लूका 7:11-14

त्यसपछि चाँडै येशू नाइन भनिने एउटा शहरमा जानुभयो, र उहाँका चेलाहरू र एउटा ठूलो भीड उहाँको साथमा गए। उहाँ शहरको ढोकानिर पुग्नुहुँदा, एउटा मरेको व्यक्‍तिलाई शहरबाहिर लगिँदैथियो। ऊ आफ्नी विधवा आमाको एउटै मात्र छोरा थियो। अनि शहरको एउटा ठूलो भीड ती विधवाको साथमा थियो। प्रभुले तिनलाई देखेपछि उहाँ तिनीप्रति दयालु हुनुभयो र भन्‍नुभयो, “नरोऊ।” त्यसपछि उहाँले गएर अर्थी छुनुभयो; र ती बोक्नेहरू टक्‍क अडिए। अनि उहाँले भन्‍नुभयो, “ए जवान, म तिमीलाई भन्दछु, उठ!”