवेह, तपाईंको अचुक प्रेम, सदासर्वदा रहिरहन्छ;
तपाईंका हातका कामहरूलाई नत्याग्नुहोस्।
अहिले सेलेक्ट गरिएको:
भजनसंग्रह 138: NCV
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
पवित्र बाइबल, नेपाली समकालीन संस्करण
प्रतिलिपि अधिकार © 1998, 2006, 2021, 2024 Biblica, Inc.
अनुमतिसहित प्रयोग गरिएको छ।
सम्पूर्ण अधिकार विश्वव्यापी रूपमा सुरक्षित रहनेछ।
Holy Bible, Nepali Contemporary Version
Copyright © 1998, 2006, 2021, 2024 by Biblica, Inc.
Used with permission. All rights reserved worldwide.